Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

“Маахыс ханна баарый?!”

10.04.2017 11:55 13

Бээһээҥҥи миитиҥҥэ Афанасий Максимовы көрөөрү кэлбит дьон малыйда. Киһибит суох.

“Маахыс ханна баарый?!”

– Итиччэ ыҥыран баран бэйэтэ ханна барда?!

– Росгвардия көрдүү сылдьар диэбиттэрэ, эмиэ хаайдылар дуо?

“Ханна баарый?”, “Тоҕо суоҕуй?”, “Төлөппүөннээн ыйыт!” – итинник хабааннаах ыйытыылар, сураһыылар, модьуйуулар бээһээ мессенджеринэн утуу-субуу кэлитэлээтилэр.

Бастаан күлэн: “Билбэппин, хоммотоҕо”, сорохторго: “Алданнаабыта. – Но! Тоҕо? – Көмүс сууйа”, –  диэн хоруйдаһан иһэн, кырдьык, бу киһибит ханна сүттэ диэн, кэнникинэн дьиктиргээн, сэттэ уон сэттэ сэкириэтинэй нүөмэригэр эрийэ сатаатыбыт да, хоруйа – ньоол буолла.

Биир нүөмэргэ кини курдук куоластаах киһи: “Кимҥиний?” – диэн өһүргэтэн өттүкпүн туура түһэ сыстым. Онтон ылахтаһан-ылахтаһан быһаарсыбыппыт, кырдьык, куолаһа атын соҕус эбит быраатабын диэтэ, бэйэбит да билбэппит диэн буолла.

Бээһээҥҥи Дьокуускайдааҕы миитиҥҥэ хаары-тыалы аахсыбакка дьон кэлэ сатаабыт диэн буолла. 270 тыһыынча нэһилиэнньэлээх куоракка, бу быыбардар ааҥнаан турдахтарына  итиччэ киһи тахсымына. “Өссө кыра буоллаҕа”, – диэн мыынааччылар баар буоллулар.

Ким таҕыста миитиҥҥэ?

Бастатан туран, туох миитинэ буоларын ырытыы-аахсыы буолла.

Ким эрэ “былааһы утары, астаапкаҕа ыытыы” диэтэ, ким эрэ “экология боппуруоһа”, ким эрэ – “федерализацияны утарыы” диэтэ. Үгүс дьон “Маахыһы” көрө кэлбиттэр, да киһилэрэ мэлигир.

Хаартыскалары сыныйан одуулаатахха, “миитиннээччилэр” социальнай портреттара ойууланан тахсар диэн психолог кэпсиир.

– Сахалар, бары олохтоох омуктар. Быһа барыллаан, ортото 40-45 саастаахтар. Ол аата, үллэ-үллэ үлэлиэхтээх дьон. Үгүстэрэ соторутааҕыта куоракка көһөн киирбит, тыаттан төрүттээх дьон. Бэйэлэрин айахтарын бэйэлэрэ ииттинэллэр, баан батталын эттэринэн-хааннарынан билбит, хас да кредиттээх дьон буолуохтарын сөп. Онон олох ыараханын иэннэринэн тэлэ сылдьар, олох чэпчиирин туруулаһар дьон.

Саамай ис дьиҥэ – дьон сокуонунан көҥүллэммит көстүүнэн – миитининэн былааһы кытары кэпсэтэ сатаата, – диир.

Биһиги көрөрбүтүнэн, дьон үгүс өттө саастаахтар, пенсионердар уонна букатын эдэрдэр.

Былаастан: ситэриилээх да, бэрэстэбиитэллээх да уоргаттартан ким да кэлбэтэ. Тыл этээччилэр урукку-хойукку депутаттар, билиҥҥи быыбарга интэриэстээх дьон.

Биһиги “оппозициябыт” уратыта диэн, хаһан да атын санаалаах дьон санаатын тулуйан истэр кыахтара суох. Эппити төттөрү хатылаан аҕалан эргитии… Быыбар суугуна.

Эрнст БЕРЕЗКИН, хомуньуус оҕонньоттор (биирдэрин үүрэн ыыппыттар, хайаабыттар) эппит этиилэрэ, сулуйбут сулуйуулара.

Дьиҥинэн, Ил Түмэн депутаттара, Дьокуускай куорат Думатын депутаттара  кэлэн этиэх-тыыныах этилэр. Ол Виктор ФЕДОРОВ “АЛРОСА-Нюрба” 10 бырыһыан акциятын атыылыахха диэн бэйэтин суруналыыстарыгар бүөмнээн этэр этиитин  тоҕо дьоҥҥо-сэргэҕэ кэлэн ыгылла-ыгылла ыһа-тоҕо ыспата?

Парламеҥҥа экология боппуруоһун быһаарсар кэмитиэт бэрэссэдээтэлэ Владимир ПРОКОПЬЕВ кэлэн, экологтар сийиэстэригэр эппит этиитин хатылаан чоргуйуохтааҕа.

Айылҕа харыстабылын министиирэ Сахамин АФАНАСЬЕВ уол миитин трибунатыттан тылын эмиэ иһитиннэрбэтэ.

