Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

БАҔАЙЫЛАР…

28.03.2022 11:20 1
БАҔАЙЫЛАР…

   (Памфлет)

Эмээхсиним бу күннэргэ адьас иэдэйдэ. Киһини кытта кэпсэппэт, аһы да санаттахха эрэ бар туомун аһыыр. Бэйэтин курдук араа-бараа саастаах дьүөгэлэрдээх этэ, аралдьытаары олоргор телефоннаа, сонунна атастас диэн көрөбүн. Олортон да туох үчүгэйин истээри, бэйэлэрэ оҕолорун эрэ туһунан санааҕа-онооҕо олороллор диэн буолуммат. Урут бобо-хаайа сатыыр аспар да кыһаллыбат, онтон мин ордук дьиксинэн бардым, бу туох буолла диэн. Чокуускабын киллэрэрим үксээри гынна, чэпчии түһээт уруккуну-хойуккуну ахтарым элбээн барда. Хаһан эрэ политзанятие диэни ыытар күннэрдээх этим ээ, ол өрдөөҕүтэсэбиэскэй кэм үгэннээн турдаҕына.

Билигин бэйэм бэйэбин кытта кэпсэтиэх курдукпун, сороҕор маннык уһун монологтары уоһум иһигэр ботугуруубун:

        – Эмиэрикэ эһэр буолла. Бу туох буолла? Хаһан эрэ доҕорбут-атаспыт этэ эбээт. Британия эмиэ. Сталин, Черчиль уонна Рузвельт немецтэри утары хайдах курдук куомуннаспыттарай? Аляска-Сибирь (АЛСиБ)  салгын трассатын тэрийэннэр Эмиэрикэ 8000-тан тахса самолету биэрбитэ, олортон 250 авиационнай полканы тэрийбиттэрэ. Ол көмө –бомбардировщиктар, истребителлэр уонна араас байыаннай техниканы аҕалбыт транспортнайсамолеттар этилэр. Аляскаттан Чукотка нөҥүө кэлэн Өймөкөөн Томторугар уонна да атын суһаллык оҥоһуллубут аэродромнарга түһэллэрэуонна салгыы Красноярскайга көтөллөрө.Муударай Рузвельт этиитинэн Африканан эргийэн буолбакка Саха сирин нөҥүө оҥоһуллубут быһа трассанан самолет, байыаннай техника бөҕөтө аҕалыллыбыта.  1942 сыл сэтинньи ыйыгар  хайы-үйэ Эмиэрикэ 211 истребителэ  уонна 116    бомбардировщига Сталинград сэриитигэр кыттыбыта. Сэбиэскэй Сойуус үс төгүллээх геройа А.Покрышкин сэрии былаһын тухары  Эмиэрикэ “Аэрокобра” истребителинэн сэриилэспитэ уонна 60-ча өстөөх самолетун суулларбыта. Кэлин Ли-2 диэн самолеттар баар буолбуттара, Эмиэрикэ урукку “Дуглас” самолета дииллэрэ. Хоту Арктикаҕа армияҕа сулууспалыырбар ити самолеттар ханнык да буурҕаҕа түүннэри көтөн кэлбит буолаллара.   Политзанятияҕа итини барытын кэпсиирим, истээччилэрим да сэргииллэрэ.

Политзанятиябар Эмиэрикэ атын да көмөлөрүн умнубат этим. Сэрии саҕана Эмиэрикэ бурдуга, таҥаһа, аан бастаан көрбүт, амсайбыт рафинад саахарым умнуллубат. Бэл миэхэ ыраах учаастакка олорор оҕоҕо сибиитэрэ тиксибитэ, куулларынан ыстаан тиктэллэрэ. Үрэх баһыгаркөмө тиксибит буоллаҕына бүтүн Сэбиэскэй Сойууспутугар төһөлөөх көмө кэлбитэ буолуой?

