Олунньу 1 күнүттэн социальнай төлөбүрдэр үрдүүллэр

Дмитрий Медведев сорох босуобуйалары, төлөбүрдэри 2019 сылга үрдэтэр туһунан уураах таһаарда. Туһааннаах докумуон government.ru таҕыста диэн РИА Новости иһитиннэрэр.

“Бу уураахха РФ икки уонна тоҕус федеральнай сокуоннарынан көрүллэр төлөбүрдэр, босуобуйалар үрдүүр коэффициеннэрэ быһаарылынна. Ол курдук  1,043 тэҥнэһэр”, – диэн докумуоҥҥа суруллар.

Бу коэффициент олунньу 1 күнүттэн олоххо киириэ, диэн “Саха” НКИК иһитиннэрэр.

Бэтэрээннэр, инбэлииттэр, оҕолоох дьон босуобуйалара, ону таһынан үлэлии сылдьан ыалдьыбыт буоллаххына уонна оһоллоххуна социальнай страхование төлөбүрдэрэ үрдүүллэр.

“2018 сылга төлөбүр улаатыытын коэффициена 1,025 тэҥнэһэр этэ”,- диэн эбии суруллар.

***

“Саха” НКИК.