Курс валют
$
72.5
0.47
86.7
Курс валют
Курс валют
$
72.5
0.47
86.7
Меню
Поиск по сайту

2020 сылы түмүктүүр улуус ыччатын баала

26.12.2020 14:03 0
2020 сылы түмүктүүр улуус ыччатын баала

Ахсынньы ый 25 күнүгэр, улууспут тэрилтэлэрин уонна нэһилиэктэрин ыччата куйаар ситиминэн быһа сибээскэ холбонон ааһан иһэр сылы түмүктүүр тэрээһиҥҥэ кытынна. Үөрүүлээх тэрээһиҥҥэ улуус Аҕа баһылыга Анатолий Григорьев  көхтөөх ыччаты эҕэрдэлээн, үунэр сылга өссө күүскэ түмсэн, биир санааннан салайтаран улууспут сайдарын туһугар үлэлиэххэ-хамсыахха диэн ыҥырда.


Сырдыкка,  кэрэҕэ дьулуһар улууспут киэн тууттар бастыҥ, чулуу актыбыыстарын, араас таһымнаах күрэхтэр кыайыылаахтарын наҕараадалааһын буолла, ол курдук «СӨ ыччат политикатын туйгуна» бэлиэни Күүкэй нэһилиэгин баһылыга Юрий Прокопьев, «Отличник гражданских инициатив Республики Саха (Якутия)» бэлиэни «Абаҕа» түмсүү бэрэссэдээтэлэ Зоя Кузьмина, Ф.К. Попов аатынан «Сердце патриота» бэлиэни 1 кылаастаах военнай летчик Александр Петров, «За вклад в развитие волонтерства» бэлиэни «Кэскил» сокуоннай саастарын ситэ илик оҕолорго социально-реабилитационнай киин директора Альбина Прокопьева, «За вклад в развитие детского движения РС(Я)» Сунтаардааҕы оҕо сайыннарар киинин директорын иитэр үлэҕэ солбуйааччы Айна Яковлева, Ф. А. Поморцев аатынан наҕарааданы оҕо сайыннарар киинин педагога Михаил Кириллин, «Дьулуур» бэлиэни  Күндэйэ оскуолатын 11 кылааһын үөрэнээччитэ Анастасия Веригина уонна СӨ Ыччат политикатын миниистирин эҕэрдэ суругун Сунтаар нэһилиэгин «Сомоҕо» түмсүүтэ ыллылар. Ыччаттарга СӨ Ыччат дьыалатыгар уонна социальнай коммуникацияларга министиэрстибэтин уонна Сунтаар улууһун ыччат политикатын отделын бочуоттаах грамоталара, эҕэрдэ суруктара туттарылыннылар.

Тэрээһин долгутуулаах чааһыгар сылын ахсын улуустааҕы ыччат отделын көҕүлээһининэн “Лучшая общественная инициатива 2020”  анал ааттар туттарылыннылар, ол курдук “Лидер Года” бэлиэни Партизан култуура киинин дириэктэри солбуйааччы Жанна Макарова, “Лучшая общественная организация” бэлиэни И.Г. Спиридонов аатынан Кириэстээх оскуолатын эдэр педагогтара уонна “Лучшее муниципальное образование по реализации молодежной политики” бэлиэни Куокуну нэһилиэгэ  ыллылар.

***

«Сунтаар улууһа (оройуона)» муниципальнай оройуон дьаһалтатын пресс-сулууспата.

Оставить комментарий    

Россельхозбанк
АЯМ