СЫЛЫ ЭРЭЛЛЭЭХТИК ТҮМҮКТЭЭН ЭРЭЛЛЭР

Сыл түмүктэнэрэ чугаһаан хаһаайыстыбалар сыллааҕы үлэлэрин түмүгүн ааҕан-суоттаан үүнэр сылга онно тирэҕирэн үлэлэрин туһаайан үлэлии сылдьаллар. Барыллаан ааҕыынан “Туймаада Агрохолдинг” АУо биир бөдөҥ тэрилтэтэ  “Туймаада Экоферма” ХЭТ сылын куһаҕана суохтук түмүктээн эрэр.

Бу хаһаайыстыба билиҥҥи туругунан улаханныын-кыралыын ынах сүөһүлэрэ тэрилтэ хаһаайыстыбаларынан наардаатахха: Дьокуускайдааҕы отделенияҕа 350, Нөмүгүгэ 289  ийэ сүөһү турар, онон тэрилтэ уопсайа 639 ыанар ынахтаах. Ону таһынан 417 ыччат сүөһү уонна уотууга 100 төбө турар.

Ахсынньы ый туругунан көрдөххө хаһаайыстыба үрдүнэн барыта 1493 тн үүт ыаммыт. Хас биирдии ыанар ынахтан 3802 киилэ үүт ыанан бу хаһаайыстыба итинэн көрдөххө көрдөрүүтэ үрдүк. Былаан быһыытынан 1430 тн үүт туттарыллыахтааҕын 1501 тн үүт туттарыллыбыт. Онон былаан манна 104,9 % туолбут. Бу сыл устата 420 ньирэй ылыллан былаан билиҥҥи туругунан 86 % туолан иһэр.

Аһылыгынан хааччыллыы туһунан суруйар буоллахха, ааспыт сайын хаһааҥҥытааҕар да үчүгэй күннэр тураннар окко даҕаны, сиилэс, сенаж бэлэмнээһинигэр да көрдөрүү куһаҕана суох. Ол курдук экоферма үрдүнэн 2600 тн от, 660 тн сенаж уонна  2000 тн сиилэс бэлэмнэнэн кыстыкка толору аһылык баар. Онон бу кыстыгы этэҥҥэ туоруур толору кыахтарбааллар.

***
Прокопий ХАБАРОВ