Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

“Хаамаайы Сааска туһуттан иирсимиэххэйиҥ!”

22.09.2019 12:17 12
“Хаамаайы Сааска туһуттан иирсимиэххэйиҥ!”

Общественник, суруналыыс Марина Платонова-Хомпорууна социальнай ситимҥэ ыҥырыы бырахта: “Аҕыйах ахсааннаах сахалар иирсимэххэйиҥ”, – диэн.

Хаамаайы Сааска туһуттан дьон айдаан тардан хайдыһан саҕалаабыта хобдох санааны саҕар.

Былааһы утары саҥарара эппиэтинэстээх буолара биллэр суол этэ буоллаҕа.
Ханнык саҥа сокуон таҕыста этэй?

Историк үөрэхтээхпит сатаатар чараас эйгэни эбээччи, кыттыһыннарааччы буолан баран Тенгрианстваттан Христоска тиийэ хааһылаабытын уонна кэнчээрилэрин тимир- тамыр саҥаттаран бүрээт ойууттара өйдөөбөтөхтөрө, өһүргэммиттэрэ эмиэ даҕаны сөп ээ.

Хаабыһап туһуттан остуол тула кэпсэтиилэргэ, ватсап ситимигэр син элбэх билэр дьоммун кытары эйэбит арахса сыспыттааҕа.

Билигин кэлэн өссө саҥарыллыахпын билэ-билэ санаабын тириэрдэбин:

Бастааҥҥыттан саҕалаабытын курдук көннөрү “хаамаайы” (ходок) айанын салҕаабыта буоллар.
Аара баран иһэн ойуун аатырбакка.
Атын омуктары САХА норуотун барытын аатыттан бутуйбакка.

Күүстээх санаатынан салайтаран ыраах айаҥҥа – былааннаабыт сиригэр араас ыарахаттары туораан тиийэн баран санаатын этиммитэ буоллар өссө син өйдүөххэ сөп этэ.

Эрдэ күөһүн өрүнээччи буолан, таах салгыны хамсатааччы эрэ аатыран, аттыгар соччото суох ааттаах-суоллаах дьону мунньан, тиийбит сирин олохтоохторун күөттээн тугу да ситиспэтэ.

Түмүгэр, чугас дьонун долгутан, төрөөбүт норуотун аатын хоруотатан, эбиитин бэйэтин дьылҕатын сиргэ-буорга тэпсэн ночооттоох кини эрэ буолла.

Мындыр өбүгэлэрбит “ТЫЛ-ОХ” диэн бэргэн этиилэрин айылҕаттан айдарыылаах киһи эрэ буолбакка саха барыта билэр, итэҕэйэр этэ буолбатах дуо?

Кэннэ кээнчэ да буоллун диэбиттии Хаамаайы Сааскабыт халы-мааргы тыллаһан, маннык мээнэ быһыыланан, аныгылыы хайп-танан, норуот геройун аатын ылыан баҕарбыта эбитэ дуу?

Төһөтүн да иһин аҕыйах ахсааннаах сахалар бу түбэлтэ туһуттан санаабытын сатарытымыаххайыҥ. Олох биир көстүүтэ курдук ылынан салҕыы эйэ дэмнээхтик олоруоххайыҥ.

***

Источник –https://www.facebook.com/marina.platonova.14

 

Обсуждение • 12

Добавить комментарий
  1. Полумесяц

    Оннук этэ дьиҥинэн. Мээнэ хаайыылаахтар кыттыспыттара олох дьаабы этэ. Саатар тылбыт-өспүт да хара маҥнайгыттан соччото суохтук иһиллэрэ, кэнникинэн син оруннаах соҕус буолан испитэ даҕаны батыһааччылара аатын алдьата сыстылар дии

  2. Алексей

    Туннэри дьахтар

  3. Зинаида

    Кыра ычалаах дьахтар эбит…

  4. петр

    Ну, чья бы корова мычала…

  5. САХАБЫН

    Олекма эбэцкитэ ону аташканнар саха диэн уохсэллэр.Саха сиригэр сууьунэн омук олорор ол барыта саха диэн буолбатах.Таах саца эрэ буоллун диэн дьону куортээн.Эбэцки хаамайы омук бардын кэллин.”0″ – внимание буолуохтаах этилэр ону соруйан урэ олороллор оссо “Саха” диэн ярлык онтон олох да “ирээки” диэн бу тугуй эьиги ити саца5ытыттан оччо ырааппатах курдуккут.Бэйэ5итин туьэн биэрдигит.Бу Батсапка маннык сурах тар5анар Турция5а олорор дьахтар ыыппыт.”Якут”-диэн туроктыы “эмэьэ уутэ” диэн эбит аны “эмэьэ-эмэша” диэн эбит кинилэрдии.Ол курдук урут улахан омук тылы тоттору уларыта тутан норуоту уо5уу оцостор эбит.Ону да бу соторутаа5ыта кун саар ыраахтаа5ы прямой эфирга: эьиги тупиковое место- диэбитэ арыый уларытан диэххэ.Омуктар араас сири сии ылыах иннинэ барытын уорэтэллэр акаарыны тоттору туьаналлар ол политика диэн буолар.Тойоттор ол омуктарга аьыы аргылыы эрэ барбакка бу якутия- диэни уларытыц хайа муцун.Атын дойдулар хос ааттарын уларыттылар 90-сылларга.Куттанан атыыланан бутуц.

  6. Дьа5ыл

    Марина сепке эппит.

  7. Лиза

    Арыычча аптарытыаттаах, биллэр кестер киьи эппитэ буоллар син да этэ. Бу Ким рекламаланна бэйэтин. Урук биллибэт кестубэт этэ Марина.
    Атын общественниктар То5о тебелерун кистээтилэр?

