“Сибирь” авиахампаанньа Дьокуускайга эргилиннэ

“Сибирь” авиахампаанньа (S7 хампаанньа бөлөхтөрүгэр киирэр) олунньу 19 күнүттэн Москваттан (“Домодедово” аэропортан) Дьокуускайга диэри быһа рейсинэн куруук сылдьар буолуоҕа. Бу туһунан Дьокуускай аэропордун пресс-сулууспата иһитиннэрдэ.

“Сибирь” авиахампаанньа, баскыһыанньаттан уратын, күн аайы рейстэри оҥоруо. “Домодедово” аэропортан Дьокуускайга 9.30 чааска көтөн кэлиэхтэрэ. Дьокуускай аэропордуттан 10.50 чааска көтүөхтэрэ.

“Сибирь” Москва уонна Дьокуускай хайысханан 2018 сыл алтынньы 28 күнүттэн быһа рейсинэн сырыытын тохтоппута. Ол эрээри S7 күн аайы Москва-Новосибирскай-Дьокуускай хайысханан иккитэ сылдьар.

***

НВК “Саха”.