Сир туһунан

Саха омуга төрөөбүт дойдутугар сирдээх буоларын туһугар долгуйабын. Хас биирдии киһи саатар биир бас билэр учаастактаах буолуохтаах.
Хайдах гынан сири ылабыт? Маныаха ньыма элбэх, олортон 5 сүрүнүн билиһиннэриэм.
1) Атыылаһан ылыы;
2) Утумнааһын ( нэһилиэстибэ);
3) Үс оҕоттон саҕалаан элбэх оҕолоох дьиэ кэргэн, уочаракка туран, сир ылар бырааптаах;
4) «Уһук Илиҥҥи гектар» сокуоҥҥа этиллибитин курдук, киһи анал хаһаайыстыбанан дьарыктанар буоллаҕына, биир гектарга диэри сири ылар кыахтаах. Бэриллибит сири ылан, биэс сыл иһигэр сөптөөхтүк туһаннаҕына , кини бэйэтин бас билиитигэр көһөр;
5) Сири уларсыкка ылыы (аренда). Холобур, муниципалитет сирин уларсыкка ылан , онно дьиэ тутуннахха, төлөбүрүн кэмигэр төлөөн иһэр буоллаххына, эн ол сири бас билиигэ (приватизация) ылар бырааптанаҕын;
Сири атыылаһарга «выписка из ЕГРН» диэни («Свидетельство о праве собственности» докумуон, дьон биир сири хаста эмэ атыылаабыт түгэннэрэ баарынан, күүһэ суох буолла) ылар булгуччулаах, кадастр каартатын интэриниэт ситимиттэн булан көрүөххэ сөп.
***
Сандаара Кулаковская.
Оставить комментарий