  8. ЗОЖ

    аптарытыаттаах дьонуц ханна баалларый арай харчы эрэ сииргэ форумца вэф-кэ фуршекка сахсырга курдуктар.Эрдэ истэ-истэ мантан тутуохтаах этилэр.Айахтарын атан баран ыьыах ырыа уцкуу буола сылдьыбыттара.Кун аайы саха сирин аргыьыттарын кордорорго бокуой суох.Аргыны олорор дьиэ5э атыыламац диэн сюжекка бэ5эьээ эрэ РенТВ эмиэ манна5ы итирик табалары холобур курдук кордордо.Сабыц аргы маг. ити дьону тоттору дойдуларыгар ыытыц.

  9. Бэргэн

    Хаамаайы Сааска барыан инниттэн эппит этэ, уеьэттэн айдарыылаах туулу туьээтим диэн. Ол иьин Москубалаабыта ди. Баран иьэн ойууцца кубулуйбут диир дьоццо туьаайан этиэхпин ба5арабын. Былааьы уруйдуур, Буучуцца бэрт буола сатыыр, бу олоххо сылаастык, тоттук, харчы сии олорор дьон эрэ Хаамаайы Саасканы кэриэрдэллэр, куьа5аннык саныыллар. Мин санаабар Александр Габышев маладьыас. Аьа5астык бэйэтин санаатын биьиги курдук куттанан олорбокко этэн тыынан, дьоццо-сэргэ5э биллибитинэн. Хайа муцун ата5астанан олоруохтаахпытый сахалар да, атын норуот, нэьилиэнньэ да. Туксу.

  10. хоту

    марина платонова, алгасаабат буоллахпына, “кистэлэн куус” сурунаал тасаарааччыта этэ дуо ? оччого бу маннык санааны этэр толору бырааптаах, кыахтаах киси санаата. “кистэлэн куус” дьэ итэгэл, ойууннар, саха туса эгин диэн боппуруостарга элбэги суруйбут, биэрбит сурунаал.

  11. фома

    бу хамаайы “ойууммут” дуу, туохпут дуу боппуруосугар олус элбэх ити “феномены” сэнээрэр дьон баара биричиинэтэ манныктар дии саныыбын. Бастакытынан – кэнники суурбэччэ сыл ол-бу ойуун, абаасы, уосээ – аллараа, костор -костубэт тусунан асары улусуйэн туох баар хасыат эгин барыта “сырдатан” алыстаатылар. абаасы, танара. костор – костубэт, сипсийэр – сэрэтэр, оннук маннык барыта чахчы баар диэн угус киси бигэтик итэгэйэр буолла. танара баар диэн итэгэйиллэрэ син да этэ,ону баара абаасы, сибиэн баарыгар эрэ угустэр итэгэйэллэр. танараны оссо баардаабаттар даганы. дьинэ, ити араас суруйар, корбут -истибит, абаасы “амырыын сытын” кытта билбит дьон интикилэрэ барыта бэйэлэрин ньиэрбэлэриттэн, воображениеларыттан, ыалдьар туруктаахтарыттан, бысата эттэххэ, син биир арыгы “горячкатыгар” киирбит киси курдук короллорун-истэллэрин наука, медицина былыр уйэгэ арыйан турар. уорэхтэн- сырдыктан, наукаттан , чол ойтон – санааттан улаханнык тэйэн эрэрбитин костуутэ ити “Ойуун сааскага” уосээлэр Путины кыйдаа диэн эппиттэр усу, тыый ! диэн итэгэйии, суу- саа бого буолуу. Иккисинэн, кэлин сылларга маннаагы олохтоох былаастарбыт дьон сэргэ санаата муунтуйуутун атын сиргэ утэйэр, салайар олус барыстаах ньыматын булбуттара. Ол – туохха барытыгар москва, федераллар, путин былааса диэни кистии -аба дьонно тиэрдии. били хаарыан бэйэбит былааспытын- “суверенитетпытын” былдьаабыттарын тумугэ диэн. ол исин аапыыт президен быыбарыгар Путины утарар бырысыаммыт улаханынан аатырбыппыт. Бисиги урукку былааспыт – Бэриисэп эргимтэтэ, алмаасы тутан олорор аан дойду “либерал” ысыыттарын уонна кинилэр боломуочунайдарын, россия либералларын, путины тула муста сатыыр патриот нууччаларга кыр остоох оппозиция эйгэтин кытта олус ыксалар этэ. ол да исин бу бисиги “ойуууммутун”саамай арбаабыт, араас кураанах тыл куусунэн суогу-баары барытын сыбаан, кырааскалаан айдаарбыт дьон – либерал оппозиция эйгэтэ, хасыаттара – саайтара. онтон бисиэхэ туох буолуой, бэйэ киситэ, бэйэ ойууна биир да бэйэбит былааспытын, миэстэтигэр айбардыы, сии-асыы, тун-тан дьасайа олорор дьоммутун утары ” уосээлэр суох гынын” диэтилэр диэн утары хаампатын, похуокка турбатын кэннэ. Путины, Москваны барыга – бары балыйыман, чугастаагыны корунун. манна бааллар, дьиннээх бэйэлээтэр – бэйэбит “абаасыларбыт”.

  12. Кугдаров

    Уйэлэргэ сууллубакка салайар ба5алаах, уларыйары елууннэн аа5ар муцур былааска, ацардас ура5астаммытын да иьин Хаабыьапка, ити Манчаарыга курдук, пааматынньык туруоруохха наада. Хас Буучун утуругун сыттыы эмэьэтин салыыр акаары дьахталларынан сирдэтинимэц.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»