“Хаҥалас хапсаҕайа” норуоттар икки ардыларынааҕы күрэхтэһиигэ

Олунньу 1-2 күннэригэр “Өрөгөй” спорт уораҕайыгар “Хаҥалас хапсаҕайа” норуоттар икки ардыларынааҕы күрэхтэһии ыытылынна.

Күрэхтэһиигэ: Азербайджантан – 2, Белоруссияттан – 3, Ирантан – 1, Индияттан – 2, Китайтан – 2, Грузияттан – 2, Кыргызстантан – 3, Монголияттан – 10, Нигерияттан – 1, уонна Узбекистантан – 2 барыта 28 спортсмен кытынна. Спортивнай  тэрээһин аан бастаан норуоттар икки ардыларынааҕы статуһун ылынан, хапсаҕай аан дойду аренатыгар тахсыытыгар дьоһуннаах хардыы оҥоһулунна.Саха сириттэн 397 спортсмен кытынна. “Хаҥалас хапсаҕайа” күрэххэ барыта 476 бөҕөс туһунна.

Россия атын регионнарыттан барыта 51 спортсмен, ол иһигэр Алтай, Тыва, Бурятия, Хакасия, Татарстан, Чувашия, Забайкальскай кыраай уонна Иркутскай уобалас бөҕөстөрө эмиэ кытыннылар.

Эр дьоҥҥо спорт үтүөлээх маастардара 57 киилэҕэ (1), 75 кг (1), МСМК – 57 киилэҕэ (0), 65 кг(2), 75 кг (3), 85 кг(2), 95 кг (1) уонна 95 кг үөһэ (3).

Спорт маастардара 57 киилэҕэ (7), 65 кг (22), 75 кг (29), 85 кг (15), 95 кг (20) уонна 95 кг үөһэ (14).

Спорт маастарыгар кандидаттар 57 киилэҕэ (1), 65 кг (3), 75 кг (3), 85 кг (0), 95кг (2) уонна 95 кг үөһэ (1).

Бастакы разрядтаахтар 57 киилэҕэ (54), 65 кг (58), 75 кг (71), 85 кг (46), 95 кг (21) уонна 95 кг үөһэ (13).

Бэтэрээннэргэ спорт маастардара, 60 киилэҕэ (7), 70 кг (13), 80 кг (9), 90 кг (10)уонна 90 кг үөһэ (6). Бастакы разрядтаахтар 60 киилэҕэ (6), 70 кг (11), 80 кг (12), 90 кг (5) уонна 90 кг үөһэ (0).

Эр дьоҥҥо 57киилэҕэ (63) бөҕөс туһунна, 65 кг (85), 75 кг (98), 85 кг (63), 95 кг (44) уонна 95 кг үөһэ (31).

Бэтэрээннэргэ 60 киилэҕэ (13) бөҕөс туһунна, 70 кг (27), 80 кг (21), 90 кг (15) уонна 90 кг үөһэ (16). Кылаабынай судьуйанан А. В. Яковлев, кылаабынай сэкирэтээринэн В. В. Уйгуров үлэлээтилэр.

Хаҥалас бөҕөстөрө эр дьоннорго 57 киилэҕэ (3) бөҕөс, 65 (9), 75 (8), 85 (4), 95 (1) уонна 95 кг үөһэ (1), бэтэрээннэргэ 60 киилэҕэ (3), 70 (5), 80 (2), 90 (0) уонна 90 киилэ үөһэ (1) барыта 37 бөҕөс кытынна.

Биһиги бөҕөстөрбүт ситиһиилэрэ:

Бэтэрээннэргэ: 60 киилэҕэ Илья Тимофеев III м, 80 кг Прокопий Петров I м.

Эр дьоннорго: Даниил Иванов I м.

“Хаҥалас хапсаҕайа” хапсаҕай тустуутугар норуоттар икки ардыларынааҕы күрэхтэһии кыайыылаахтара:

57 киилэҕэ Олимпий Васильев (СӨ, Үөһээ Бүлүү), 65 кгВладислав Левчиков (СӨ, Кэбээйи), 75 кг Тимур Николаев (СӨ, Үөһээ Бүлүү), 85 кг Зоригто Ухинов (Бурятия), 95 кг Ньургун Сергин (СӨ, Сунтаар), 95 кг үөһэ Даниил Иванов (СӨ, Хаҥалас). Бэтэрээннэргэ: 60 киилэҕэ Максим Колесов (СӨ, Таатта), 70 кг Николай Иванов (СӨ, Таатта), 80 кг Прокопий Петров (СӨ, Хаҥалас), 90 кг Платон Саввинов (СӨ, Үөһээ Бүлүү), 90 кг үөһэ Сайын-Белек Тюлюш (Тыва).

Илья Кондратьев кэриэһигэр абсолютнай былдьаһыыга ыарахан ыйааһыннаах 24 бөдөҥ бөҕөстөр эр-биир бурҕатыһан туоратыстылар. Ааспыт “Хаҥалас хапсаҕайын” абсолютнайдара Тыва бухатыыра Сайын-Белек Тюлюш уонна Айдын Монгуш финалга тахсар иһин хапсыһыылара Тюлюш ыраас кыайыытынан түмүктэммитэ. Финалга быйыл тахсыылаах хапсыһыылары көрдөртүү сылдьар Чурапчы бөҕөһө Никита  Софронов уонна иллэрээ сыллааҕы “Хаҥас хапсаҕайын” кыайыылааҕа Сайын-Белек Тюлюш утарыта тахсаллар. Никита атахха киирэ сатыыр, киһитэ киллэрбэт. Сүнньүттэн тардар. Никита атахха түһээри гыммытын Тюлюш  көмүскэннэ, үөһэттэн хам тутта, баттыалыыр. Ыйааһынынан хам баттаан кэбистэ.

Василий Дмитриевич Семенов-Күүстээх Баһыы 75 кг диэри ыйааһыннаахтарга кэриэһигэр 21 бөҕөс киирсибит абсолютнайыгар биһи бөҕөспүтүн Андрей Бекреневу охторбут Хакасия маастара Виталий Канзычаков бриллианнаах кыһыл көмүс мэтээлинэн, сиэдэрэй оҥоһуулаах курунан, сытыы батыйанан уонна 500 тыһ. солк сертификатынан наҕараадаланнылар.

Сырдыкка, кэрэҕэ, үрдүккэ тардыһыыга удьуор утумнууруун умнубакка салгыы сайыннаран, дьоллоох-соргулаах, чөл туруктаах үтүө ыччаттардаах буоламмыт бу Улуу түһүлгэ төрүттэннэ. Cпордунан дьарыктанарга аналлаах миэстэлэринэн дьону-сэргэни ыҥыра, угуйа турар үтүө үгэспит үксүү, Сахабыт сирэ үүнэ-сайда, чэлгийэ, аар-саарга аатыра турдун!

Норуот биир сомоҕо буолар улуу түһүлгэтэ, күүһүн-уоҕун билинэр үтүө кэмэ үүммүтүнэн сахалыы саргы, урааҥхайдыы уруй буоллун!

***

Василий МОЖУКОВ, СӨ спордун бэтэрээнэ, Покровскай к.