Эһиил Ил Түмэн, Дьокуускай Думатын быыбара буолуо эбээт, эрдэ-сылла кэлэн баардарын биллэриэх этилэр, босхонон туһанан. Ол – суох.

“Кириэмил” диэбиккэ дылы, кириэмиллэр социальнай ситимнэри, интернет-хаһыаттары кэтээн көрөллөр. Ол чахчы.

Дьон санаата:

-Соторутааҕыта кыра национальнай статустаах субъектарга хаһан да ол сиргэ төрөөбөтөх, үөскээбэтэх дьону, Путин, быстах кэмҥэ диэн болдьохтоон байыаннай аҥаардаах салайааччылары анаталаата. Ити  биһиэхэ миитинниир, анарааттан көҥүллээх “оппозиционердары” туһанан, Саха сиригэр эмиэ “варягы” ыытаары оҥостон эрэллэр. Дьэ, омук кэллэҕинэ сахалар астынар инилэр. Штыров саҕана миитин, пикет суох буолара. Бэрт баҕайы этэ.

-Сахалар иирсээннээхпитин, утарсыыкпытын билэллэр. Онон аһара мантан силиһэ-мутуга суох “варягы” аҕалыа суохтара. Манна төрөөбүт нууччаны эҥин ыытыахтара.

-Путин сэриигэ бэлэмнэнэр. Ол иһин субъектарга байыаннайдары туруортаан эрэр. Путин – Сталин буолуон наада. Оччоҕо эрэ дойдубут тыыннаах хаалыаҕа. Ол иһин байыаннайдары былааска аҕалар.

***

Aartyk.Ru

 

 

 

Обсуждение • 13

Добавить комментарий
  1. Максы туппуттар уЬу

    Оттон ити “коммунист огонньор” – Уйбаан Бочуойап, кинини полиция сахсыйа турара.
    Кубарыйа кырдьыбыт Кубаарап кыр естееге уЬу ити Бочуойап.

  2. чаап

    ТУГУ да билбэт журналистар. БУ ологу арыыйда коннорор Зюганов КПРФ атын партиялар шестеркалар. ама билинни ологу корон туран.

  3. Сухарь

    Арыгылаабыт быhылаах, буолаччы. Милисиэлэр билбэттэр уhуу.

  4. Хонтуораны тэйэ хаамар

    Бутун киьи суукканы быьа суппутэ, дьэ, дьикти
    Кердугут дуо, депутаттар норуоттан ыраахтарын?! Того хаар, тыал аннынан кэлэн, тоно-хата туруохтарай. Араас буолар-буолбат дуоьунастарга олордуталаабыт кессуулэрэ, одьулуун ойохторо улэьиттэрин, нэьилиэнньэни уурэн-туруйэн быыбарга таьааран, куоластатыахтара. Онон олох да кыьаллыбаттааар:)))

  5. Айбытта

    “Им (суппуттэргэ) нужны великие потрясения, нам нужна стабильная Россия!» Россия аан дойдуга балаhыанньата ессе ыараата, Сирияттан сылтаан. Урут да наhаа учугэйэ суох этэ. Быйыл, икки нуучча революцията 100 сылларын туолар кэмнэригэр история уруоктарын ейдуеххэ.

  6. Аана

    Максимовы туох да диэтиннэр,уол огото,орел буо!Кини курдук олохтонноргут хаскыт тостубакка сылдьыа эбитэ буолла?Духтаах уол!Молодца,!

  7. Светлана

    Максимов оттон бэйэтэ баар буоллаҕына сотору биллэр ини

  8. Светлана

    Максимов тыыннаах буоллаҕына биллиэ буо

  9. уоль да уоль

    Миитинг бутуер дылы правохранительнай органнарга олорор диэбиттэрэ бта, мвд этэринэн миитиннарга игн кыттыа сохтаах уьу

  10. Светлана5а

    Баай киhи, Парень лихих 90-х,мисс Якутия кэргэннээх, киhи борустуой киhи курдук буолуо дуо? Дух буолбатах, харчы быhаарар. Сталин са5анаа5ы репрессияламмыттар куустээхтэр этэ. Билинни опала5а сылдьыбыттар, фазендаларыгар сынньанаат да, “духтанан” кэлээт да былааhы кытта… Демократия. Большевиктар курдук, ыраахтаа5ы кинилэри буебэйдиирин курдук

  11. Горожанин

    Саха менталитета.
    Тэрийэн, хаьыытаан, ыныртаан баран бэйэтэ саьан хаалбыт. Уонна инник киьини талаары гына5ыт да??! Дьаабы

  12. Андыкай

    Ельцин 1989 с. сутэ сылдьыбытын, муостаттан Москва5а река5а бырахтылар дииллэрин курдук, Макс эмиэ сутэн хаалла. Онон кини иккис Саха Ельцинэ буолуон курдук, хайдах эрэ

  13. Алексей

    Работаь, работать и еще раз работать, чего желаем всем и не падать духом, скоро все будет хорошо, бог терпел и нам велел

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»