Билсиҥ, эдэр худуоһунньук – Лена СЛЕПЦОВА

Ханнык баҕарар оҕоҕо төрөппүт ийэ-аҕа күн кэриэтэ күндү. Саха дьоно биһиэхэ эмиэ оннук сүрэххэ чугас. Ол иһин норуоппут дьоло, төрөөбүт дойдубут кэскилэ – биһиги ааспат-арахпат санаабыт.

Сахалар атын омуктартан хаалсыбакка, сайдыы киэҥ аартыгар тахсалларын ааһан, киһи-аймах бу орто дойдуга ситиспит ситиһиилэригэр дьоһун кылааты киллэрэр кыахтаахтар. Ол аата Уһук Хоту сир тыйыс айылҕатын муоһулаан киһи-аймах цивилизациятыгар бэйэлэрин култуураларын, олох олоруу философиятын киллэрэр аналлаахтар.  Ол биһиги, сахалар, кэнэҕэскитин даҕаны мүччүрүйбэт сорукпут дии саныыбын.

Дьиҥэр саха дьоно олус мындырдар, дьоҕурдаахтар. Кинилэр соруннахтарына барыны барытын кыайар кыахтаахтар.

Ити санааттан сиэттэрэн “Саха эдэр талааннара” диэн саҥа рубриканы арыйабыт.

Бу рубрикаҕа эдэр талааннарбыт туһунан (ханнык да эйгэҕэ буоллун) сонуну-нуомаһы үллэстиэҕиҥ диэн ынырабыт.

«Аартык» саха эдэр талааннарыгар киэҥ аартыгы арыйдын!

***

СЛЕПЦОВА Елена Андреевна,

Төрөөбүт сыла – 1992 сыл сэтинньи 28 күнэ.

2010 сыллаахха Дьокуускайга 33 №-дээх А.А.Колосова аатынан орто оскуоланы бүтэрбитэ, онтон 2019 сыллааахха «Культура уонна искусство Арктическай государственнай институт» (ФГБОУВО «Арктический государственный институт культуры и искусств») бүтэрэн художник-живописец (станковая живопись) идэтин ылбыта.

Биһиги санаабытыгар бу кыыс мындыра, талаана чочуллан оҥоһуллубут хартыыналарыгар чаҕылхайдык көстөр.

(Сүрүн хаартыскаҕа – “Дьүөгэ” хартыына).

Бу афиша Лена бастакы киэҥ эйгэҕэ тахсыбытын туоһута

Автопортрет

Төрөөбүт сир

Сибэкки

Натюрморт

Коллега

Эһээбит

Мастерской