Курс валют
$
63.78
2.01
65.79
2.99
Курс валют
Курс валют
$
63.78
2.01
65.79
2.99
Меню
Поиск по сайту

Хайаҕа күрүүр дьылҕа ырааҕа суох курдук…

28.04.2022 (3 недели назад) 18:07 1
Хайаҕа күрүүр дьылҕа ырааҕа суох курдук…

“Алитет хайаҕа күрүүр” испэктээккэ сылдьыбытым ыраатта даҕаны тоҕо эрэ санаабыттан арахпат.

Бу аныгы олоххо айымньы саҥалыы ааҕыллар. Хаһан баҕарар оннук буолар. Бэл диэтэр, биир арамааны хайдах туруктаах олорон аахпыккынан араастаан киирэр. Бу биир испэктээк элбэҕи да биэрэр. Аҕыйах ахсааннаах норуот олоҕо-дьаһаҕа, бэйэ-бэйэҕэ сыһыана, сиэрэ-туома, баттаныыта, кылгас санаата, куттала, синигэр түһүүтэ, кэнэнэ, бэйэни сэнэниитэ, таптала, олоххо дьулуура, өлбөт үөһэ, көҥүлэ…

“Алитеты…” көрөн баран артыыстарбытыттан олус да астыммытым. Дьиҥ талаан, дууһа, сүрэх оонньуута манна баар. Эдэр артыыстарбыт элбэхтэрэ үөрдэр. Алитет (Василий Борисов) чаҕылхай.

Тыгренаны оонньообут Алиса Ларионова диэн эдэр артыыска бэккэ иэйэн оруолун биэрдэ. Баай табаһыт уобараһын арыйбыт Иннокентий Дакайаарап эдэр дьахтарга сананан үҥкүүлээмэхтээн ыла-ыла, саннын ыгдаҥалатан, төбөтүнэн хамсаммахтанан, эбээннии эйээрэн кыыска ынан кэлбитин саныы-саныы быарым быстар.

Аныгы кэмҥэ бу уһук хотугу дойду олоҕун кыһалҕата билигин ордук сытыытык иһиллэр. Тохтоло суох “чарли томсоннар” кэлэннэр сирбитин-уоппутун хаһаллар, көрдүүллэр, булаллар, хоро таһаллар, чээлэй күөх айылҕабытын хара истиэпкэ кубулуталлар, маспытын кэрдэллэр, кыылы-сүөлү, хамсыыр харамайы уйата суох хаалларан куоттараллар… Урут да оннуга, билигин да атына суох… Норуот айдаарар, былаас ыраах, истибэт. Маннык салгыы саҥата суох ыгдах гына олордохпутуна, Эдьиий Дора этэринии сүүнэ элбэх омук кэллэҕинэ олохтоохтор хайдах буолабыт? Алитет курдук хайаҕа күрүүбүт дуу?

***
Айталина Никифорова-Шадрина.

Фото: сайт «Эдэр Саас»

Обсуждение • 1

Добавить комментарий
  1. Знаю,однако

    Даа, туох диэххэ собуй..”Чарли Томпсоннар”уонна “Алитет” диэннэр бугун уйэ анараа оттугэр хаалбыттарын Дьокуускай театраллара билбэттэр диэтэххэ ..осургэнии кытаанага буолуо,бука. Алитет бугун хайага куоппат..Алитет нынче у-умный..Алитет мамонт муоса була-аар уонна мало -мало омук сирэ ,Чарли Томсонна гуляй бардаа..Атын Алитет да,хайага бардаа, комус хостоо, трактор -бульдозер води гыннаа..харчы олордоо..Дьокуускай таас дьиэ ыллаа..Усус Алитет поселок диван сыттаа..Кэргэн “ого огордоо”…пособия, отцовскай – материнскай капитаал кэллээ..арыгы истээ,окорочкаа от “Чарли томсон” сиэтээ.. “у Алитет все ючюгээй”..

Оставить комментарий    

Школа-интернат для неслышащих обучающихся
Шиномонтаж Левша

Красивые окна
СахаСтройПлит
Новостройки якт ру
Сахатранснефтегаз
Стоматология 32