Курс валют
$
75.68
1.57
90.54
1.38
Курс валют
Курс валют
$
75.68
1.57
90.54
1.38
Меню
Поиск по сайту

Дьокуускайга икки муоста өрөмүөнэ саҕаланна

18.03.2021 14:36 0
Дьокуускайга икки муоста өрөмүөнэ саҕаланна

«СЭГХ»  салаайааччыта Айаал Егинов биллэрбитинэн, Аппа күөлүгэр муоста өрөмүөнэ саҕаланна.

Кулун тутар 16 күнүнээҕи аукциоҥҥа сэттэ бэдэрээччиттэн «Саха Олимп» тэрилтэ кыайбыта.

«Муоста бырайыактара бэлэмнэр, үлэ 18 чыыһылаттан саҕаланна. Эргэ хаптаһынын көтүрэ сылдьаллар, торуоһун көннөрөллөр, аллараа тимирин бөҕөргөтөллөр. Аппа күөлүн икки муостата өрөмүөннэниэхтээх, — диэн Егинов кэпсиир. — Контракт быһыытынан, муоста өрөмүөнүгэр барыта 1,5 мөл. көрүллэр. Муус устар 15-гэр үлэ бүтүөхтээх диэн баһылык э.т. Евгений Григорьев сорудахтаан турар».

Санатар эбит буоллахха, Аппа күөлүн ХИФУ аннынааҕы муостата былырыын балаҕан ыйыгар сабыллыбыта. Аан бастаан ити муоста хаарбах туруктааҕын, өрөмүөн наадатын туһунан урукку мээр Сардаана Авксентьева пресс-конференциятыгар «Аартык.ру» суруналыыһа Дана Семенова туруорсан турар. Онтон ыла куорат дьаһалтатын болҕомтотугар ылыллан, дьэ бу саҥа өрөмүөннэнэн эрэр.

Муоста Михальчук саҕаттан тутуллубутунан турар. Үтүмэн дьон кэлэр-барар сирэ, ол иһин да буолуо улахан өрөмүөн барбат этэ, бытаххай самааһынынан тураахтаабыта. Онон аныгыс ый ортотуттан аппа уҥуордааҕылар саҥардыллыбыт муостанан хаамыахтара.

***

Aartyk.Ru,

Дьокуускай куорат пресс-сулууспатын иһитиннэриититтэн 

Оставить комментарий    

Россельхозбанк
АЯМ