Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Тарас ДЕСЯТКИН этэҥҥэ!

13.09.2017 10:44 7
Тарас ДЕСЯТКИН этэҥҥэ!

“Саха сиригэр” өр сыл үлэлээбит кырдьаҕас журналист Николай Крылов интернет:мессенджэринэн тарҕаммыт Тарас Десяткин туһунан бөрүкүтэ суох сураҕы сымыйа диир.

“Төһө да бэйэбит омукпутун үрдүктүк туттарбыт, бэрдэ суох өрүттэрбит баалларын билинэргэ тиийэбит. Урут даҕаны бэрт былдьаһарбытын, чорбойоору гыммыт киһини таҥнары тарда сатыыр, чулууларбытын сэтэриир, өрүү ордугургуур, атахтыы сатыыр адьынаттаахпытын билэбит.

Дьадаҥы, дьаранаас олохтоох, кыаммат, кылгас өйдөөх аҕыйах ахсааннаах буоламмыт, бэйэ бэйэбитин кэтэһэ-манаһа, ордугурҕаһа, умсарса сатыыр адьынастаах буоллахпыт. Ити аҕыйах ахсааннаахпыт содула буолуон эмиэ сөп. Улахан омуктар киэҥ-холку майгылаах, кыраны дарбата сатаабат, киһи көҥүлүн күөмчүлээбэт, сиилии-хоһулуу сылдьыбат буолаллар эбээт.

Дьиҥэр, Тарас Гаврильевич олорор дьиэтэ суох буолбут кырдьаҕас буолбатах. Туймаада хочотун биир бэртээхэй хонноҕор чөкө уһаайбалаах. Онтукатыгар обургу уораҕай туттан уолун Андрей Тарасовиһы кытта быр бааччы олорон, саастаах киһи сиэринэн чуумпуга наадыйан, тэлгэһэтигэр дьоҕус дьиэ туттаран олорбута. Уола Андрей ону силигин ситэрэн, аныгылыы өрөмүөн оҥорторон турар. Тарас Гаврильевич кыанара буоллар, ол дьиэтигэр оҕолорун бэлэмигэр төһө баҕарар күөлэһийэр усулуобуйалаах. Ону баара, кырдьар кырыыһа, ыарыы ситэн кэллэҕэ…

Хас да сыллааҕыттан  аймах-билэ, атас-доҕор дьонун кытта билбэт буолар ыарыыга ылларбыта, эмп тэрилтэтэ эрэ көрөр-харайар дьылҕаланна. Кинини көрөн-истэн, бүөбэйдээн сытыараллар. Дьонун таһынан былаас анаабыт киһитэ эмиэ көрөр-харайар. Улахан ааттаах-суоллаах быраас идэлээх быраата Роман Десяткин тус кэтэбилинэн кырдьаҕаспыт эмтэнэн, көрүллэр-харайыллар.

Төһө да сэтэрээбит, ордугургаабыт иһин, Тарас Десяткин курдук Саханы Саха дэппит, омукпутун, дойдубутун суон сураҕырдыбыт ДЬОҺУН БЭЙЭЛЭЭХ ДЬОРУОЙ киһибит үтүө аатын, ааһа баран омукпут чиэһин, суобаһын — араас куһаҕаны туһанан,  күлэ-күлэ күлбүтүн таптайа сатыыллара абатын эбитин ньии!”.

Николай Крылов “Эдэр сааска” суруйбут суругун таһынан эбэн этэр эбит буоллахха, Десяткин өссө урут “Якутзолото” генеральнай дириэктэринэн үлэлиир эрдэҕинэ, быдан былыр, компания санаторий-балыыһатыгар анал люкс-хос анаттарбыта.  Хаһан баҕардаҕына киирэн эмтэнэн, көрүллэн-хараллан тахсар. Итини сэргэ Ярославскай уулуссаҕа эмиэ квартиралаах.

Кэлиҥҥи ойоҕо билигин да онно олорор буолуохтаах. Кини курдук үйэ-саас тухары далбарга сылдьыбыт киһи, “дьиэтэ-уота” суох, “ускул-тэскил” олохтоммотоҕо чахчы.

Кыыһа Марина Десяткина өр кэм Канадаҕа Саха Республикатын бэрэстэбиитэлинэн ананан үлэлээбитэ. Билигин да оҕолорунаан онно олохсуйан олорор. Уола Андрей Дьокуускайга баар.

Кырдьан кыаммат буолуу диэн баар. Эмкэ-томко, быраас истиитигэр-көрүүтүгэр сытара, хата, Десяткиҥҥа бэрт буоллаҕа. Элбэх кырдьаҕаска тиксибэт өҥө.

***

Aartyk.ru

Обсуждение • 7

Добавить комментарий
  1. Ч

    Бу баҕас кырдьык суруйуу. Төһөтүн да иһин дьону сымыйанан түһэрэн суруйуо суоххут этэ.

  2. Макс

    Кими эттин Ч?

  3. Ч

    Ватсапка суруйуу баар этэ, ону этэбин. Ол гынан баран сахалар, кэлин кырдьа5астарбытыгар сыьыаммыт молтоон эрэр курдук.

  4. Атас

    Ол кэргэнэ баарэбит дии. Оччо5о то5о аттыгар суо5уй? Дьикти да эбит?

  5. Люмпен-пролетариат

    Кырдьар диэн кырыыс, кырдьа5астар бары да5аны кыаммат буолуохпут – айыл5а сокуона оннук. Биhиги дьаданылар, званията суохтар эрдэ кун сириттэн барарбыт ордук – кыанар со5ус эрдэхпитинэ. Эвтаназия энин диэни сокуонна киллэриэххэ баара – Ил тумэннэ

  6. Петр

    тарас гаврильевич десяткин норуотугар туох да улахан заслугата суох дедушка. Биир да тыыппалаах горнай маастары, прииск начальнигын,участковай геологы иитэн таhаарбата. “Якуталмазка” наар созурууттан кэлбит дьону поддержкалаабыт киhи. Кини “якуталмазка” yлэлии сылдьан хвостохранилищелар, накопителлэр сыыhа тутуллубуттарыгар, драгалартан химия Малай Ботуобуя yрэххэ
    тyhyyлэригэр туох да экологическай антимералары ылбатах салайааччы. Бyлyy алдьархайын молча билэ билэ билбэтэзэ буола сылдьыбыт киhи.

  7. Петр

    “Якутзолото” тресткэ саамай сладкайдык, сылаастык олорбут киhи.

Оставить комментарий