Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

⠀Доҕордуу Алдан оройуонугар Үрүҥ Тунах ыһыахха

15.06.2022 08:42 0
⠀Доҕордуу Алдан оройуонугар Үрүҥ Тунах ыһыахха

⠀БЭС ЫЙЫН 11 КҮНҮГЭР Алдан оройуонун ыҥырыытынан, доҕордуу сыһыан чэрчитинэн Мэҥэ Хаҥалас улууһуттан делегация кыттыыны ылла.

⠀⠀Бу күн, Алдан оройуона Сэвэки КЭК Үрүҥ Тунах ыһыаҕы тэрийэн ыытта. Улуустан Мэҥэ Хаҥалас улууһун депутаттарын Бэрэссэдээтэлэ Павел Сазонов кыттыыны ылла. Ыһыах алгыһын биир дойдулаахпыт Быраматтан оһуохайдьыт, алгысчыт Герман Яковлев оҥордо, былытынан көрөн турбут халлааны арыйан, үрүҥ күнү таһааран олохтоохтор махталларын, хайҕалларын ылла. Ыһыах үөрүүлээх чааһа Алдан оройуонун баһылыга Александр Шестопалов эҕэрдэ тылынан саҕаланна.

⠀⠀Улуус олохтоохторугар махтал, эҕэрдэ суруктарын үөрүүлээх быһыыга-майгыга туттарда. Оһуохайы Герман Яковлев оройуттан тутан, дьон-сэргэ, олохтоохтор кыттыһан, биир тэҥник хамсанан, саха төрүт үҥкүүтүн үҥкүүлээтилэр.

⠀⠀Бу кэннэ, араас конкурстар, күрэхтэр, кэнсиэрдэр ыытылыннылар. Күн иккис аҥаарыгар фольклор көрүҥнэригэр, уус-уран оҥоһуктарга, түһүлгэ көрүүтүгэр улуустан тиийбит культура уонна духуобунай сайдыы салалтатын салайааччытын солбуйааччы Надежда Максимова, информационнай метод киин специалиһа, улуус культураҕа үлэһиттэрин биир идэлээхтэрин  профсоюһун бэрэссэдээтэлэ Эмма Павлова, культура бэтэрээннэрэ, СР культуратын үтүөлээх үлэһитэ Мария Скрябина,  СР культуратын туйгуна Светлана Турчина конкурстарга дьүүллүүр сүбэҕэ үлэлээтилэр.⠀

⠀⠀Мэҥэ Хаҥаластан культурнай чааһыгар кэнсиэргэ коллективтары салайан кэлбит улуус культураҕа уонна духуобунай сайдыыга салайааччытын солбуйааччы Надежда Максимова эҕэрдэ суругу уонна өйдөбүнньүк бэлэҕи Алдан оройуонун культураҕа уонна духуобунай сайдыыга салайааччытыгар Анастасия Помалейкоҕа туттарда.

⠀⠀Улууспут айар коллективтара Төҥүлүттэн Ситим орто көлүөнэ үҥкүү бөлөҕө, салайааччы СР культуратын туйгуна Александра Баишева, Табаҕаттан  Төлөн эр дьон вокальнай  народнай бөлөҕө, уус-уран салайааччы СР культуратын үтүөлээх үлэһитэ Павел Егоров, тойуксут Георгий Баишев, ырыаһыттар Дмитрий Васильев, Варвара Прибылых, Надежда Захарова, СР культуратын үтүөлээх үлэһитэ Сардаана Осипова концертка кытыннылар.

⠀⠀Алдан оройуонун ыҥырыытын ылынан, саха омук төрүт үгэстэрин тарҕатыыга, үйэтитиигэ, тэрийсиигэ тиийэн кыттыбыт, үлэлэспит, улууспут айар-тутар дьонугар,  коллективтарыгар барҕа махталбытын тиэрдэбит!

БЭС ЫЙЫН 18 КҮНҮГЭР, Мэҥэ Хаҥалас улууһугар Саха АССР тэриллибитэ 100 сылыгар, Саха Өрөспүүбүлүкэтигэр Ийэ, улууска Бигэ туруктаах дьиэ кэргэн, сопхуостар тэриллибиттэрэ 55, Майа 120 сылларыгар аналлаах Сахабыт сирэ үйэлэргэ уруйдан, кэлэр кэмнэргэ айхаллан! улуустааҕы ыһыахха доҕордуу Алдан улууһа ыалдьыттыаҕа.

***
Улуус дьаhалтатын пресс-сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»