Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Элбэх оҕолоох ийэлэр 1 мөлүйүөнү ылыахтара

21.04.2017 22:17 13
Элбэх оҕолоох ийэлэр 1 мөлүйүөнү ылыахтара

Бүгүн, муус устар 21 күнүгэр, икки улахан суолталаах докумуоннарга Ил Дархан илии баттаата.

Ол курдук, бастакытынан, элбэх оҕолоох дьиэ кэргэни өйүүр дьаһал киэлитинэн, «О мерах поддержки многодетных матерей в Республике Саха (Якутия)» диэн Ыйаах таҕыста.

Урут сэбиэскэй кэмҥэ баарын курдук – “Герой Ийэ” диэн СР Бочуоттаах бэлиэтэ олохтонно. Бу мэтээли уон уонна уонтан элбэх оҕону төрөппүт, ииппит ийэлэр ылыахтара. Мэтээл соҕотох буолбатах – харчынан өйөбүллээх. Суумата – 1 мөл. солкуобай буолуоҕа.

 

Итинэ сэргэ,  «Материнская слава» I, II уонна III-с степеннээх эрдэ олохтоммут Бочуоттаах бэлиэ эмиэ харчынан өйөбүллээх буолуоҕа. Бу бэлиэни сэттэ, аҕыс, тоҕус оҕолоох ийэлэр ылыахтара.

Элбэх оҕолоох (биэстэн элбэх) ыаллар оҕолоро республика бас билиитигэр баар култуура уонна спорт дьиэлэригэр босхо сылдьар буолуохтара. Тиийиммэт-түгэммэт ыал оҕолоругар ыйдааҕы пособие 1,5 төгүл элбиэҕэ. Мантан антах, оҕо барыта 18-гар диэри республика музейдарыгар босхо сылдьар кыахтаннылар.

Үсүһүнэн, уон уонна уонтан тахса оҕону иитэр ыалларга – олорор дьиэ тутуутугар биирдэ харчынан көмө оҥоһуллуоҕа. Ил Дархан Егор БОРИСОВ бу харчыны быйылгы сылтан бюджеккэ уталыппакка көрөллөрүн курдук миниистирдэргэ сорудах биэрдэ.

***

 

Иккис улахан суолталаах докумуон – «О социальной поддержке отдельных категорий граждан в Республике Саха (Якутия)» диэн Ыйаах таҕыста.

Тиийиммэт-түгэммэт дьон, ордук тыаҕа, элбэх. Бу дьону дьарыктаах оҥорууга, үлэ тэринэллэригэр, кыаммат, ол иһигэр элбэх оҕолоох ыалга, дьоҥҥо ааттаан-суоллаан көмөлөһөр аналлаах Ыйаах буолар.

“Көмө” эрэ диэн үлүбүөй харчы тыырар улахан көдьүүһэ суоҕун билэбит. Туһанар киһи туһанар, туһаммат киһи кыайан ситэн туһаммат. Оннук көмө баарын сорохтор билбэккэ да хаалаллар.

Мантан антах муниципальнай олохтоох былаас салайар территорияларыгар  кимнээх, хайа ыал, киһи, кырдьаҕас кыамматын, тиийиммэтин-түгэммэтин испииһэктээн ылыахтаахтар. Дьон бэйэҕит эмиэ итиннэ кыттыһан – кыһалҕаҕытын олохтоох баһылыккытыгар, дьаһалтаҕа биллэриҥ, тиэрдиҥ, испииһэккэ киллэрбиттэрин-суоҕун кыраҕатык кэтээҥ. Олохтоох дьаһалтаҕа сайабылыанньаҕытын туттарыҥ. Ол испииһэгинэн аска, таҥаска, араас социальнай кыһалҕаҕа көмөлтө оҥоһуллуоҕа.

Түптээх үлэтэ суох дьон болҕомтотугар! Олохтоох дьаһалталар миэстэтигэр хамнастаах общественнай үлэ тэрийиэхтэрэ, бэйэ дьыалатын тэрийэллэригэр биир кэмнээх көмө харчы бэриллиэҕэ. Ол барыта республика бюджетыттан үбүлэниэҕэ.

Муниципалитеттар соруктара биир – дьиҥнээхтик көмөҕө наадыйар дьоннорун испииһэгин чуолкайдык, ааттарын-суолларын ыйан, ханнык общественнай үлэни тэрийиэхтэрин сөбүн, үлэтэ суох дьону хайдах дьарыктаах оҥоруохтарын сөбүн ырылхайдык ыйыахтаахтар. Мээнэ “халлаантан түһэр харчы” диэн салбаммакка, бу харчы көдьүүстээхтик, чахчы наадыйар эрэ дьоҥҥо ыытыллыахтаах.

