Ньурба улууһун баһылыга “АЛРОСА” АК президенин кытары көрүстэ
Ахсынньы 18-19 күннэригэр, Ньурба улууһун салалтата Мииринэй оройуонугар сылдьан хас да боппуруоска кэпсэтии ыытан кэллэ. Ол туһунан “Ньурба” хаһыат суруналыыһа Геннадий Антонов суруйар.
Улуус баһылыга Алексей Иннокентьев, экэниэмикэҕэ уонна үпкэ солбуйааччыта Иннокентий Васильев буолан бастаан Мииринэй улууһун дьаһалтатыгар сырыттылар.
“Кэпсэтии сүрүн тиэмэтинэн Мииринэйгэ Ньурба улууһун тыатын хаһаайыстыбатын бородууксуйатын батарыы туһунан барда”, – диэн суруналыыс суруйар.
Салгыы “Якутскэнерго” АК Арҕааҥы электрическэй ситимнэрин дириэктэрэ Игорь Забегины кытта көрсүһүү тэрилиннэ.
“Ньурба улууһун олохтоохторун саамай долгутар боппуруос – Сунтаартан Ньурбаҕа диэри үрдүк күүрүүлээх 220 кВ линия тутуутун туһунан боппуруоска сүбэлэһии барда. Маны сэргэ улуус нэһилиэнньэтэ уотунан сылыттыыга маассабайдык холбонорун туһугар, улууспут уотун күүһүрдүү туһунан кэпсэттилэр”, – диэн Геннадий Антонов чопчулуур.
Ол кэннэ баһылык Алексей Иннокентьев “АЛРОСА” АК президенэ Сергей Ивановтыын көрсөн, Накыыҥҥа баар Ньурбатааҕы хайаны-байытар кэмбинээккэ олохтоох ыччаты үлэҕэ ылар туһунан боппуруоһу көтөхтө.
“Ньурба куоракка олохсуйан үлэлиир “АЛРОСА-Ньурба” ААУо инники үлэтигэр-хамнаһыгар сыһыаннаан эмиэ кэпсэттилэр. Бу тэрилтэ Ньурба куорат уонна улуус олохтоохторун үлэ миэстэлэринэн хааччыйар, ону сэргэ улууспут социальнай-экэнэмиичэскэй сайдыытыгар көмөнү оҥорор”, – диэн улуус хаһыатын суруналыыһа санатар.
Манна даҕатан эттэххэ, эһиилгинэн “АЛРОСА-Нюрба” Ньурба улууһун социальнай-экэнэмиичэскэй сайдыытыгар үп көрөр дуогабарын больдьоҕо бүтэр. Алексей Иннокентьев дуогабар уһатылларын ситиһиэн наада.
“Биллэрин курдук, хас да сыллааҕыта “Ыраас иһэр уу” тосхолунан “АЛРОСА” АК Марха өрүс сүнньүгэр сытар сэттэ нэһилиэккэ 50 мөл. солкуобайга ууну ыраастыыр оборудованиелары ылан биэрбитэ. Нэһилиэктэргэ ууну ыраастыыр ыстаансыйалар тутуллубуттара. Ол эрээри бу ыстаансыйалары көрөн-истэн үлэлэтии улахан ороскуоттаах буолан, нэһилиэктэр кыайан туһаммакка олороллор. Ону Алексей Иннокентьев “АЛРОСА” АК өттүттэн манна көмө ирдэнэрин туруоруста”.
“АЛРОСА” АК бэрэсидьиэнэ Сергей Ивановтуун үчүгэй кэпсэтии таҕыста диэн Геннадий Антонов суруйар:
“Баһылыкпыт Алексей Михайлович киниэхэ истиҥ тыллардаах Эҕэрдэ суругун уонна улуус аатыттан чороон бэлэҕин туттарда”.
***
Геннадий Антонов “Ньурба” хаһыакка тахсыбыт ыстатыйатыттан бэчээттэннэ.
Обсуждение • 10
Добавить комментарийОставить комментарий
Шиномонтаж Левша
Cтоматология 32
Маладьыас, Алексей Михайлович!
Кимниин багарар тугу багарар кэпсэтиэххэ сеп.
Ол диэн чепуха буо.
Главное – олоххо киллэрэр наада.
Ити бандьыыт Америка ону кыайыа дуо?
Бутун улуус дьонунан талыллыбыт баьылыгы бандьыыт диэн уе5эр хайдах-хайдах иитиилээх дьоццутуй? Ньурбалар барахсаттар, Поповкут да хаайыллыбытв сеп гыммата дуо, аны саца баьылыккытын оннук дьыл5алаары мээнэ тылга тииьэ5ит дуу?
Кугдааров сеп тыллаах-естеех киhи быhылаах.Истин,.
молодец
Ньурбалары Накыын карьердарыгар чугаhаппаттар.
Саамай хамнастаах yлэлэргэ Мирнэйтэн кэлэн yлэлииллэр,
Ол эрэ буолбатах. Накыынна водка, спирт атыылаан “спались” гыммыт дьоннор-мирнэйдэр. Накыын “сухой” закон сирэ…То5о ону республика сайтарыгар таhаарбаккыт?
Оттон эн бэйэн суруналыыскын дии.
Суруйан ыыт ээ, таЬаарыа этилэр буо.
Кураанах кэпсэтии, туохха туһалааҕа эбитэ буоллар. Аны кэлэн оройуон тэҥҥэ кэпсэтэр кыаҕа суох, умнаһыт курдук илии уунуулаах эрэ сылдьар кыахтанна, онтугайдарын ити айылаах кэпсэнэллэр, пахай да. Дьон – норуот хаһан өйдөнөрө эбитэ буоллар? Игин араас проходимистары талан, таах сибиэ, ыт күлүүтүгэр бардыбыт!
Ити ачыкылаах дьээдьэ биир да тылыгар итэ5эйбэппин!
Хайа, ууну ыраастыыр станцияларбыт үлэлээтилэр дуо