Политзанятияны ыытарбар сорудах биэрэр салалтам Британия уонна Эмиэрикэ 2-с фрону аспыттарын, ол быһаарар суолтатын туһунан хайаан да истээччилэрбэр кэпсиирбин ирдииллэрэ.Ол иһин бэлэмнэнэн оччотооҕу хаһыаты элбэҕи ааҕарым, ону бу баччааҥҥа диэри умнубаппын. Билигин баар мин саастыыларым Эмиэрикэ көмөтүн умна охсубуттара хомотор. Көмө оҥорботохторо буоллар сорох-сорохпут суох да буолбут буолуохтааҕа.  2-с фрону аһаннар абыраабыттара ама сымыйа буоллаҕай?  Ветераннарбытын, баас-үүт буолан эргиллибиттэри чиэстиибит-бочуоттуубут. Барахсаттар 2-с фронт аһыллыбатаҕа буоллар аҥаардара, чиэппэрдэрэ эрэ эргиллиэх этилэр.           Ити туһунан политзанятиябар тоһоҕолоон бэлиэтиирим, салалтам хайгыыра.              Аны Эмиэрикэ биһигиттэн үөрэммитэ эмиэ элбэҕэ. Космоска биһиги урут тахсыбыппыт. Ол сылдьан Чехияҕа, Румынияҕа “бэрээдэк олохтуукиирбиппит, Кубаҕа тиийэн ракеталары туруортааммыт ядернай сэриини тарда сыспыппыт эмиэ баара. Афганистаҥҥа сэриинэн киирбиппит, бадаҕа эмиэ “спецоперация” дэнэрэ. Уон сыл устата сэриигэ эдэр оҕолорбут онно охтубуттара, билиэҥҥэ түбэспиттэрэ. Чечняҕа биир оннук: арахсан бараары гыннылар диэн (Донбасс курдук) эдэр оҕолорбутун өлөр өлүүгэ умса анньан биэрбиппит. Чеченнэр көмүскэнии бөҕөтө. Ити сэриилэргэ тыыннаах хаалан хааны-сиини, өлүүнү көрбүт ыччаттарбыт кэлбиттэрэ да үөрэхтэрэ суоҕа, үлэ да көстүбэтэ, онон үгүстэрэ бандьыыттыы барбыттара, атыттар милицияҕа киирбиттэрэ. Итини  барытын билигин араас сериалларга көрөбүт. Хаарыан көлүөнэ дьылҕата итинник буолбута. Эмиэрикэ да биһигиттэн хаалсыбатаҕа, онно-манна тииһиммитэ элбэх. Биһиги кэннибититтэн атын сирдэргэ күүс өттөйбүтэ үгүс, онон үөрэ-дьүөрэ сылдьыбыппыт. Хаһан эрэ Путин Эмиэрикэҕэ тиийэн президент Буш ранчотыгар сынньана, икки улуу судаарыстыба эдэр салайааччылара бииргэ сылдьаллара көрүөххэ үчүгэйэ.                                                                            

Дьэ ити бэйэтэ Эмиэрикэ туох буолан турда? Таҥнарда? Баҕайы! Дьон бөҕөбүтүн атаҕастаата: дьокутааттарбыт, салалтабыт омук сирдэригэр харчы ууруммуттарын “тоҥортоон” кэбистэ, сорохтор дыбарыастарын, яхталарын былдьаталаата, саакка-суукка ыыталаата. Бэл биһиги, алын араҥа, омук сиригэр буолуохтааҕар бэйэбит бааммытыгар уурунуута суох дьадаҥылар,баайдарбытыгар ыалдьабыт ээ.                                                                       

Украинаҕа спецоперация саҕаламмыта ый буола оҕуста. Хаһан эрэ Грознайы биир күнүнэн ылыам диэн эрэннэбитхамандыырдаах этибит да, онто туолбатаҕа. Мариуполы ыларга эмиэ оннук тылласпыттара да ый устата кыалла илик. Итиннэ барытыгар аныгы Эмиэрикэ буруйдаах дии саныыбын. Баҕайылар. Эмиэрикэ дьайыытынан атын судаарыстыбалар биһиэхэ түһэрбит санкциялара 7000 тиийбит. Севернэй поток-2банкроттуур үһү. Австралия Арассыыйа 22 суруналыыһыгар сымыйанан суруйалларын, кэпсииллэрин иһин санкциябиллэрбит. Ити барыта аныгы Эмиэрикэ кигиитэ, кини эрэ куһаҕан санаата. Баҕайылар!                                                                                                                

Ити курдук бүгүҥҥү монологум бүттэ. Чокуускам да түгэҕэ көһүннэ. Эмээхсин барахсан, уруккутун курдук, мин чокуускабар кыһаммакка  бэйэтэ туспа санаалаах “Ментовские войны”сериалы көрө олорор.

 ***
Отох
 УйБААН,
25.03.2022 с.      

Обсуждение • 1

Добавить комментарий
  1. Ким хантан сылдьара буочарытта

    Бүлүү бөлөхтөр сөбүлээн туттар тыллара “баҕайылар” диэн. Өссө Үөһээ бүлүүлэр абааһы диэни “обооһы” диэччилэр.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»