Тулаайах кулунчук

Ийэтэ ханна сүппүтэ биллибэт. Атын үөр атыыра ылан барбыт быһыылаах дииллэр. Оннукка кулунчугу атыыр өлөрүөн сөп. Тэбэр эбэтэр ытырар. Бу кулунчук, хата, тыыннаах хаалбыт. Төрөөбүт үөрүттэн хаалбатах. Атын төрөөбөтөх биэ кураанах эмиийин эмэ сатаан батыһа сылдьарын булан аҕалбыттар. Ол атын биэ да, өлөрүөн сөп этэ, атыҥыраан. Ону хата батыһыннара сылдьыбыт. Онон бу тыһы кулунчук бүтүн оҥоһуулаах, сылгы төрдө буолуо, мантыкаҥ. Былыр тулаайах Ньырбачаан киһи төрдө буолбутун курдук, – диэн Дулҕалаах нэһилиэгиттэн, Дьааҥы улууһуттан суруйаллар.

***
Источник – личный телеграм-канал редактора Aartyk.Ru Туйаары НУТЧИНОЙ,
на канале выходят публикации, не размещенные на сайте. Подписаться