Ханнык хортуоппуй үүнүүтэ үрдүгүй?

Оҕуруот олордооччулар үлэлэрин үгэнэ. Сиэмэ, арассаада атыыта, мэнэйдэһиитэ, булуута-талыыта, олордуута буола турар.

Бастакы уочарат хортуоппуй суордун дьон сураһар. Хайдах, ханнык сиэмэ ордугуй, өлгөм үүнүүнү биэриэй диэн. Бу манна анал үөрэхтээх дьон сүбэтин истэр ордук.

Федора Алексеевна ЛУКИНА, тыа хаһаайыстыбатын наукатын кандидата:

– Биһиги кылгас сайыммытыгар үүнэн-ситэн, өлгөм үүнүүнү биэрэр хортуоппуй биир бастыҥ суорда “Гала” буолар.  “Гала” төрдө-ууһа – Германия. Бу суорду кэтэхтэн саҕалаан улахан хаһаайыстыбаларга тиийэ олус сөбүлээн олордоллор. Саамай үчүгэй хаачыстыбата диэн олус түргэнник ситэрэ, ас биэрэрэ буолар. Ол курдук олордубуппутун кэннэ 2,5-3 ыйынан ситэр, аһа улаатар. Бу суорт атын регионнар усулуобуйаларыгар түргэнник адаптацияланар, сиргэ-буорга хаппырыыһа суох, ыарыыларга тулуурдаах.

Хортуоппуй биир көһүйэттэн 15-20 диэри ас биэрэр, көрүҥэ ньолбуһах, таһа сырдык, иһэ араҕас астаах, харахтара бытархайдар, онон хастыырга олус судургу.

Билэр дьон бу суорду “Адретта” суорка  майгыннаталлар. “Гала” “Адретта” курдук минньигэс амтаннаах хортуоппуй буолар. Буһардахха өҥүн уларыппат, ньыһыйарга, ыһаарыга уонна араас салааттарга туттарга барсар универсальнай суорт.

Көрүүтэ-истиитэ атын суортартан уратыта суох. Саха сирин усулуобуйатыгар “Гала” суорт 15-20 т/га биэрэр. Крахмала 13%, ол иһин диетаҕа олорор дьон бу суорду эмиэ сиэхтэрин сөп. Бу суорт интенсивнай көрүҥҥэ киирсэр, ол аата төһөнөн элбэх үлэ ыытаҕыт  да (уута, көмүүтэ), соччонон үүнүүтэ элбиир, – диэн учуонай сүбэлиир.

Дьокуускайга “Гала” суорду син балайда атыылыыллар. Холобур, Дьокуускайга уонна аттыгар сытар нэһилиэктэргэ “Гала” хортуоппуй суордун үчүгэйдик  “Урожай кооператив” тарҕатар. Тэриллиилээх хаһаайыстыба баар буолан хортуоппуй хаачыстыбата барыта сертификаттаах. Сыаната да удамыр: сиэмэ хортуоппуй “Гала” суордун тупсарыллыбыт көрүҥүн киилэтэ –

50 солкуобай. Оттон сибилигин сииргэ анаан хортуоппуй эмиэ атыылыыр:  20 киилэлээх куул сыаната -1300₽, 30 киилэлээх – 1950₽. Өссө дьиэҕэр босхо тийэн-аҕалан биэрэллэр, нэһилиэктэргэ 200₽.  Дьоҥҥо туһалаах буоллун диэн нүөмэрдэрин ыйабыт: 8(924)566-68-89, 7(924)566-68-89, 25-15-44.

***

Aartyk.Ru