2027 сылга страховой биэнсийэ чааһа иккитэ хаттаан ааҕыллыан сөп
Ол курдук, олунньуга баар инфляция таһымыгар диэри, онтон муус устарга Социальнай пуонда бүддьүөтүн кыаҕыттан көрөн ааҕыллыа.
Бу туһунан РФ Судаарыстыбаннай Дуума үлэҕэ, социальнай бэлиитикэҕэ кэмитиэтин салайааччыта Ярослав Нилов иһитиннэрдэ.
Ол эрээри чопчу даата уларыйыан сөп: холобур күһүн, бүддьүөт бэлэмнэнэр кэмигэр бырабыытылыстыба этии киллэриэ. Инники сылларга схеманы уларытан тураллар. 2025 сылга биэнсийэ тохсунньу 1 күнүттэн үрдээбитэ, ол кэнниттэн олунньу 1 күнүгэр индексацияламмыта. Онтон 2026 сылга төлөбүрү тохсунньу 1 күнүттэн 7,6 % инфляция таһымыттан үрдэппиттэрэ.
***
Оставить комментарий