БАЙАНАЙ АЛГЫҺА

Аал уотум иччитэ
Бырдьа бытык,
Кыырык төбө
Хатан Тэмиэрийэ,
Аһаа-сиэ!
Күлүм аллай!
Байдам тутуу,
Барылы кэскил,
Баай барыылаах
Тойон эһэкээм,
Эйигиттэн дьолу-соргуну
Көрдөһөр күнүм күһэйдэ,
Айах тутан
Ааттаһар күнүм ананна.
Хара тыам барахсан
Үрүҥ-хара түүлээҕиттэн
Үүрэн-түрүйэн аҕалан
Барар-кэлэр сирбэр
Саарбаны, саһылы тоһуйдун.
Булт үтүөтүн тосхой,
Күлүм гын, мичик гын!

***

Aartyk.ru