Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

Сайыҥҥы лааҕырга кыыс оҕону атаҕастыылларын видеоҕа уһулбуттар

04.09.2017 08:54 2
Сайыҥҥы лааҕырга кыыс оҕону атаҕастыылларын видеоҕа уһулбуттар

Сайын оҕону хайдах дьарыктыыр, арадьытар туһунан элбэх төрөппүт төбөтүн сынньар.

Кэлиҥҥи кэмҥэ оҕо сайыҥҥы лааҕырдарын туһунан үгүс элбэх хобдох сурахтар тарҕаналлар. Ону истэ-истэ төрөппүттэр кутталлара улаатар.

Төһө да рекламаҕа “оҕону эргиччи сайыннарабыт” диэн лааҕырдар көөчүктээтэллэр, сорох-сороҕор  “эргиччи сайдыы” үтүөҕэ эрэ буолбакка, куһаҕан өттүгэр эмиэ барар.

Биир быдьар быһыы бу сайын Бүлүү улууһугар тахсыбыт. Быһылаан биллиэ суоҕа эбит да, туоһу – видео буолбут. Обургу кыргыттар бэйэлэрин саастыы кыыһы элбэх буолан сэриилээн атаҕастаабыттар. Онтуларын телефон видеотыгар устан баран интернет-мессенджергэ бырахпыттар.

Дьон кэпсииринэн, кыыс оҕону кырбааһыҥҥа Бүлүү куорат 1 уонна 3 №-дээх оскуола кыргыттара, ону таһынан Халбаакы сэлиэнньэтин оскуолатын үөрэнээччитэ кыттыбыттар.

Үөрэх уонна наука министиэристибэтэ  этэринэн, бу быһылааҥҥа сөптөөх миэрэ ылыллыахтаах, үлэ бара турар дииллэр.  Сэрэйдэххэ маннык балаһыанньа Бүлүүгэ эрэ буолбакка, атын да лааҕырдарга тахсара буолуо. Онон, аныгы лааҕырдарга төрөппүт оҕотун ыытара сэрэхтээх эбит диэн түмүккэ кэлэҕин.

***

Майя ДМИТРИЕВА,

Aartyk.Ru

Обсуждение • 2

Добавить комментарий
  1. МАТВЕЙ

    Маннык нудьу-балай быьыы хатыламматын туьугар биьиги тороппуттэр модьуйабыт: Бу тубэлтэгэ кыттыылаах ( оьуоба кырбааччы оголору) барыларын ааттарын-суолларын тороппуттэрин кытта таьаарыахха наада!!!

  2. Восток

    Билигин тороппуттэрбит да оччо улахан ой-санаа суох дьоно.О5олоро эмиэ итиитэ суохтар.Сымыйа лицензита суох харчы туьугар улэлиир лаа5ыр диэн суох буолуохтаах.Маннык о5олору дет.колония эрэ коннороро буолуо.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»