Курс валют
$
87.3
0.48
95.46
0.3
Курс валют
Курс валют
$
87.3
0.48
95.46
0.3
Меню
Поиск по сайту

Биэс саха Парижтааҕы Олимпиадаҕа кыттар буолла

12.05.2024 13:44 3
Биэс саха Парижтааҕы Олимпиадаҕа кыттар буолла

Быйылгы дьыл саха спортсменнарыгар хотуулаах буолла. Тустууктарбыт – Айаал Лазарев, Виктор Рассадин, Арыйаан Тютрин, Георгий Окороков уонна сүүрүк Сардаана Трофимова  Парижтааҕы Олимпиадаҕа кыттар сүүмэри аастылар.

Профессиональнай спорт сүрдээх сыралаах, сылаалаах идэ. Спортсменнар элбэх сыл хас күн аайы эттэрин-сииннэрин эрчийэн, өйдөрүн-санааларын тургутан үтүмэн үлэни көрсөллөр. Хас биирдии идэтийбит спортсмен олоҕун сыала-соруга – Олимпиада.

Улахан спорт хаһан баҕарар политиканы кытары сибээстээх, элбэх биэтэстээх ис-хос улаҕалаах оонньуулаах. Аҕыйах ахсааннаах, улахан экономическэй кыаҕа, үбэ-харчыта суох саха омуга, бу буола турар уустук балаһыанньаҕа үүт-хайаҕас булан атын дойдулар былаахтарын аннынан Олимпиадаҕа киирээн эрэрэ хайҕаллаах эрэ. Ити биһиги дьоммут тобуллаҕас, мындыр майгыларын туоһулуур.   Санаан да көрдөххө, хастыы да мөлүйүөн нэһилиэнньэлээх атын дойду спортсменнарын баһыйан, саха уолаттара-кыргыттара муҥур чыпчаалга тахсаллара – улахан ситиһии.  Бу биһиги омукпут киэн туттуута, САХА диэн норуот баарын аан дойдуга биллэрэ сылдьар тыыннаах  илдьиттэрбит. Онон кинилэри туора тылга-өскө саппай уопсубакка өйүөх-өйдүөх, харыстыах тустаахпыт.

***

Aartyk.Ru

Хаартыска ЦСП “Триумф” тгк ылылынна

Обсуждение • 3

Добавить комментарий
  1. Харыйа

    Оннук! Хайа да дойдуттан буоллун, ыччаттарбытыгар ыалдьабыт буоллага!
    Чоху – чохутугар, саха – сахатыгар!

  2. Марианна

    “САХА диэн норуот баарын аан дойдуга биллэрэ сылдьар тыыннаах илдьиттэрбит. Онон кинилэри туора тылга-өскө саппай уопсубакка өйүөх-өйдүөх, харыстыах тустаахпыт”-,
    Саамай сепке суруллубут.

    • Билбэт

      Сеп этии. Элбэх саната суох оголору харыстыахха. Уйэгэ ити тугэн биирдэ кэлэрэ буолуо

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»