Курс валют
$
60.88
0.19
63.05
0.34
Курс валют
Курс валют
$
60.88
0.19
63.05
0.34
Меню
Поиск по сайту

Сийиэс кыттыылаахтарыгар коррекционнай оскуолалар үөрэнээччилэриттэн маастар-кылаас

23.11.2022 (2 недели назад) 15:51 0
Сийиэс кыттыылаахтарыгар коррекционнай оскуолалар үөрэнээччилэриттэн маастар-кылаас

Тэрээһин сэтинньи 22 күнүгэр «Саха Өрөспүүбүлүкэтигэр тыллар тустарынан» сокуон ылыллыбыта 30 сылыгар аналлаах саха тылын, литературатын уонна култууратын учууталларын II сийиэһин чэрчитинэн Республикатааҕы анал (коррекционнай) оскуола интернакка ыытылынна. 50-тан тахса сийиэс кыттыылааҕа ыалдьыттар Луи Брайл систематынан оҥоһуллубут «Һөҕүҥ, доҕоттоор»«Я вижу и слышу сердцем» диэн ааттаах көрбөттөргө аналлаах сахалыы шрифты уонна сахалыы дактилы кытта билистилэр, сахалыы көрбөттөргө аналлаах кинигэлэри уонна көмө таһаарыылары сөҕө-махтайа көрдүлэр. Үөрэнээччилэр көрбөттөргө аналлаах сахалыы шрифты туһанан хайдах суруйалларын уонна ааҕалларын көрдөрдүлэр. Ыалдьыттар буоллаҕына шрифтынан туттан тиэкис суруйан боруобалаатылар.

Сахалыы матыыптаах ырыанан-тойугунан ыалдьыттары куорат, республика, Россия уонна норуоттар икки ардыларынааҕы таһымнаах күрэстэр лаурета буолбутоскуола «Алаас» фольклорнай бөлөҕө көрүстэ. Онтон Республикатааҕы истибэттэр оскуолаларын үөрэнээччилэрэ дактилынан – истибэттэр анал хамсаныы тылларынан – Саха сирин гимнын толордулар.

Республикаҕа көрбөт үөрэнээччилэр истэригэр бастакынан компьютеры билиини баһылаабыт уонна көрбөттөрү IT-технологияҕа үөрэтиэн баҕалаах 11 кылаас үөрэнээччитэ Илья Смертин поэт Иван Горнай хоһооннорун хас да тылынан (нуучча, саха уонна аангылыйа) ааҕан ыалдьыттары сөхтөрдө. Маны тэҥэ үөрэнээччи Андрей Петров саха тыла кини төрөөбүт тыла буолбатаҕын үрдүнэн сахалыы холкутук саҥарар уонна оскуола ырыа ансаамбылыгар ыллыыр.

Оҕолор таптаан истэр «Таал-Таал эмээхсин»остуоруйаларын Республикатааҕы айар күрэх-фестиваль I степеннээх лаурета, Бүтүн Россиятааҕы педагогическай маастарыстыба күрэҕин III степеннээх дипломаана буолбут оскуола көрбөт уонна истибэт уһуйуллааччыларын күлүк театра көрдөрдө.

Маны таһынан, Республикатааҕы истибэттэр оскуола-интернат үөрэнээччилэрэ хас биирдии саха киһитин дууһатын таарыйар хомус дьүрүскэн тыаһынан ыалдьыттары абылаатылар.

Онон, төрөөбүт түөлбэлэриттэн ыраатан, уһун кэм интернакка олорор истэр уонна көрөр органнарыгар кэһиилээх  оҕолор иитэр-үөрэтэр үлэ уонна анал көмө техникалар уонна ньымалар нөҥүө төрөөбүт тылларын билиилэрин уонна култуураларын сийиэс кыттыылаахтарыгар көрдөрдүлэр.

Кылгас ыспыраапка:

Иван Горнай – көрбөт поэт, публицист, философ уонна Саха сирин бастакы тифлопедагога, Брайл систематынан саха алпаабытын ааптара, «Гражданскай килбиэн» бэлиэхаһаайына, Саха республикатын үөрэҕириитин туйгуна, культура үтүөлээх үлэһитэ, Аан дойдутааҕы суруйааччылары сойуустарын чилиэнэ.

***

РС(К)ШИ пресс-сулууспатын аатыттан Уэрэх сайдыытын уонна идэни  урдэтэр унустуут

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»