Эбэ уҥуор катерынан дьону таһыыга киирсии
Саха сирэ Өлүөнэ эбэнэн икки аҥы хайда сытар. Былыр да, аны да эбэни туоруур улахан кыһалҕа. Оннооҕор Өлүөнэтээҕэр кыра өрүстэргэ, сорох-сорох сирдэргэ, паром сырыыта киһи ньиэрбэтин да, харчытын да сиир.
Дьиҥинэн, сатабыллаах хаһаайын баара буоллар өрүһү туорууру бэрээдэктиэххэ сөп этэ да, оннук хаһаайыммыт суох. Дьэ, кэмниэ-кэнэҕэс дьон бэйэтэ – Майа уолаттара бу өрүһү туоратар ырыынакка киирээри, инньэ тохсунньуттан саҕалаан бэлэмнэнэн, докумуон бөҕө хомуйсан, кабинет бөҕөнөн сүүрэн, катер сакаастаан бэс ыйыгар аҕалбыттар.
От ыйа бүтэн эрдэҕинэ, дьэ Дьокуускай-Аллараа Бэстээх – Дьокуускай аннынан «Сулус» тэрилтэ катердара дьону 800 солк. таһабыт диэн биллэрии ыыталлар. Ол иннинэ катердар 1000-лыы таһа олорбуттара. Оҕо буоллун, оҕонньор-эмээхсин буоллун. Аны куораттыыр тыа дьоно биирдиилээн сылдьыбыттар эбээт, хайаан да дьиэ кэргэнтэн кырата 2-лии буолан айанныыгын. Кэлэ-бара айан сыаната дьиэ кэргэн хармааныгар ботуччу охсон тахсар. Илин эҥэрдэр сыана бас-баттах барда диэн улуйбатахтара эрэ.
Соцситимҥэ суруйалларынан 1000-лыы таспыт дьон Сочиттан, Краснодартан о.д.а. соҕурууттан кэлбит дьон. Кумааҕыларын көрбүт суох эрээри, кырдьык, дьүһүннэриттэн да көрдөххө олохтоох нууччаларбытыттан атыттар. Оттон кинилэри ким эрэ аҕаллаҕа дии, буолбат дуо? Докумуоннаан, «крышалаан», лицензиялаан. Бэйи, лицензия ылар судургута суох дьыала. Ыллыҥ да олох атын сиргэр хайдах баар буола түһүөххүнүй? Аны төлөбүрдэрин үксүн мобильнай баанынан ылаллара эбээт.
Дьэ, олохтоох уолаттар «сулустарбыт» 800 солк. дьону таһан барааттарын кытары, аны ол дьоммут 1000-ттан эмискэ икки бүк сыаналарын түһэрэ оҕцстулар. Биир күнүнэн! Оттон тарыыптарын сыана быһар департамеҥҥа көмүскээтэхтэрэ дии, 1000 эрэ солк. гыннахпытына киһи-хара буолбаыт диэн. Уонна ылан 500 солк. диэри ньааҕыначчы түһэрэн кэбиһэллэр.
«Сулустар» ону көрөн эмиэ 500 солк. диэри түһэрбиттэр. Чэ, сөп, дьон үөрүү бөҕө, бэйэбит уолаттарбытын өйүөххэ диэн бассаапка толору суруйсуу.
Сыана түспүт сарсыныгыар, аны ол «сочиларбыт» олох да 300 солк, оҕоҕо босхо диэн турдулар. Бэҕэһээ «сыананы түһэрбит, бэйэбит олохтоох уолаттарбытын күүскэ өйүөххэ» диэбит дьон, аны бу сарсыарда чэпчэкилэргэ бараары кычыгыланан бараллар. «Эс! Соруйан гыналлар! Уолаттары тоһутаары! Уһуну-киэҥи толкуйдааҥ!» – диэн оройго охсор дьон баар.
Сиэри таһынан, бэйэҕэ хоромньулаах гынар сыананы быһыы – демпинг диэн ааттанар:
“Демпинг (от англ. dumping — «сброс») — продажа товаров и услуг по искусственно заниженным ценам. Демпинговые цены существенно ниже рыночных, а иногда даже ниже, чем себестоимость товара или услуги”.
