Курс валют
Курс валют
Меню
Поиск по сайту

95 саастаах Евгения Суворова

09.03.2017 15:42 3

Кулун тутар 3 күнүгэр Майаҕа тыыл, үлэ, доруобуйа харыстабылын бэтэрээнэ, Кировскай уобаластан төрүттээх сэрии кыттыылааҕын огдообото Евгения Николаевна Суворова 95 сааһын томточчу туолла.

95 саастаах Евгения Суворова

Ытык кырдьаҕаһы дьиэтигэр сылдьан улуустааҕы социальнай көмүскэллээх буолуу управлениетын начаалынньыга Иван Шестаков, улуустааҕы кырдьаҕас сэбиэттэрин бэрэссэдээтэлэ Маргарита Максимова эҕэрдэлээтилэр. Иван Иванович РФ Президенэ Владимир Путин уонна СӨ Ил Дархана Егор Борисов эҕэрдэ суруктарын үөрүүлээх быһыыга-майгыга туттарылынна.

ССРС доруобуйа харыстабылыгар туйгуна, Мэҥэ Хаҥалас оройуонун Бочуоттаах гражданина Евгения Суворова 1940 с. Орджоникидзевскай оройуонугар Холболоох балыыһатыгар биэлсэр-акушерканан ананан үлэлии кэлбит. «Оччотооҕу сэрии сылларын кэмэ олус ыарахан этилэр. Нэһилиэктэр икки ардыларыгар атынан сылдьарбыт, күнү-түүнү аахсыбакка ыҥырыыга сылдьарбыт. Быраас, эмп-томп олох тиийбэт кэмигэр үлэлээн-хамсаан нэһилиэнньэҕэ төһө кыайарбытынан көмө буоларбыт», ‒ диэн ахтар Евгения Николаевна.

Кэргэнэ Негнюров Николай Семенович сэрииттэн кэлбитин кэннэ II Наахара нэһилиэгэр көһөн кэлбиттэр, онтон ыла биһиги оройуоммутугар доруобуйа харыстыбылын сайдыытыгар 40-тан тахса сыл эҥкилэ суох үлэлээбит. 7 оҕолонон «Материнскай слава» уордьанынан, «Материнство» мэтээлинэн бэлиэтэммит. 16 сиэннэнэн, 28 хос сиэннэнэн, 2 хос-хос сиэннэнэн билигин чугас дьонун ортолоругар сэргэхтик олорор.

«Мин бэйэм туспар үчүгэйгэ буолбакка, аттыбар баар дьоммор чэпчэки, үчүгэй буоларын туһугар олорон кэллим. Киһи олоҕор үлэни, чиэһинэй буолууну, үтүө быһыыны инники тутабын. Оҕолорум, сиэннэрим чиэһинэй үлэлээх, үөрэхтээх, чугас дьонноругар көмөлөһө, бар дьоҥҥо үтүөнэн сыһыаннаһа сылдьалларыгар, ыччаттарын дьоһуннук иитэллэригэр баҕарабын,», ‒ диир.

*****

Марфа ПТИЦЫНА.

Мэҥэ-Хаҥалас

Обсуждение • 3

Добавить комментарий
  1. Анна

    Сайт уларыйбыта киьи кыайан тугу да булан аахпыт буолбут. Соччото суох эбит. Аны киириэм суох

  2. Admin

    Терпение, друзья, терпение. Сайт еще разрабатывается. Приносим извинения.

  3. Раиса выпускница Майинской ср школы

    Присоединяюсь к поздравлению с 95-летием Суворовой Е Н матери нашей подруги Ренальды Суворовой и супруги нашего классного руководителя Николая Семёновича ,ветерана ВОВ очень рано ушедшего из жизни.Желаю Евгении Николаевне жить до 100 лет на радость детям и внукам.

Оставить комментарий    

!