Мандар УУС: “Николай Местников дьыалата мээнэҕэ тэриллибэтэ”
Республика олохтоохторо бары истибиттэрин курдук, билигин Дьокуускай куорат суутун саалатыгар Дьокуускай аэропордун урукку генеральнай дириэктэрэ Николай Местников дьыалата көрүллэ турар. Уһун-унньуктаах, бөрүкүтэ суох дьыала буоларын туһунан норуот маастара, бөлүһүөк Борис Неустроев – Мандар Уус этэр:
– Николай Афанасьевич, Тааттаҕа улааппыт, үөрэммит, үлэтин аартыгар бастакы хардыыларын оҥорбут буолан, мантан силистээх-мутуктаах киһи буоларын кимнээҕэр даҕаны бигэтик өйдүүр буолуохтаах.
Былыр былыргаттан, Тааттаттан тахсыбыт үөрэхтээх дьон, бэйэлэрин олохторун дойдуларын, норуоттарын туһугар анаан олорон, тутан-айан ааспыттарын киһи эрэ барыта билэр. Мындыр өй, хомоҕой тыл, сахалыы толкуй иитиллэр сирэ бэйэтин киһититтэн оччолооҕу ирдиир баҕайыта.
Мээнэҕэ Николай Афанасьевич, республикабыт салалтатыгар үлэлиир кэмигэр, үрдүк ааттарынан, федеральнай да, Саха Сирин да наҕараадаларынан бэлиэтэниэ этэ дуо?
Биир баар-суох норуоттар икки ардыларынааҕы таһымнаах аэропорпутун салайар кэмигэр дойдутугар, дьонугар-сэргэтигэр болҕомтото өссө атын таһымҥа тахсыбыта диэтэхпинэ сыыспатым буолуо. Санаан көрүҥ: күрэхтэһиилэри тэрийиигэ көмөтө, тулаайах оҕолорго уонна кинилэри үөрэтэр учууталларга стипендиялара, тэрилтэтин уокуругар ыыппыт үлэтэ, саха тылын харыстааһын иһин анал премията уонна да атын тэрээһиннэрэ. Ханнык тэрилтэ салайааччыта итинник далааһыннаах, киэҥ хайысхалаах үлэни ыыппытын эһиги билэҕитий?
Туохтан маннык буолла, бу суут-саат саҕаланна? Биһиги, тыа дьоно, билбэппит-көрбөппүт элбэҕэ буолуо эрээри, биир соҕотох аныгы аэропорпут нөҥүө араас санаалаах, сыаллаах-соруктаах дьон ону-маны аһаралларын киһи саарбаҕалаабат. Били, халлаантан түспүт көмүһү да санаан ыллахха. Онон, быһаччы, биһиги боростуой дьон, бу дьыала мээнэҕэ буолбатаҕын сэрэйэбит, өтө көрөбүт. Дойдубут тас өттүттэн кимэн киирэ сатыыр да дьон баарын бары билэбит. Ол араас күлүк күүстэр, үлэлиэх-хамсыах, дьаһайыах-сабыдыаллыах киһибититтэн, биһиги Николай Афанасьевичпытыттан дьулайаннар, туоратар тэрээһини оҥорбуттарын киһи саарбаҕалаабат.
***
Aartyk.Ru
Обсуждение • 7
Добавить комментарийОставить комментарий
Шиномонтаж Левша
Cтоматология 32
Саамай сеп. Афанасий Максимов эмиэ Уус-Таатта5а улааппыта, эмиэ опала5а барбыта. Местников са5ана аэропортка бэрээдэк олохтоммута. Маннык улэ5э улэлиир киhи син биир сыыhар. Улахан куустэр булан буллахтарына, кими ба5арар суулларыахтара, тугу ба5арар булуохтара. Убай сепке суруйар.
Местников Верхоянскай улууьугар Баата5ай беьуелэгэр тереебутэ
Борис Федорович аатыттан суруйбуттар дуу?
Атыыласпыттар дуу?
Мандар политикаҕа мээнэ орооспот киһи курдук өйдүүрүм.
Эҥин араас түөкүннэри өйөөмүөххэ,көмүскэһимиэххэ баара
Ошибается тот который сидит на печи, доброе слово должно быть в каждом из нас. Пусть разбирается следствие и дает правовую оценку. А так сидя со стороны рассуждать не имея на то право за поступки посторонних людей, пусть даже и земляк, что он плохой и секой дело последнее.
Бэрик ылбыт буолла5ына дьыала буолар
Ис сүрэхтэн дойдутун туһугар үлэлиир хамныыр дьон кэмнэрэ буолбатах билигин. Атыылыыр ыһар тоҕор,таҥнарар дьон кэмэ. Ол иһин итинник сойуолааһын тахса турар.
Бэйэ бэйни сиэһимэн хаарыан ыччаппытын көмүскээн таҥара баар буоллаҕына көмүскээтин,өйдөөн киһи барыта айыылаах