Манна Өлүөнэ өрүс уутун көрсөргө өрүү бэлэмнэр, дэриэбинэ сүнньүнэн уу мээнэ ылбат сиригэр олохсуйбута абырыыр. Ол эрээри сэрэммит ордук диэнинэн салайтаран манна даҕаны олорон биэрбэттэр, бэлэмнэнэллэр. Бу туһунан кэпсиир нэһилиэк баһылыга Михаил Максимов:
— Бэлэмнэнөэн олоробут — бары ирдэнэри толорон, эппиэтинэстээхтэри бары хайысхаларынан анаталаан. Улахан уу кэллэҕинэ аҕыйах эвакуацияланар ыаллар биллэллэр. Биһиги эрдэттэн дьаһанааччыбыт. Гидропостка метеоролог Денис Филиппов кэтээн көрүүнү ыытар. Сылгыны, сүөһүнү үрдүк сирдэргэ хаайан аһата турабыт. Сорохторун муус барар кэмигэр ТХПК бааһынатыгар хаайабыт.Бу күннэргэ уу кэлэр сирдэригэр туох хаалбыты куоттардыбыт. Биллэн турар, улахан хорумньута суох аастар, ходуһаларбытын, суолларбытын эҥин аһары алдьаппатар, үлэни-хамнаһы атахтаабатар диэн баҕа санаалаахпыт. Онтон дьоммут-сэргэбит бэйэ-бэйэҕэ көмөлөһөргө бэлэм, — диэтэ кини.
Иһиттэр эрэннэллэрэ эрэ бэйэлэригэр, бу дойдуга аны күһүҥҥэ диэри суол быстар, уу суола арыллыар диэри…
***
Людмила Мордовская
Оставить комментарий