Курс валют
$
76.59
0.03
82.78
0.48
Курс валют
Курс валют
$
76.59
0.03
82.78
0.48
Меню
Поиск по сайту

Уруйдуу көрсүөҕүҥ II өрөспүүбүлүкэтээҕи төрөөбүт тыл учууталларын күрэҕин лауреаттарын

15.03.2023 (2 недели назад) 09:07 0
Уруйдуу көрсүөҕүҥ II өрөспүүбүлүкэтээҕи төрөөбүт тыл учууталларын күрэҕин лауреаттарын

Улуу суруйааччыбыт  Амма Аччыгыйа “сахабыт тыла сир симэҕин курдук сиэдэрэй, үрүйэ уутун курдук ыраас-дьэҥкир, муора уутун курдук дириҥ, баай өйдөбүллээхдиэн  этиитин өссө бигэргэтээри, Бүтүн Арассыыйа үрдүнэн ыытыллар күрэх  өрөспүүбүлүкэтэээҕи түһүмэҕэр“Төрөөбүт тыл уонна литэрэтиирэ бастыҥ учуутала – 2023”күрэскэ 13 улуустан уонна Дьокуускай куораттан 14 саха тылын, литэрэтиирэтин уонна биир эбэҥки тылын учуутала кытта кэллилэр. Кинилэр истэригэр 2 сылтан саҕалаан 33 сылга диэри ыстаастаах, 7 үрдүкү, 8 бастакы категориялаах учууталлар бааллар.

Кулун тутар 14 күнүгэр С.Н. Донской II аатын сүгэр Үөрэҕи сайыннарар уонна идэни үрдэтэр үнүстүтүүт аактабай саалатыгар, ону тэҥэ куорат сахалыы тылынан үөрэтэр оскуолаларыгар – Саха-гимназияҕа уонна Дьокуускай куораттааҕы национальнай гимназияҕа –идэлээх куонкурус бастакы түһүмэҕэр аһаҕас уруоктар, уонна тус идэ уратытын  көрдөрөр хайысхалаах методмастарыскыайдар буолан аастылар.

Учууталлар уруоктарыгар ыччаппыт кэскилин бигэ тирэҕэ, төрөөбүт Ийэ тыл сүмэтэ, ааҕар дьоҕуру сайыннарарын итэҕэтиилээхтик көрдөрдүлэр. Сөптөөх ньыманы туһанан  уруогу аныгылыы, оҕо интэриэһин тардан ыытыы, ол эбэтэр хайдах мотивациялыыбытдиэн ыйытыыга эппиэт биэрии хас биирдии кыттааччыны долгутара арылхайдык көһүннэ. Кыттааччылар төрөөбүт төрүт тыл холбукатыгар оҕо уйулҕатын сөп түбэһиннэрэн, олоҕу кытта ситимнээх сорудахтары толотторон уруоктарын чаҕылхайдык, эрэллээхтик, үрдүк таһымҥа ыыттылар.

Методмастарыскыай түһүлгэтигэр учууталлар проектнай үлэлэрин ситимнээн, санааларын сааһылаан,истээччилэргэ тириэрдиини ситиһэн, албастарын, кистэлэҥнэрин арыйдылар, көрөөччүлэри кытта санаа үллэстиитин олохтооотулар уонна дьүүллүүр сүбэ ыйытыыларыгар дьоһун эппиэттэри биэрэн астыннардылар.

Икки күрэх түмүгүнэн 8 бастыҥ кыттааччы II-с түһүмэххэ салгыы кыттар чиэскэ тигистэ. Кинилэр талбыт хайысхаларынан кылаас чааһын  биэриэхтэрэ, маастар кылаас көрдөрүөхтэрэ.  Ол кимнээҕий:

Васильева Нюрбина Егоровна, Мындааба орто оскуолатын учуутала, Уус Алдан улууһа;
Ефимова Евдокия Даниловна, Данил Степанович  Слепцов аатынан Эбээх орто оскуолатын учуутала,Орто Халыма улууһа;
Липатова Светлана Афанасьевна,   Дьокуускай куораттааҕы Айыы  Кыһата национальнай гимназия учуутала;
Лукина Кэскилээнэ Вячеславовна, Афанасий Осипов аатынан биирдиилээн биридимиэттэри дириҥэтэн үөрэтэр хайысхалаах  Бэрдьигэстээх орто  оскуолатын учуутала, Горнай улууһа;
Семенова Светлана Анатольевна, Николай Николаевич Чусовской аатынан Антоновка орто оскуолатын учуутала, Ньурба улууһа.
Уарова Любовь Прокопьевна, Аллаҥа орто оскуолатын учуутала, Сунтаар улууһа.
Уйгурова Раиса Иннокентьевна, Архип Георгиевич Кудрин-Абаҕыыныскай  аатынан Абаҕа орто оскуолатын учуутала, Өлүөхүмэ улууһа;
Фёдорова  Вера Васильевна,  Назар Харлампьевич Дьяконов аатынан Тыайа орто оскуолатын учуутала, Кэбээйи улууһа.

Лауреаттарга ситиһиилэри!

***
     Дария Санникова, Үнүстүтүүт Пресс-киинэ

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»