Курс валют
$
57.51
0.06
67.89
0.04
Курс валют
Меню
Поиск по сайту

Улуус баһылыга Владимир ПОСКАЧИН бэйэтинэн холобур буолар

04.07.2017 07:17 0
Улуус баһылыга Владимир ПОСКАЧИН бэйэтинэн холобур буолар

От ыйын 6 күнүгэр Үөһээ Бүлүүгэ Манчаары оонньуулара саҕаланаары тураллар. Бу күннэргэ хотуттан-соҕурууттан ыалдьыт, күрэхтэһээччи, көрөөччү бөҕө улуус киинигэр тоҕуоруһан эрэр.

Быйылгы үбүлүөйдээх спартакиаданы көрсө үөһээ бүлүүлэр элбэх тэрээһини ыыттылар. Сөҕүөх иһин тэрийээччилэр биир да үҥсүүтэ, көрдөһүүтэ суох Манчаары оонньууларын бэйэлэрин холлорунан, кэмигэр барытын ылсан оҥорон кэллилэр.

Тиһэх күннэргэ улууска субуотунньуктар буола тураллар. Улуус баһылыга Владимир ПОСКАЧИН дьонун-сэргэтин бэйэтин холобурунан үлэҕэ күөртүүр. Үөһээ бүлүүлэр салайааччыларын биир-биэс тыла суох өйөөн, сорудаҕын толорон иһэллэр.

«Бүгүн Герой Ийэлэр сквердарын тутууга үлэ барда», — диэн улуустан «Аартыкка» кэпсииллэр.

«Бу үлэҕэ ыҥырыыны дьахталлар түмсүүлэрэ интернет-ситимин нөҥүө көтөхпүттэрэ диэн улуус баһылыгын солбуйааччыта Спиридон БОРБУЕВ этэр.

«Ытыктабыллаах Үөһээ Бүлүү эр дьонноро,уолаттара уонна Герой Ийэлэр уолаттара, сиэннэрэ! Бүгүн киэһэ 20.00 ч. Ийэ скверигэр, оҕо площадкатыгар кумах таһааһыныгар төһүү күүс буолан, кэлэн тасыһаргытыгар ыҥырабыт. Кумах таһылынна да, оҕо площадка инвентарьдара таҥыллан барыахтара. Барыта скверьгэ кэлэн бэлэм сыталлар. Илдьэ кэлэр тэриллэргит: күрдьэ, солуур, таачыка. Күндү дьоммут-сэргэбит ыҥырыыбытынан ылынан кэлэҥҥит күүс -көмө буолуоххут диэн эрэнэ күүтэбит».

Ыҥырыыны Владимир ПОСКАЧИН бэйэтинэн холобур буолан өйөөн, үлэҕэ таҕыста. Кинини батыһан элбэх киһи субуотунньукка кытынна.

***

Aartyk.Ru

 

Оставить комментарий    

!