Алексей Иннокентьев Ньурба улууһун олохтоохторугар махталын тиэрдэр
Улахан киирсиилээх быыбар Ньурба улууһун баһылыгын быыбарыгар таҕыста. Эрдэ биллэрбиппит курдук, Алексей Иннокентьев утарылаһааччыларын 800-чэкэ кэриҥэ куолаһынан куоһаран эрэллээхтик бастаата.
Бу иннинэ Алексей Михайлович Ньурба куорат баһылыгынан талыллан үлэлии сылдьыбыта. Кини хайдах мэрин ааспыт быыбар көрдөрдө: улуус киинин быыбардыыр учаастактарыгар барытыгар бастаата. Саамай элбэх куолаһы антоновкалар биэрдилэр.
Алексей Иннокентьев түгэнинэн туһанан быыбардааччыларыгар махтал тылларын тиэрдэр:
“Ытык-мааны Ньурбам улууһун олохтоохторо!
Бу тыҥааһыннаах быыбар хампаанньатыгар, Эһиги үтүө өйөбүлгүт, сүбэҕит-соргугут миэхэ улахан төһүү күүс буолла.
Ньурбам туруу үлэһит дьоно! Быыбар бүттэ, үлэ-хамнас саҕаланна, онон өрүү буоларын курдук, түмсэн, сомоҕолоһон, үтүө сайдыылаах үгэстэри өрө тутан, төрөөбүт-үөскээбит улууспут инники кэскилин түстүөххэйиҥ, улууспут аатын киэн тутта дорҕоонноохтук ааттыырга уонна ааттатарга бары бииргэ түмсүөҕүҥ диэн ыҥырабын.
Убаастабыллаах дойдум дьоно!
Эһиги миэхэ итэҕэлгит улахан эппиэтинэс буоларын толору өйдүүбүн. Эһиги эрэлгитин толоруом, итэҕэлгитин боруостуом диэн эрэннэрэбин. Дьон-сэргэ туһугар күргүөмнээх үлэ алгыстаах аартыктара өрүү аһыллан иһиэхтэрэ диэн итэҕэйэбин.
Ис сүрэхпиттэн махтанан туран, Эһиги дьиэҕитигэр дьол уйаланарыгар, ил олохсуйарыгар, чэгиэн-чэбдик санаа сатыылыырыгар баҕарабын!
Ытыктабылы кытта Алексей Михайлович Иннокентьев. ”
***
Балаҕан ыйын 11 күнүгэр Алексей Иннокентьев төрөөбүт күнэ. Онон быыбарга кыайыы үчүгэй бэлэх буолла.
***
Aartyk.Ru
Молодец!!! Успехов!!!
э5эрдэ саха чулуу уолугар.
эрэйи кёрбют Нюрба5а эрэл =)
Сунтаар уола тиийэн гордай нюрбачтары кум-хам туппут )))
Бэйэлэрэ киЬилэрэ суох эбит ол аата?
американецтарга э5эрдэ