“Тыгын Дархан” киинэ хаһан көрөөччүгэ тахсар?
Василий Яковлев-Далан “Тыгын Дархан” арамаанынан уһуллар киинэ көрөөччүгэ хаһан тахсар диэн элбэх киһи сураһар.
Киинэ режиссеруттан Никита АРЖАКОВТАН Aartyk.Ru эмиэ ыйыта сырытта. “Хаһан да, хаһан” диэн сотору-сотору үүйэ-хаайа тутартан киһибит салгыбыт да быһыылаах. Бастааҥҥы былаанынан киинэбит 2019 сылга, Ил Дархан быыбарыгар, экраҥҥа тахсыахтаах этэ. Киһи былаанныыр, Таҥара дьаһайар дииллэринии, бэлиитикэ-экэниэмикэ балаһыанньата эҥин-дьүһүн уларыйан, киинэбит да, быыбарбыт да былаана уларыйан турар.
Никита Иннокентьевич этэринэн, “Тыгын Дархан” уһуллан бүтэн, билигин “монтажно-тонировочный” диэн ааттанар түһүмэххэ тиийэн турар эбит.
“Мосфильм” базатыгар таҥыллар. “Хара тыын (карантин) кэнниттэн баран салгыы үлэлиэм. Кыра хаала сытар, – диэн АРЖАКОВ суруйар. – Дубляж нууччалыы куолас, омук тыла титрдаах”, – диир.
Онон, этэҥҥэ буоллаҕына, аны кыһын көрө сыһар инибит диэн баҕа санаалаахпыт.
***
Aartyk.Ru
Оставить комментарий