Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Американка Лаура саха төрдүтүн көрдүү Дьокуускайга кэлбит

29.09.2017 09:03 4
Американка Лаура саха төрдүтүн көрдүү Дьокуускайга кэлбит

“Сан-Францискаҕа олорор Лаура эһэтэ саха, төрдүтүн көрдүү Дьокуускайга тиийэр, ону көрсөҕүн дуо?” –  диэн Вашингтоҥҥа олорор дьүөгэм Вера эрийбитэ.

Лаура ыыппыт хаартыскатыгар, тас дьүһүнүгэр бэйэтэ да, ийэтэ да ханан да сахаҕа майгыннаабат диэн кэтэх өйүм ылымматаҕа да, кэлбит ыалдьыты саха сиэринэн, хайдах сатанарынан биир ый арыаллаан алтыстыбыт.

Кини бэйэтэ олорор куоратыгар духуобунай киин арынан сайдыы туһугар диэн тоҕус буолан үлэлииллэр эбит.

Чараас эйгэнэн сиэттэрэн Саха сирин бачча ыраах ирдээн, булан кэлбит диэн. Икки сыл анараа өттүгэр, былыргы өбүгэлэрин куттара кэлэннэр,  нус-хас бааччы олорор эдэр кыыс олоҕун “аймаабыттар” үһү. Төрдүгүн-уускун билиэххин, тылынан-өһүнэн саҥарыаххын наада диэн быһа-бааччы эппиттэр.

Сорудаҕы толорон, саха тылын баҕаран  туран маҥнайгы күнүттэн үөрэтэн саҕалаабыта – Лаура бастакы ситиһиитэ буолбут. Түөрт тылы толору билэбин, биэһинэн наадабын кэпсэтэбин диир. Өбүгэтин тыла  – киниэхэ онус омук тыла эбит. Соло буолла да, саха тылын хатылыы, үөрэтэ сылдьар. Массыынаҕа айаннаан иһэн кытары тэтэрээтин аста да падеһынан тылы ырытан добдугураччы саҥаран барар. Кыратыттан икки тылынан (билингвизм): нууччалыы уонна английскайдыы дьоно үөрэппиттэрэ, уһулуччу мэйиитэ өйдүүр дьоҕурдааҕар (память) күүстээх оруоллаах, сабыдыаллаах эбит диэн бэлиэтээтим.

Араас айылҕалаах, дьарыктаах дьону кытары күнүн аайы саҥаттан саҥа билсиһии. Лаурабыт ханна тиийдэ да, барытыгар ууга киирбит балык курдук. Кимниин баҕарар биир тылынан кэпсэтэр, быһаарсар: физика, искусство, медицина, эзотерика…

Сүрүн сэргиирэ – ойууннааһын, эмтээһин. Билбитин тутатына боруобалаан иһэринэн маладьыас эбит. Холобура, мээнэ эмчит ылсыспат ньыматын – ыраахтан эмтээһини (дистанционнай) дойдутун дьонугар дьайан,  дьаҥы дьалбарыталаата…

Американка “Саха” НКИК ыытааччыларын кытары.

Хирург быраас хаанныыр ньыматын көрөн, наһаа туһалааҕын, ол эрээри Амыарыкаҕа көҥүллэммэтиттэн хомойдо. Кинилэргэ хаанынан эмтиир бобуулаах үһү. Сокуонунан анал ыстатыйа баар эбит.

Сахалары хаалыылаах омук диэн өйдөбүл элбэх сиргэ баар.

Лаура дойдутун дьоно, Саха сирэ сайдыылааҕын истэн-билэн сүрдээҕин диэн сөҕөллөр этэ. Үөдэн түгэҕэр соҕотоҕун барар диэн бастакы күннэргэ киһилэрэ тыыннааҕар үөрэллэрэ. Оннооҕор, таҥна-сапта сылдьаллара соҕуруу дойдуттан атына суох эбит дииллэр.

Урууга ыҥырыллан Алгыс сиэрин-туомун этинэн-хаанынан ылынна.

Сата хайатыгар үс хонукка кутугар-сүрүгэр Айылҕа күүһүн-күдэҕин иҥэринэн кэлбитэ. Аныгыс сырыыга Сатаҕа төннүөм, тиийиэм диэн алтыспыт иччилэрбэр тылбын биэрдим диир.

Саха сиригэр кэлэн аан бастаан сымыыты, сиикэй балыгы сиэбитин, тоҥ быары амсайбытын туһунан бииргэ үлэлиир дьоммор өйдүөхтэрэ суоҕа диэн кэпсээбэтим буолуо диир Лаура.

Марина ПЛАТОНОВА, Лаура, Аар Саарын.

Киһи олоҕо устар уу курдук күнүн аайы уларыйара, хайа диэки хайыһара  хас биирдии киһи бэйэтиттэн тутулуктаах диэн тэҥник өйдүүбүт, саныыбыт.

“Тоҕо дьоннор инники дьылҕаларын  билэ сатыыллар?” –  диэн Лаура хаартыга таайтарааһыны сатаан өйдөөбөтөҕө.

“Лаура саха тылын биллэҕинэ ойууннааһыҥҥа уһуйуом”, –  диэбиккэ аһара астыммыта.

«Ытык сиргэ сүгүрүйбэккэ, тоҕо хаартыскаҕа түһэринэргэ (селфи) болҕомто ууралларый?”, – диэн сөхпүттээҕэ.

“Миигиттэн ыйытыга суох тоҕо мин туспунан көрбүттэрин кэпсииллэр?” – диэн дьиктиргээбитэ.

“Сирдээҕи учууталлартан көстүбэт көмөлөһөр күүстэр ордук билиини биэрэллэр”, – диэн санаатын үллэстибиккэ  махтаммыта.

Лаура киһи кыаҕа муҥура суох диэн өйүнэн, санаатынан, билиитинэн, кыаҕынан, дьоҕурунан барытынан дакаастыыр сүрдээх дьикти дьахтар эбит дии санаатым.

***

Марина ПЛАТОНОВА,

“Аартыкка” анаан. 

Обсуждение • 4

Добавить комментарий
  1. Читатель

    Мелтех суруйуу, ол эЬэтэ кимий? Чугас согус киЬи эбит дии, аата-суола биллэрэ буолуо дии? Аны ол тердун кердуу кэлбит киЬи эЬэтин аймахтарын булбут?

  2. быллай

    Еспуйуен сылдьара буолаарай?

  3. Ол-бу буолуман

    Успуйуен энин буолан…
    Сахалары син сэргиир киЬи кэлэн барбытыгар кэнниттэн силлии сылдьар бу туох буолбут дьоннутуй ээ?

  4. ааҕааччы

    Читатаель саамай сөпкө эппит.Автор эһэтэ кимиттэн онтон саҕалыахтаах этэ.Ханнык улуустантөрүттээҕин.ону этиэхтээх этэ .

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»