Курс валют
$
66.42
0.08
75.22
0.4
Курс валют
Курс валют
$
66.42
0.08
75.22
0.4
Меню
Поиск по сайту

Айдааннаах ырыаһыт кэнсиэрэ «Триумфка» буолбат буолла

27.11.2018 10:42 17
Айдааннаах ырыаһыт кэнсиэрэ «Триумфка» буолбат буолла

Кимиэхэ да биллибэт Элджей диэн эдэр рэп ырыаһыт Саха сиригэр кэлэбин диэн, хата, ааттанан-суолланан хаалла.

Сотору-сотору бассаабынан «оҕолоргутун кэнсиэркэ ыытымаҥ, наркотигы, арыгыны, сэлээр майгыны рекламалыыр, маатырылыыр үһү» диэн куттатыы бөҕө. Онно эрэ наадыйбакка сылдьар дьон, хата бу туох айылаах кэлэн эрэрий дуу, кэлбитий дуу диэн ютубка, интернеккэ киирэн көрүөх баҕа тэһитэ кэйдэ.

Оҕолорбуттан оннук ырыаһыт баар дуо, истибитиҥ дуу диэн ыйыттахха ыгдах гыналлар. Барымаары да сылдьыбыт киһини барыах айылаах оҥоро сыстылар. Төһөнөн тугу эмэ бобоҕун да, соччонон киһи ону боруобалыан, амсайыан баҕарар. Горбачев «сухой сокуонун» саҕана арыгыны лимиттээн атыылыыр эрдэхтэринэ элбэх киһи арыгыһыт буолбута диэн этэллэр. Ыйга биирдэ кылам гынар дэпэсиитинэй аһы ким амсайыан баҕарыа суоҕай. Бу Элджейбитин эмиэ оннук оҥордулар.

Бу айдаантан сылтаан, бэл, спорт миниистирин солбуйааччыта Семен Чердонов диэн киһи баарын кытары биллибит. «Дьэ, бу киһи буруйдаах, куһаҕан ырыаһыт кэнсиэригэр кини «Триумфу» туран биэрбит!» — диэн бассаап сөмүйэтэ чолоҥолоон олорор. Сылтанан, хата бу былдьаһыкка, дуоһунаһыттан ууратыллар төрүөтүн ити киһи булунна быһыылаах.

Оттон «Триумф» дириэктэрэ, норуот дьокутаата Байбал Пинигин барахсан бүгүн эрэ кэлэн оннук ырыаһыт спорт уораҕайыгар кэнсиэртээн эрэрин билбит эбит. Мунньахтыы кэлбит общественниктар иннилэригэр олоп-чолоп көрүтэлээһин бөҕө. Барахсан салайар тэрилтэтигэр туох-туох буоларын билээхтээбэт эбит. Наһаа соһуйбут, уолуйбут, кыыһырбыт үһү.

Чердонов буоллаҕына «Байбал тугу да билбэт, буруйа суох» диэн мээтиргээ да, мээтиргээ… Дириэктэрбит ол аайы буруйа суоҕун дакаастаан кэҕиҥнээ да, кэҕиҥнээ… Хата уолан бэдик «саҥа билбит» киһилии соһуйбута буолан баран ойон туран күүскэ-күүскэ кэнсиэри бобон хайҕал бөҕө ылла. Общественниктар Байбалы сөҕөн-махтайан ытыс тыаһынан саба кутан кэбистилэр.

Ити бүгүн «Триумфка» буолбут общественность мунньаҕыттан сонун.

Онон айдааннаах ырыаһыт кэнсиэрэ бобуллубут. Байбал билбэтэҕэ буоллар куһаҕан ырыаһыт ыллыах эбит.

P.S:Уопсайынан бу государственнай тэрилтэҕэ араас дьикти кэнсиэртэр, тэрээһиннэр дэлэйдик тэриллэллэр. Сэрэйдэххэ Байбал билбэтинэн болуохтаах. 

***

Aartyk.Ru 

 

Обсуждение • 17

Добавить комментарий
  1. Маннык саныыбын

    То5о тугу да билбэт киьи тэрилтэни салайан олорор? Спортка ецелерун кэрэйбэккэ уурайыан наада.

  2. Оо дьэ!

