Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

“Хаастаах Энджи итинник олоххо тиийбитигэр общество буруйдаах”

18.12.2017 15:15 9
“Хаастаах Энджи итинник олоххо тиийбитигэр общество буруйдаах”

“Киин куорат” хаһыакка аныгы ыччат, общество сиэрин-майгытын туһунан кэпсэтии барбыт.

“Аартык.ру” ааҕааччыларыгар бу тиэмэ эмиэ интэриэһинэй буолуо диэн ыстатыйаны билиһиннэрэбит:

“Билигин, нууччалыы эттэххэ, индивидуализм үйэтэ. Дьонтон, ол эбэтэр уопсастыба баһыйар өттүттэн ураты буола сатааһын. Эдэр өттө үксүн тас көрүҥүнэн тосту-туора буоларга дьулуһар, саастаах өттө – эбэтэр материальнай, эбэтэр духуобунай өттүнэн. Ити курдук, ыччаттар, сүрүннээн, бэйэлэрин интэриэстэринэн салайтаран, холобура, Япония мультиктарын сэргээччилэр, музыка араас истиилин биһирээччилэр, таҥаска, тас көрүҥҥэ муоданы эккирэтээччилэр о.д.а. диэн, араас субкультураларга сысталлар. Орто саастаах, кырдьаҕас дьону эмиэ “биир халыып” олороллор, үлэлииллэр-хамсыыллар диир күчүмэҕэй. Массыына, көмүс, бриллиант, брендэбэй таҥас, булт сэбиргэлэрэ о.д.а. “ыарыылаах” дьону сахаларга даҕаны улахан эрэйэ суох көрдөөн булуохха сөп. Үйэ ирдэбилинэн, аны араас сетевиктарбытын да ахтыахха сөп. Ити барыта – дьонтон ураты буолан көстөр, сиэрэй маассаттан ойуччу турар баҕаттан. Ол баҕа санааны, биллэн турар, харчы күөртүүр буолуохтаах…

Онон, “Бровастая Энджи” диэн сүрэхтэммит халыҥ хаастаах кыыспыт, этэргэ дылы, “итинник олоххо” тиийбитигэр, тус бэйэтэ улахан буруйа суох курдук буолан тахсар. Социальнай ситимнэргэ, олохтоох, федеральнай телевидениеҕэ да интервьюларынан көрдөххө, кинини итинник олоххо олохпут күһэйбит.

Ол эбэтэр саха кыысчаанын бүтүн норуот, дойду сиилиир, күлүү-элэк оҥостор, мөҕөр-этэр, үөҕэр-үтүрүйэр балаһыанньаҕа, бастатан туран, олохпут таһыма тиэртэ. “Миигин кытта хаартыскаҕа түһэр дьонтон 1-дии мөһөөҕү көрдүүбүн”, – диирэ, омос көрдөххө, сиэрэ да, солуута да суох быһыыланыы гынан баран, ис-дьҥэр киирдэххэ, дириҥ силистээх-мутуктаах.

Кини итинниккэ тоҕо тиийдэ? Кэпсээнин тамаҕын иһиттэххэ, ХАРЧЫТА суоҕуттан тиийдэ. Үөрэҕэ, үчүгэй үлэтэ суох аҥаардас дьахтар, соҕотох ийэ, биллэн турар, харчыта татым. Билиҥҥи туох барыта харчынан кээмэйдэнэн эрэр үйэҕэ харчы – олоҕу хамсатар сүрүн күүс. Оҕону иитэргэ төһө харчы наадатын бары бэркэ билэбит. Соҕотох ийэҕэ ити өссө уустук. Дьэ ити иһин кыыс түргэнник харчылаһар суолун булуммут.

