Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Айхал Габышевка Турция президенэ махтаммыт

28.11.2017 02:43 9
Айхал Габышевка Турция президенэ махтаммыт

Саҥаран-иҥэрэн, кэлэн-баран, көрсөн-билсэн, хааман-сиимэн элэстэнэр  элик  бэрдэ Айхал Габышев Турцияҕа тиийэн уоттаах-күөстээх дохсун тыл этэн туроктары салыннарбыт.

Ол туһунан уол оҕото интернет ситимигэр кута-симэ үллэһиннэ, хамсаныытын хаартысканан бигэргэттэ.

Айхал Габышев сүрдээх киһи. Сыал-сорук туруорунна да, тиһэҕэр диэри тиийэн баран биирдэ төннөр.

Ю.Евкуров уонна биһиги уолбут А. Габышев.

Габышев хотунан-соҕуруунан тилэ көтөн сылдьан, иллэрээ сыллаахха этэ дуу, Ингушетия муҥур тойонун Юнус-бек Евкуровы кытары көрсөн соһутан турар. Кини Евкуров ыытар политикатын үнтү хайҕаабытын анарааҥҥы дьон хаһыаттарынан тарҕаппыт сонуннара баһаам. Саха сирин Дарханын кытары көрсүһүү тэрийиэх буолан эрэннэрбитин туһунан маннааҕы сайтар бары суруйбуттара.

Евкуровтаах Борисов көрсүбүттэрин туһунан сурах суох эрээри, суол соломмутун тутуспатахтара бэйэлэрин дьыалалара буоллаҕа.

Габышев “Аҕалар сойуустарын” салайааччыта. Оскуолаларга үлэ ыытарын истэбит. Элбэх эр киһи дьиэ кэргэнигэр кыһанарын, оҕолору иитиигэ кытталларын туһунан үөрүүлэх кэпсээн үтүмэн.

Айхал үлэтэ-хамнаһа барыта общественнай. Кини “Союз строителей Якутии” коммерческайа суох тэрилтэ генеральнай дириэктэрэ. Саха сирин тутааччыларын общественнай тэриллиилэрин салайар. Ол чааһыгар Россиятааҕы коллегаларын кытары эмиэ элбэхтик хаартыскаҕа түспүтүн, көрсүбүтүн, билсибитин туһунан интернеккэ кэпсиир.

Айхал Бастакы президент ыччаты онно-манна ыытан үөрэттэрэр программатынан Турцияҕа баран университекка үөрэммиттээх. Чокуур Гаврильев, билиҥҥи сибээс уонна информационнай технология миниистирин солбуйааччыта эмиэ Турция үөрэҕин кыһатын выпускнига.

Бу дьон Турцияҕа үөрэммиттэрэ ырааттаҕа, ол да буоллар Эрдоган Айхалы үчүгэйдик саныыр эбит, умнубатах.  Махталын биллэрбит. Чокууру соччо өйдөөбөт быһыылаах, киниэхэ махтамматах.

Уважаемый Айхал Габышев Являясь выпускником турецкого университета Вы внесли большой вклад в развитие двусторонних отношений наших стран. В этой связи, я выражаю Вам искреннюю благодарность и желаю Вам дальнейших успехов в работе. Реджеп Тайип Эрдоган Президент Турции 25 ноября 2017 г. Стамбул.

Айхалтан үөрэммитиҥ ыраатта дии, билигин кэлэн саҥа махтанар дуу, диэн ыйыппыкка, уол “Россия уонна Турция табаарыстыы буоланнар” диэтэ. Табаарыстыы буолбатахтара буоллар махтанан да бэрт эбит.

Икки судаарыстыба сыһыанын тупсарыыга үлэлэспит киһибитин эҕэрдэлиибит.

***

Aartyk.Ru

 

 

Обсуждение • 9

Добавить комментарий
  1. Быар быЬынна

    Кулэн уна сытабын.
    Быарым быстаары гынна
    )))
    “Эрдоган Айхалы үчүгэйдик саныыр эбит, умнубатах. Махталын биллэрбит”.
    )))
    “Чокууру соччо өйдөөбөт быһыылаах, киниэхэ махтамматах”
    )))

  2. Ылдьаа

    Оччо5о Эрдоган Айхалы кытта уруккаттан билсэллэр эбит ди. Студенныыр сылларыттан. Дьэ биьиги киьибит уол о5ото быьыылаах, буорахтаах, кэлэн-баран, кэпсэтэн-ипсэтэн, онтун барытын хаартыска5а туьэрэн, бэчээттээн-сырдатан….
    Быыбарга бэлэмнэнэр дуу?

  3. куораччыт

    Ил Тумэн улыбается, ЖАН сынньанар.

  4. Минсаха

    Наhаа ыстаналаабыт, солуута суох, шоуга, быыбарга Ил-Тумэннэ саамай сеп. Россия уопсай политикатыгар сеп тубэhэн куннээбит. Эрдоган туохха илии баттаабытын ейдеебете да эни. Хата Эрдоганы БЕА -ны кытта керсуhуннэриэ этэ диэн.

  5. Байбал

    😅👍🏻

  6. поля

    ОО дьэ иэдээн, бэйэни хайҕаныы “Содула” чыпчаалга тириэрдэр

  7. Чокуур уордайбыт уЬу

    Чокуур Айхалга ымсыыран ити били булчут-балыксыт миниистириттэн быЬах уларсан баран сытыылыы олорор уЬу

  8. Патриот

    Маладьыас уол Айхал, саха буоларым быһыытынан саха уолаттара этэҥҥэ сылдьалларыттан үөрэбин. Кытаатын!

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»