Курс валют
$
92.37
0.1
99.53
Курс валют
Курс валют
$
92.37
0.1
99.53
Меню
Поиск по сайту

Борисовтар дьиэ кэргэттэрэ Манчаары оонньууларын тэрийэргэ 80 000 солк. биэрдилэр

14.06.2017 12:11 7
Борисовтар дьиэ кэргэттэрэ Манчаары оонньууларын тэрийэргэ 80 000 солк. биэрдилэр

“Норуот күүһэ – көмүөл күүһэ” дииллэрин Үөһээ Бүлүү олохтоохторо өссө биирдэ туоһулаатылар.

Бэс ыйын 13 күнүгэр, улуус дьаһалталарын, общественноһын мунньаҕар Борисовтар дьиэ кэргэттэрэ Манчаары оонньууларын фондатыгар 80 000 солк. уу харчынан киллэрдилэр.

Санатар эбит буоллахха, быһаас Үөһээ Бүлүүгэ олорор, улуустан төрүттээх үлэһит дьоҥҥо туһаайан ыҥырыы тахсан турар: Саха республикатын норуоттарын спартакиадатын тэрээһинигэр күүс-көмө, бэйэҕит кылааккытын киллэриҥ диэн. Улуус олохтоохторо маннык ыҥырыыларга кыттыһар, түмсүүлээхтэрин көрдөрөр үтүө үгэстээхтэр.

Бу иннигэр Бүөтүр Тобуруокап аатынан култуура киинэ уокка былдьаммытыгар, нэһилиэнньэ 10 млн солк.хомуйан турар. Биир дойдулаахпыт кус быһый кыыс Сардаана Трофимова Олимпиадаҕа барар сураҕын истээт, эмиэ 3 млн кэриҥэ хомуйан биэрбиппит.

Дьиҥинэн ыллахха, киһи олоҕун бэйэтэ оҥостор, онон “эн-мин” дэһиспэккэ, “кулу” диэн сирэй-харах анньыспакка – төрөөбүт нэһилиэкпит, улууспут, куораппыт, республикабыт  туһугар бэйэбит кыһаллыахтаахпыт буоллаҕа.  Бу мин сирим-уотум, дойдум диэн санаанан салайтарыы  ыччаты иитиигэ улахан суолталаах. Бу маны Владимир Поскачин баһылыктаах улуус чаҕылхайдык көрдөрөр диэн бэлиэтиэҕи баҕарыллар. Дьон талбыт салайааччыларын тылын ылынарын, киниэхэ итэҕэйэрин көрдөрөр. Улуустар бары түмсүүлээхтик үлэлииллэрэ буоллар Сахабыт сирэ төһө сайдыах этэй. Өй-санаа да, олох-дьаһах да тупсуох этэ.

***

Иван СЕМЕНОВ,

Үөһээ Бүлүү улууһа.

Обсуждение • 7

Добавить комментарий
  1. Һөҕүҥ

    Үчүгэй сонун эбит!👍👏

  2. Людмила

    Үөһээ-Бүлүү – инники! 👍👍👍✊✊✊

  3. Маладьыастар эбиттэр

    Тумсуулээх улуус эбит дии.
    Оттон ити ыаллара Ньурбалар бэйэ-бэйэлэрин кыдыйсан сотору имнэри эстинээри олороллор дии.

  4. Любовь

    Молодцы!Клан Борисовых,так держать!

  5. мома

    утуе угэс утумнаах буоллун!

  6. Якт

    Уеьээ Булуулэр тумсуулээхтэрин бу маннык тугэн кердерер.

  7. Байаана-Оҥхой

    Үчүгэй үтүө киһи суоллуун-иистиин ыраас-мааны, оҥорбут үтүөтэ үс саха көлүөнэтин тухары бэриллэ туруоҕа!
    Оҥхой кыыһа Байаана

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»