Курс валют
$
59.96
0.8
60.9
0.94
Курс валют
Курс валют
$
59.96
0.8
60.9
0.94
Меню
Поиск по сайту

Ууга барбыттар: “Правительствоттан көмө күүтэбит!”

09.07.2022 16:11 4
Ууга барбыттар: “Правительствоттан көмө күүтэбит!”

Биир сайыҥҥы күн – тоҕус кыһыҥҥы хонугу аһатар диэн өбүгэлэрбит этэллэрэ. Ол да буоллар республика таһымыгар көр-нар, оонньуу-күрэх тохтуур быһыыта суох. Оттон күн-дыл бараннар баранан иһэр. Ханна эрэ тыа умайар, уот-буруо буурҕата тумнарар, өҥүрүк куйаастан аһыҥа күөҕү бүтэрдэ, ханна эрэ ардаан ууну таһымнатан хоромньу бөҕө таҕыста.

Икки улууска хас да күн ардаан дьон дьиэтин-уотун ууга былдьатта. Кэбээйи Сэбээн Күөлүгэр уонна Дьааҥы Суордааҕар эбэлэр хааларыттан тахсан дьону иэдээҥҥэ тэптилэр.

Суордаахтар бүүс-бүтүннүү олорбутунан ууга былдьаннылар. Кыстык от-мас хаалбата, дьиэ-уот бүттэ диэн ыксаан суруйаллар. Бүгүн МЧС бөртөлүөтэ Суордаахха тиийэ сатаан баран “халлаан туругуттан” саллан, Сэбээн Күөлтэн төннүбүт диэн буолла. Ол көтөр аалга правительство ыксаллаах быһыыга -майгыга эппиэтинэстээх тойоно Дмитрий Садовников, бэрэстээтэли солбуйааччы, көтөн иһиспит. Онон суордаахтар улахан көмөнү оҥоруох тойонноро кэлбэккэ сүөм түспүттэр. Суордаах Дулҕалаах эбэ баһыгар ыраах сытар нэһилиэк, 360 киһилээх, улуус кииниттэн 300 км тэйиччи сытар.

2004 сыллаахха улахан уу кэлэн эмиэ Суордааҕы, Дулҕалааҕы бүтүннүү ылан турар. Ол курдук балаһыанньа буолла диэн улуус мунньаҕын дьокутаата Владислав Кривошапкин этэр. Суордаахха ыал дьиэтэ барыта ортотугар диэри кирдээх ууга турар. Дьиэ акылаата, муостата, ону сэргэ мала-сала, техниката, миэбэлэ ууга былдьанна диир.

“2004 сыллаахха нэһилиэк ууга барбыт хоромньутун правительство дьаһалынан көмөлөөн оһоруммуппут. Тутуу матырыйаалын, техниканы улахан бөртөлүөттэринэн таспыттара. Сайыны быһа Дьокуускайтан биригээдэлэр кэлэн нэһилиэги чөлүгэр түһэрбиттэрэ. Бу сырыыга судаарыстыба өттүттэн эмиэ көмө оҥоһуллуон наада, хайаан да правительственнай хамыыһыйа тэриллиэх тустаах”, – диэн Кривошапкин дьон туруорсуутун “Аартык” нөҥүө республика салалтатыгар тиэрдэр.

Суулаһа сылдьан көһө-көһө көрүлээһин  бүтэн кыстык кыһалҕатын быһаарар уолдьаста. Хоту сир сайына кылгас. Аны ардаата да халлаан тымныйан барар. Бу айылаахха дьиэтэ-уота суох дьон, ордук кыаммат-кырдьаҕас, оҕо-уруу эрэйдэнэрэ сэрэйиллэр. Онон правительство хайаан да суһал көмөнү ууга барбыттарга уталыппакка оҥороро ирдэнэр.

***

Aartyk.Ru

 

Обсуждение • 4

Добавить комментарий
  1. Хаххан

    Урут 90-сылларга демократия са5ана хаьыат барыта суруйара.Куол орус урукку хаатыгар туьуохтэрэ диэн.Уу кэлиэ диэн
    Ону Ким да баардылаабат олорон хааллылар.Коспоххо.Хаар ардах уута элбэх.Омук сирэ эмиэ биир оннук Индия Китай ууга бара турар.

  2. Хаххан

    Тоьолоох элбэх орускуот буолла.Ханна хайдах кыстыылларый.Улуус киинигэр коьорон олордуц.Билигин туох суох киьи а5ыйах о5о кырдьа5ас эрэ хаалла.Суол суох.Барыларын мунньан бодуцсутуц.Син биир а5ыйах тыьыыннча киьи буолуо.Уруккулуу олорон ууга уокка быстаран хаалыахтара.Ким быыьыырый.Кортон оонньуттан ордон тойоттор кыьанан да бэрт.

  3. Ардах тохтоото?

    Уу ылар сиригэр олорор дьон бэлэм буолуохтаахтар. Бытовой техниканы, мебели, танаьы-сабы, продуктаны обычно дьиэ урдугэр таьаарааччылар. Уокка оттор маьы эмиэ уу ыларын билэр дьон сарайга, хоспоххо кыстааччылар.

    • Оо

      Оттон уот кураан буолар диэн этэ ди. Теттеру буолбут дии. Эрэйдээхтэр хайдах уу ылбыт дьиэтигэр кыстыыллар((

Оставить комментарий