Курс валют
$
76.04
1.01
90.01
1.05
Курс валют
Курс валют
$
76.04
1.01
90.01
1.05
Меню
Поиск по сайту

Сунтаардар окко былааннарын 64% тириэртилэр

14.08.2020 16:01 0
Сунтаардар окко былааннарын 64% тириэртилэр

Сунтаар улууһун быйыл окко былаана 34100 туоннаҕа тэҥнэһэр. Бүгүҥҥү күннээҕи туругунан сунтаардар барыта 22102 туонна оту чөкөттүлэр.


Улуустааҕы тыа хаһаайыстыбатын управлениета биэрбит дааннайдарынан билигин ходуһаҕа барыта 3864 отчут үлэлии-хамсыы сылдьар, ол иһигэр 1150 араас тиэхиньикэ.

Окко былааннарын 80%-тан таһаарбыт нэһилиэктэринэн Илимниир, Кэмпэндээйи, Кутана, Маар Күөл, Тэҥкэ, Түбэй Дьаархан, Түбэй, Хоро уонна Сиэйэ буоллулар. Онтон күндэйэлэр 2550 т былааннаахтарын 1743 т бэлэмнээн, былааннарын 68% тириэртилэр. Кириэстээхтэр 1950 т былааннаахтарыттан 828 т оту чөкөтөн былааннарын 42% тириэртилэр. Саамай элбэх оту бэлэмнээбит нэһилиэгинэн бүгүҥҥү күннээҕи туругунан Күндэйэ буолар (1743 т). Былырыын баччаҕа күндэйэлэр 1860 т оттоммуттар эбит.

Сунтаар улууһугар 10-ча хонук күн-дьыл туран биэрэн, чааһынайдар үгүстэрэ оттоон бүттүлэр, ынах сүөһүлэрэ кыстыгы туоруур отторун булуннулар.

***

Гаврил АНДРЕЕВ

Оставить комментарий