Курс валют
$
97.28
0.37
101.22
0.55
Курс валют
Курс валют
$
97.28
0.37
101.22
0.55
Меню
Поиск по сайту

Бүгүн — Сталинградтааҕы кыргыһыы түмүктэммит күнэ

02.02.2025 (6 дней назад) 12:00 0
Бүгүн — Сталинградтааҕы кыргыһыы түмүктэммит күнэ

1942 сыл от ыйыттан 1943 сыл олунньу 2 күнүгэр диэри салҕанан барбыт икки өттүттэн улахан хаан тохтуулаах сэймэктэһиинэн аан дойду иккис сэриитигэр тосту уларыйыы ситиһиллибитэ, уодаһыннаах өстөөх хотторор аатыгар барбыта. Аҕа көлүөнэ Сталинград аннынааҕы кыргыһыыга дьоруойдуу быһыытын үйэтитэн дойдуга олунньу 2-гэр Арассыыйа Бойобуой албан аатын күнэ бэлиэтэнэр. 200 күн устата сэбиэскэй буойуннар Сталинграды көмүскээбиттэрэ. Историктар Сталинград иһин сэриилэһиигэ өрүттэр, быһа холоон, икки мөлүйүөнтэн тахса киһи сүтүктэммиттэрэ диэн суруйаллар. Ньиэмэс фашистарын уонна кинилэр союзниктарын сэбилэниилээх күүстэрэ Сталинградтааҕы кыргыһыы кэнниттэн чөллөрүгэр түспэттии улаханнык алларыйбыта, санаалара самныбыта. Билиэҥҥэ түбэспит ньиэмэс саллааттара “Сталинград” диэн тылы иһиттэхтэринэ, кутталларыттан уҥуохтара халыр босхо барара диэн сэрии бэтэрээннэрэ ахталлара.

Сталинградтааҕы кыргыһыыга уонтан тахса тыһыынча Саха сирин олохтооҕо кыттыбыта биллэр. Кинилэртэн үгүстэрэ өстөөх сэриитин куорат анныгар иилии ылыыга уонна суох оҥорууга кыттыыларын иһин И.Сталин махталынан, “Сталинград оборонатын иһин” мэтээлинэн бэлиэтэммиттэрэ.


***
Куйаар ситимиттэн

Оставить комментарий