Курс валют
$
72.33
0.34
86.33
0.39
Курс валют
Курс валют
$
72.33
0.34
86.33
0.39
Меню
Поиск по сайту

МЭҤЭ ХАҤАЛАС КУЛТУУРА ҮЛЭҺИТТЭРИН АЛТЫННЬЫТААҔЫ СҮБЭ МУННЬАҔА БУОЛЛА

29.10.2019 08:00 0
МЭҤЭ ХАҤАЛАС КУЛТУУРА ҮЛЭҺИТТЭРИН АЛТЫННЬЫТААҔЫ СҮБЭ МУННЬАҔА БУОЛЛА

Үгэс курдук сыл аайы ыытыллар култуура үлэһиттэрин сүбэ мунньаҕа Аллараа Бэстээххэ буолан ааста. 30 нэһилиэктэн барыта 100-тэн тахса култуура дьиэлэрин дириэктэрдэрэ, уус-уран салайааччылара, мусуой үлэһиттэрэ кытыннылар.


Мунньахха Мэҥэ Хаҥалас улууһун баһылыгын социальнай боппуруостарга солбуйааччы Николай Цыпандин кыттыыны ылбыта мунньах таһымын үрдэттэ. Култуура уонна духуобунай сайдыы управлениетын салайааччыта Дмитрий Аргунов 9 ыйдааҕы үлэ түмүгүн билиһиннэрдэ, инники соруктарга тохтоото, быйылгы үлэ сезонугар саҥа үлэһиттэри билиһиннэрдэ. Култуура үлэһиттэрин боропсойууһун бэрэссэдээтэлэ Эмма Павлова сыллааҕы боропсойуус үлэтин отчуоттаата итиэннэ кэлэр 2020 сылга үгэс буолбут 64-с төгүлүн ыытыллар Улуу Кыайыы 75, Манчаары Баһылай төрөөбүтэ 215, Мэҥэ Хаҥалас улууһа төрүттэммитэ 90 сылларыгар аналлаах “В.К.Степанов аатынан култуура уонна успуорт эстэпиэтэтэ” бэстибээл балаһыанньатын бырайыагын билиһиннэрдэ.

Кулууптар истэринэн араас бырайыактарга кыттан, эбии үбүлээһини ылар соруктаах НКО-ну, ол эбэтэр некоммерческай тэрилтэлэри тэрийии күн бүгүн сүрүн соругунан буолар. Бу боппуруоска Төҥүлүтээҕи култуура киинин иһинэн биир бастакынан тэриллибит НКО, айымньылаахтык үлэлии сылдьар “Доруобуйа” кулууп бэйэтин баай уопутун туһунан дириэктэр Александра Баишева, кулууп салайааччыта Надежда Оконешникова сиһилии кэпсээтилэр.

2019 сыл – Арассыыйаҕа тыйаатыр сыла. Бу тыйаатыр ускуустубатыгар анаммыт сыл түмүктэнэрэ чугаһаата. Бу хайысхаҕа мэҥэ хаҥаластар кэккэ ситиһиилэрэ элбэх, Д.Ф.Ходулов аатынан норуот тыйаатыра, Эдэр көрөөччү тыйаатыра, Аллараа Бэстээх “Сыккыс” норуодунай тыйаатыра, 4 көлүөнэ тыйаатырдарын түмсүүлэрин ситиһиилэрэ улууһу үрдүккэ кынаттыыр, киэҥ сурахтыыр. Бу туһунан сиһилии Аллараа Бэстээх тыйаатыр кэлэктииптэрин салайааччыта Мария Сергеева сырдатта. Ол кэннэ үөрэхтэрин саҥа бүтэрэн, улуус нэһилиэктэригэр үлэлэрин саҕалаан эрэр эдэр үлэһиттэри култуура түбүктээх үлэтигэр сүрэхтээһин буолла.

Тэрээһин чэрчитинэн сиэксийэлэринэн арахсан үлэлээтилэр. Дириэктэрдэр, уус-уран салайааччылар, мусуой үлэһиттэрэ бэйэлэрин хайысхаларынан тарҕаһан, инники соруктарга тохтоотулар, элбэх боппуруостарга туһааннаах дьонтон хоруйдары ыллылар.

Ол курдук, хайысхаларга улуус баһылыгын социальнай боппуростарга солбуйааччы Николай Цыпандин, улуустааҕы ПДН хамыһыйатын бэрэссэдээтэлин солбуйааччы Феликс Титов, ЦДОД „Кэрэли“ дириэктэрэ Марианна Билюкина, улуус бэтэрээннэрин Сэбиэтин бэрэссэдээтэлэ Маргарита Максимова кытыннылар. Култуура эйгэтигэр айымньылаахтык үлэлии сылдьар култуура уонна духуобунай сайдыы начаалынньыгын собуйааччы Надежда Максимова, Д.Ф.Ходулов аатынан тыйаатыр иһинэн эдэр көрөөччү тыйаатырын режиссера Елизавета Петрова, улуустааҕы Олоҥхо дьиэтин уус-уран салайааччыта Айта Васильева „Дойдум дьоҕурдаах дьоно“ диэн документальнай тэттик киинэлэри интэриниэт ситимин нөҥүө бар дьоҥҥо билиһиннэрэр соруктаах үлэ хаамыытын туһунан, култуура управлениетын киинэҕэ салаатын исписэлииһэ Прокопий Федоров, Р.Г.Васильева аатынан улуустааҕы кыраайы үөрэтэр мусуой дириэктэрэ Зоя Шарина, мусуой аудиовизуальнай нэһилиэстибэҕэ үлэлэһэр исписэлииһэ Василий Шарин сахалартан бастакы ССРС Геройа Ф.К.Попов туһунан документальнай киинэ уһуллуутун туһунан о.д.а. туһааннах боппуруостарга иһитиннэриилэри оҥордулар.

Бу күн кыттыыны ыла кэлбит биир идэлээхтэр санаа атастаһан, сыллааҕы үлэни-хамнаһы торумнаан, чөмчөтөр сыаллаах тарҕастылар.

***

Ааптар: Эмма ПАВЛОВА.

Оставить комментарий    

Россельхозбанк
АЯМ