Баай, кыахтаах тэрилтэлэр саҥа, эдэр конкуреннарын ырыынактан үүрээри соруйан кып-кыра сыананы быһаллар. Уонна ол дьон эстэрин күүтэллэр. Эстибиттэрин кэннэ дьэ эмиэ соҕотохтуу айбардаан, талбыт сыаналарын быһаллар.
Итинник демпинниир – сокуону кэһии. «Сулустар» антимонопольнай сулууспаҕа үҥсүөхтэрин сөп.
«В России демпинг регулируется несколькими законодательными актами, включая Федеральный закон «О защите конкуренции» и Федеральный закон №165-ФЗ «О специальных защитных, антидемпинговых и компенсационных мерах при импорте товаров».
Холобур, билигин олохтоохтор «кыра сыаналааҕын» талан бэйэлэрин уолаттарын уматан кэбистэхтэринэ, сарсын биир да конкурена суох хаалбыт катеристар, эмиэ сыаналарын талбыттарынан быһа олоруохтара. Ити биирэ.
Иккиһинэн, ол дьон, сэрэйдэххэ, мээнэ кэлбэтэх дьон буолуо, онон «сулустарга» бэрэбиэркэ үөһэ бэрэбиэркэ саҕаланыан сөп. Кими эрэ киктэрэн үнcүү суруйтарыахтарын сөп. Малларын-сэптэрин алдьата сатыахтарын сөп. Чэ, ол эрээри, олус оннукка тиийбэт ини… гынан баран таҥара сэрэҕи таптыыр.
***
Туйаара НУТЧИНА,
Aartyk.Ru
Конкуренция в классической рыночной экономике есть дело благое.
Но это в классической, и в теории.
Тутуллан испитэ
Уеьэттэн таннары Ленатын кербутэ
Оо дойдум быраьаай
Эбэккэм быраьаай
Блю бёлёхтэр баппаттара сүрдээх дии олорунан “крышалаттыннар”
Сахалар уу келетугэр сыстыбаппыт хомолтолоох. Эллэй, Омо5ой со5урууттан аалынан кэллэхтэрэ.
Бэллэйбит, Бүлүү Эбэ Хотун дьонугар тоҕо таалыҥ кырыыланна?! Бүлүү Эбэ Хотунтан эһиги бэлэми мэтийэн баран аһаабыт сиргитигэр кулгуйаҕыт. Алмаас промышленноһа Бүлүү олохтоохторун соругар сайдыбыта. Улаханнык туһанааччылар–эһиги!. Бүлүүттэн гаас уматык кэлэн икки ГРЭС турбатын хачайдаан эһиэхэ электричество, сылаас, комфорт кэлэр. Сунтаартан туус былыргыттан кэлэр, цеолит.
ТУОХ БУОЛБУТ ДЬОҤҤУТУЙ?
Бэллэйбит, Бүлүү Нидьилитин, Хампатын соботун эһиги элбэхтик сиэбиккит буолуо.Эһигиттэн туох баарый? Тугунан абырыыгыт?
Бэллэйбит, ол аата куомдьаардыырга, кигэргэ соруммуккун. “Крышалатан” тугу ситиһэҕин? Тоҕо Российскай Федерация сокуоннарын утары бараҕын? Рынокка конкуренция -тулхадыйбат сокуон. Бары тэҥнэр. Ол эн холуобунай суолунан айаны тэрийээри гынаҕын дуо? Өссө абааһы көрөр ” Блю бөлөх ” дьонун кигэн, подставляйдаан. Эн геолокацияҥ билиннэ. Суруйбуккунан РФ ИДЬМ дьарыктаныа. Эппиэттэтиэхпит!!
Бэллэйбиккэ, инфо к размышлению. 180 ст УК РФ эн эппиэттиигин. “Чужими руками жар загребать” да еще преступными путями не получится. Ответ на твой призыв к “крышеванию” будет обязательно. Все…
Быйылгы сезон бүтүөр дылы уолаттары поддержкалыахтарын наада этэ , оччоҕуна эһиил кэлиэ суох этилэр ынараа дьон
Хайаатынар даганы, керулээтинэр ээ