Биһиги кинини “саатар сатаан нууччалыы саҥарбат” диэн буруйдуубут. Дьиҥэр, биһиги, атын омук дьоно, нууччалыы ыраастык, иҥнигэһэ суох уонна өйдөнөр гына кэпсэтэр эбээһинэспит суох, ким даҕаны биһигиттэн ону ирдиир бырааба суох. Сатыырбытынан, хайа сатанарынан саҥарарбыт хаарчахтаныа суохтаах. Истиэп, Кавказ омуктара нууччалыы бары акценнаах саҥараллар, Европа норуоттара кытта. Кинилэри тоҕо эрэ күлүү гыммаппыт. Арай, күрүө намыһахтыы, бэйэбит кыыспытын сирэй-харах анньабыт.

Киин телевидение даҕаны нууччалыы сатаан саҥарбаккын диэн буруйдаабата быһыылаах. Биллиилээх артыыс Яна Поплавская, хата, бэйэҥ тас бодоҕун сэймэктээбэтэххин, өйдөөхтүк быһыыланар эбиккин диэн хайҕыыр быластаах этиннэ. Кырдьык даҕаны, татуировканан кэйиэлэтэн, кулгаахха тоннель оҥорторон, сирэй-харах көстүбэт буолуор диэри пирсинг кэтэн, үйэ-саас тухары оспот бааһы ылыахтааҕар, Анжелика хаһан баҕар, баҕар, күн сарсыҥҥыттан, хааһын уруһуйдууртан аккаастанна даҕаны, баҕабыт хоту – бэйэбит курдук дьүһүннэнэр.

Кини буруйа диэн – акцена буолбатах, саҥарар саҥатын ис хоһооно, ол аата өйө-санаата, иитиитэ. “А ты сама не бухала?” (олохтоох телевидение “Я молодой” биэриитигэр), “Если все мужчины обращают на меня внимание, я виновата что ли?” (НТВ биэриитигэр) о.д.а. этиниилэрэ, этэргэ дылы, көрөөччүнү “легкий шок” туругар киллэрэллэр. Оруо маһы ортотунан тыллаһарыттан буолбакка, киниэхэ, сиэркилэҕэ курдук, бэйэбит дьонтон, уопсастыбаттан кистиир ис дьиҥмитин саралыы тарпытыттан. Арыгыттан төһөлөөх дьоммутун-сэргэбитин сүтэрдибит, атын эр киһиэхэ, атын дьахтарга биллэ-көстө сатаан, иирэн, хардарыта таҥнарсан, төһөлөөх ыал араҕыста, эдэр дьон олохторо алдьанна? Баар суол. Ол эрээри ону итинник малтаччы, соһуччу, дорҕоонноохтук эппэппит. “Аата сүрүн!” – диибит.

Хаастаах Энджи Инстаграм социальнай ситимигэр 86,7 тыһыынча сурутааччылаах. Бу дьон үксэ кинини күлүү гыналлар эрэ. Анжелика категорияларынан толкуйдаатахха, арааһа, итинник хорсун, харса-хабыра суох ньыманан дьонтон ураты буолбутугар, бэйэтигэр дьон болҕомтотун тардыбытыгар “ымсыыран“ буолуо. Дьиҥэр, киһи үксэ кэриэтэ “ураты” буолуон баҕарар. Уонна… Анжелика курдук, булгуччу итинник хаастаах да буолбатар, холобура, биллиилээх артыыс, учуонай, талааннаах худуоһунньук, иистэнньэҥ, ситиһиилээх учуутал, быраас дуу буолан биллиэн, эбэтэр кини курдук рекламаҕа уһуллан, селфилээн, гонорар аахсыан баҕарар. Эбии дохуот. Ол иһин саха дьоно үксэ эмп, бад, косметика, “битэмииннээх аһылык” о.д.а. атыылыыр сетевик буолла, киһи барыта криптовалюта эккирэтиһиитигэр умса түстэ. Эбии дохуоттанаары. Тоҕо диэтэххэ, олоҕу хамсатар – тыыннаах буолар сүрүн күүс – харчы.

