Улуус баһылыктара саха саллааттарыгар көмө илдьэллэр

АХШ уонна РФ баһылыктара эйэлээх олоҕу төннүннэрэргэ кэпсэтии ыыта сылдьаллар. Биллэн турар, буола турар быһылаан элбэх судаарыстыба интэриэһин таарыйар, онон дьыала-куолу судургутук уонна түргэнник барар кыаҕа суох. Ол эрээри боростой норуот сэрии бүтэрин олус кэтэһэр.

Уот ортотугар сылдьар уолаттарбыт дойдуларын дьоно өйүүллэрин, дьиэлэригэр кэтэһэллэрин билэллэр. Улуус баһылыктара, бэрэстэбиитэллэрэ анал байыаннай дьайыы буолар сиригэр көмө илдьэллэр. Ол курдук бу күннэргэ Ньурба улууһун салалтата саха саллааттарыгар тиийэ сылдьар:

 -СВО зонатыгар айанныы сылдьабыт. “Илиҥҥи” байыаннай полигоҥҥа 5 саха уолун көрүстүбүт. Дойдуларыттан гуманитарнай көмөнү, баһыылкалары туттардыбыт. Уолаттарга барыта этэҥҥэ буолалларыгар, кыайыы көтөллөөх бары дьиэлэригэр төннөн кэлэллэригэр баҕарабын, – диэн Ньурба улууһун баһылыга Алексей ИННОКЕНТЬЕВ биллэрэр.

***

Aartyk.Ru