    Туйаара суустаахтык да суруйар котоку ээ 😄
    КыЬыылаах тыллаах кыыс диэн аатырыан аатырдага дии 😄

  3. эбээ

    «бассаап семуйэтэ чолоцолоон олорор…» кырдьык кыьыы тыллаах кыыс эбит

  4. ОТК

    Киьи да кулуеех! Бары билбэт аатырбыттар киэн общество, правительство, тумэн иьинэн таьынан эдэр ыччаты, норуоту кытта улэлэьэр ааттаах дьоммут, дьэ иэдэээн, туох эйгэни, быьыыны майгыны иитэр, дуоьунастаах дьон эбиттэрэ буолла???!!! Дьэ инник улэьиттэр, нардептартан!!! Олох брак ихней деятельности!!!

  5. Эьээ

    тугу гынарый оччого Пинигин триумфка, туох буоларын билбэт буолла5ына. Сымыйа директор эбит.

  6. Танура

    Олоп-чолоп керде, мээтиргиир буолан…Кус мээтиргиир буолуохтаах этэ.Дьону сиилээн-одуулаан суруйар суруналыыЬы киэргэппэт.

  7. дед

    Павел Пинигин Триумф директора буотах ээ, директор А. Игнатьев

  8. Баба

    Директор Триумфа Пинигин.

  9. Дьэ бу

    Чондуорап араспаанньатын уларыттын.
    Чуопчаарап диэн буоллун.
    Чондуорабы таЬааран курдьуккэ элитин диэн дьаЬал тилигирээн кэллэгинэ «Чондуорап диэн киЬи аны суох» диэн куотунуо этилэр.

  10. Мин санаам

    А. Игнатьев — ШВСМ директора, республика5а спорт биир улахан салайааччыта. Оттон бу спортивнай объектар туьунан этэр буоллахха, кинилэри наемнай менеджердар ылыахтаахтар, хаьаайыстыбаны учугэйдик керер-харайар дьон. Спортсменнар ШВСМ, УОР, ДЮСШ, араас ГБУ салайдыннар ээ, дьиэ завхоьа буолбакка. Ол же Пинигин бэйэтин опытын эдэрдэргэ бэрсибэккэ то5о кэнсиэрдэри ыытарынан дьарыгырарый?

  11. Миискэ

    Того бу общественниктар мунньахтарыгар бары тугу да билбэт кыракый оголор курдук буоллулар? Санаан корун: Ити улугэр эппиттэрин курдук уоттаах-буруолаах хас эмэ тоннанан аппаратуралаах элбэх киьилээх хамаандалаах кэлэллэригэр ол Триумф тойонун кытта ама кэпсэппэтэхтэрэ буолуо дуо? Ама Пинигинтэн конул, илии баттааьына эрэ ылан баран дьэ аалларын баьын хоннороллор буоллага дии! Ол рекламатаЮ билиэттэрэ, сыана быьыыта оссо да буолунайы ЭРДЭТТЭН кэпсэтэн баран кэлээри сырыттахтара дии. Ыраатта буолбат дуо ол кэнсиэрт баччага, Триумф залыгар буолар диэн билбиппит. Ону Пинигин билигин сана билэ сатыыр курдук кэпсэнэрэ чемпион аптарытыатын туьэрдэ. Ол общественниктар диэн как дети буоллахтара, их можно обвести вокруг пальца, что они и сделали легко. А так люди понимают, что и почём.

  12. БАРЧА

    Госбюджет балансатыгар турар улэлиир дьиэлэри бэйэлэрин чааьынайдарын курдук арендалаан хармацца харчы киллэрэллэр.Ким да билбэтэх корботох буолар.Епернай театр ДК Цирка музейдар харчы сиир сиргэ кубулуйдулар.Аны ас атыылыр рынок буоллулар.Ветлабар. Роспотр. хайдах корботуй?! Урукку ол отоххо олорор курдук ой-санаа татым.Тугу да тутуспаттар.

  13. за чемпиона

    Байбал легенда буо,

    • Байбал

      Киргизская легенда буолта ыраатта. Сахаларга начхал давным давно. Салайар тэрилтэтигэр туох буоларын билбэт салайааччы туохха нааданый?? Киргиз бегетун агалан чемпион онордо.

  14. Тыа дьахтара

    Барыта сымыйа

  15. Альбина

    Намыһах таһымнаах ыстатыйа эбит.

Оставить комментарий