Интернет-сайтары, хаһыаттары ылан көр, көрөр-истэр тухары барыта харчы суоҕун, хамнас тиийбэтин туһунан сонуннар – “Россияне жалуются в ФАС на завышение цен перед Новым годом”, “Егор Борисов: мне поступают жалобы, что зарплата бюджетникам до сих пор не повышена”, “Житель Алдана стал очередной жертвой телефонных мошенников”, “Мужчина присвоил оставленный в магазине кошелек”, “В Чурапчинском улусе владельцы магазинов завысили цены на продукты”, “В Якутске мошенница под видом снятия “порчи” украла у женщины 132 тысячи рублей”… Бу өссө биир эрэ сайт биир-икки күннээх сонуннара.

Онон, бэйэ иннигэр бэрэбинэ да сытара көстүбэтигэр дылы, Энджины албыҥҥа-түөкүҥҥэ күтүрүүр төрүөт суох курдук. Төттөрүтүн, бэйэтэ эрэ ночоотурар. Үөрүөх иһин, кини холобурун батыһааччы аҕыйах быһыылаах. Били, “акаары киһи бэйэтин алҕаһыгар үөрэнэр, өйдөөх киһи – дьон алҕаһыгар” диэбиккэ дылы, кини суолун батыһааччылар көстүбэттэр.

Олохпут сайдан, үтүө да, мөкү да өртүнэн барытынан “сайдан” эрэбит быһыылаах. Сыгынньах сытан ыллыыр “эстрада сулустаммыппыт” ол суох, гей сыбаайбалары тэрийэр буолбуппут ол суох. Бу барыта – тыа оҕолоро, сахалар.

Бу тиэмэҕэ философскай наука доктора, профессор Виктор Данилович Михайловтан санаатын үллэстэригэр көрдөстүбүт:

– Бу – билиҥҥи цивилизация көстүүтэ. Гиннесс рекордун кинигэтин ирдэбилигэр сөп түбэһиннэрэн, хас биирдии киһи олоҕун тус бэйэтин өйүнэн, үлэтинэн-хамнаһынан, сатабылынан, дьоҕурунан оҥостуохтаах диэн өйдөбүлгэ көспүппүт, урукку курдук судаарыстыба, кэлэктиип, дьиэ кэргэн күлүгэр сигэммэккэ, таһыттан өйөбүлү эрэйбэккэ, бэйэҥ кыаҕар эрэнэр кэм кэлбитин бэлиэтэ. Ити сүнньүнэн ыллахха, бу – туох да куһаҕана суох көстүү. Ол курдук, билиҥҥи глобализация үйэтигэр бэйэбит бэйэбитигэр хаатыйаланан хаалар кыахпыт суох. Ол эрээри бу – үчүгэйэ суох көстүү. Үүнэр көлүөнэҕэ киһи ааты-суолу, билиниини күүскэ сыралаһан ситиһиэхтээх диэн сөптөөх хайысха биэрбэтэхпит содула. Ол түмүгэр ыччаппыт чэпчэки суолу батыһар. Оҕо саадыттан портфолио ирдэнэр. Киһи уопсастыбаҕа сыаналанарыгар, үлэтигэр-хамнаһыгар ол ситиһиилэрэ сабыдыаллыыллара үчүгэй эрээри, сыа быыһыгар былчархай кыбылларын кэриэтэ, албынныы-түөкүннүү, үктэтэ сатыыр үөрүйэхпитинэн, бэл, диплому, сертификаты доҕор-атас, уруу-аймах көмөлөрүнэн атыылаһан ылар дьон баар. Бүтүннүүтүгэр судургу, чэпчэки, кэтэх суолу батыһа, дөбөҥнүк аатыра-суолура охсор баҕаттан. Өссө ону нөҥүө түһэн, татуировка оҥостон, сирэй-харах, баттах кырааскалаан, туох да эрэйэ суох биллэ-көстө сатыыллар. Анжелика Протодьяконова холобура ити туоһута. Маннык дьон кэлин тиһэҕэр дьоһуннарын сүтэрэллэрин кэрэйбэттэр.