Ханнык тыа сирин олохтоох былааһа үчүгэйдик дьаһанар да, соччонон үчүгэй: 100 нэһилиэккэ республика эбии 1-дии мөлүйүөн солкуобай дьону дьарыктаах уонна кыаммат-түгэммэт дьоҥҥо субсидия быһыытынан туһаналларыгар бириэҕэ. Онон, манна, нэһилиэк баһылыктара үчүгэйдик ылсан үлэлэһиэхтэрин наада. Бачча харчы ыгым кэмигэр, мөлүйүөн аара суолга сыппат, баһылыктар, кытаатан дьоҥҥутугар көмөлөһөр түгэни мүччү тутумаҥ.

 

***

Aartyk.Ru

 

Обсуждение • 13

Добавить комментарий
  1. Маша

    Кыаммат ыал много детнай диэн даҕаны мин отой өйдөөбөтүм, дьиэлээх уо.таах аҕалара үлэлиир сылгы үөрдээхтэр хапсаллар. Онтон элбэх оҕолоох прожиточнай минимумҥа тииҋбэт дохуоттаах дьиэтэ суох хапсыбат дьэ маны толкуйдаан эриэккэс бу ньурба дэриэбинэтигэр маны быһаарыҥ

  2. туйаара

    Елбех оголооххо кеме баар дииллер да туох да кеме ньурбага баарын кербеппун алта оголоохпун да сокращениеза ыыттылар ди байар диен терилте маны туох дии саныыгыт?

  3. Мира

    Сымыйа, син биир 3 о5олоохторго Ким да Хаhан да кемелеспет!

  4. Зоя

    Балтым мед .центр үлэһитэ, үс кыра оҕолоох ,дьиэ кэргэнигэр соҕотох үлэһит, аҕалара сокращенияҕа түбэспитэ. Быйыл үлэтигэр высшай категорияҕа барда да хамнаһа үрдээбэтэ. Ыал буолбуттара уон үс сыл буолла да бэйэ дьиэлэрэ суох, ууга барар аймахтарын дьиэтигэр олороллор.Уһаайба ыларга көмө көрүллүө дуо?

  5. Милана

    Дьиэ да ыла иликпит уочараппыт ыраатан ырааттан иһэр уонна ити көмө сымыйа дьи саныыбын

  6. Ч

    Оо, дьэ эмиэ уодэн таьамаан буолсу. Эмиэ дьону араартааьын са5аланыа буолла5а.

  7. Татьяна 4 ого ийэтэ

    Быыбыр чугасаан эмиэ элбэги эрэннэрэллэр
    Ким эрэ биэрэрин куутэн олоруман
    Эсиги бэйэгит оголоргут

  8. Мария

    Ыйаах бээьээ тахсыбыт диэн ди. Сана дьаьал буоллага. Элбэх оголоохторго УОННА кыаммат-тугэммэт дьоццо диэн – ниже прожиточного минимума олорор дьоццо. Администрация5ытыгар укаьы толоруц диэн приказ кэлтэ буолуо. Толоруохтаахтар.

  9. Оо

    Хайдах алта о5олоох ийэни сокращение ыыталлар! Унсуеххэ наада!

  10. Акулина

    Кимиэхэ эрэ сокуон улэлиир, кимиэхэ эрэ улэлээбэт.. 6 оголоохпун.. 1.5 молуйуоннээх комого тиксибэппин уьу…5 уоьэ оголоохторго диэн программага.
    Атак урукку ботах дии, араас комону онороллор, онно махтал буолуохтун

  11. Октя

    Соготох ийэгэ бэриллэр дуо? Мин эмиэ элбэх оголоохпун. Манна администрация улэьиттэрэ олох кэпсээн испэттэр ол иьин тугу да туьаммаппын. Даже материальнай помощ диэннэ хапсыбатагым. Сымыанан комолоьобут диэн суруйагыт да сорохтор олох хапсыбаттар!

  12. Мария

    Элбэх оголоох диэн 7 8 9 10 оголоох ыаллары ааттыыллар 3 ого киирбэт ол уьаайба ылыытыгар энин быьыылаах…

  13. Евдокия

    Мин 7 оҕолоохпун да, ити сокуон тахсарыгар улахан оҕом 18 саҥа туолбута да ,мин 7оҕолоохторго хапсыбаппын,мин саныахпар 18таах буоллаҕына хапсыах эбиппин,17дылы диэн буолуон сөп этэ ,докумуоҥҥа толору сааһа хаһый дииллэр, ону 18 диибин оччоҕуна хапсыбаккын диэн дьэ дьиибэ сокуон,оччоҕуна тоҕо 18 диэнэ буолла

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»