Онон оҕону кыра эрдэҕиттэн дьоһуннаах, киһилии, сиэр-сигили иһинэн сырыт диэн үөрэтиэхтээхпит-такайыахтаахпыт. Мин бэйэбин билиибинэн, сатабылбынан, үөрэххэ-билиигэ, спортка, искусствоҕа, үлэҕэ дьоҕурбунан көрдөрүөхтээхпин, онтон атын суолунан бардахпына, дьоһуммун сүтэрэбин диэн өйдөбүлгэ иитиэхтээхпит. Хомойуох иһин, чэпчэки суол наар үтүктээйилээх, батыһыннарыылаах, көҕүтүһүүлээх буолааччы. Ол оннугар Антон Васильев диэн волонтер уол суолун тутуһуохха наада.

***

Галина НУОҔАЙ,

“Киин куорат” хаһыат.

Обсуждение • 9

Добавить комментарий
  1. Восток

    Бровастая аатырбыта ырааатта саца кэлэн соьуйа5ыт дуо?! Эрдэ маннык статьяны суруойуоххутун.Тороппуттэр д/с оскуола уорэх тэрилтэлэрэ кыьаллыбаттар кимиэхэ да.Аны Упол.по правам детей эмиэ ЧП эрэ буолла5ына туох эрэ бэйэтин оправдайдыыр коммен.биэрэр.Олох хаамыта буруйа суох.Харчыта суох буоллубут диэн киьи барыта бандьыыт простит. дерев.дурак буолбат.Киьи иититэ интелегэ билэр. Хас да сылы быьа кулэн баран бугун кэлэн ссаата5ыт дуо?!Били Моск. бомж “Якут”,Хотоннох уол Айаал,Анжи…эрдэ сылла барытын бобуохтаах этигит анал органнар.

  2. Хэх

    Хайдах бобогун ол?

  3. со5уруу

    Общество много внимания обращает выходкам индивидуалистов-чудиков. Нет внимания-нет ажиотажа. Не много ли чести…

  4. Минсаха

    Бэйэтин дьыалата-бэйэтин оло5о, дьыл5ата. Хата, что-то предпринимает бу “кризискэ”, а не сидит “на шее пенсионера-бабушки” и т. д. Аж дошел до ЦТ. Есть что будет вспоминать. Хотя, плохой пример заразителен. Стало в мире, россии это в порядке вещей- это модно. Скоро это отойдет – придет другая мода, время правильных и умных как Михайлов (умный мужик – его в депы).

  5. билбит

    Трамп играет на публику, в цивилизованном мире это принято, древняя Греция, Рим были гей цивилизациями а мы восхищаемся ими, это норма,

    • 123

      ну для кого норма восхищаться такими, значит сам таким хочет быть… Для других – это вне нормы, и нечего это транслировать повсеместно…у себя дома …восхищайтесь…всезнайка

  6. уйбан

    филосовпыт дьэ, эргиппит. аата . солуута суохха да , “бровастайы” тула философиялыыр буоллахпытына, ойбут бааллан эрэр бысыылаах. били “можеть в этом сыромятная правда жизни” диэбит курдук. оксокулээх “куорат кыргыттарын” аагын. оччоттон баччага дылы “бровастаялар” бааллар этэ. син баччага дылы кэллибит дии.

  7. 123

    Оннук…это так и называется -дешёвый пиар…лишь бы говорить и написать…неважно о чём…низкий уровень, вобщем…

  8. Милена

    Бровастая диэн өссө кыра буоллаҕа,оннооҕор буолуоҕу киһи сиэригэр баппаты оҥорооччулар маах курдуктар ону арыйан сэгэтэн көрөргүт эбитэ буоллар баттаххыт маҥхайыа этэ

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»