Ол курдук Сунтаарга көҥүл тустууга Арассыыйа успуордун үтүөлээх маастара, тириэньэр Петр Юмшанов, 2021 с. ыытыллыбыт аан дойду чөмпүйэнээтин призера, 2023 с. Ярыгин турнирын кыайыылааҕа, көҥүл тустууга Арассыыйа успуордун маастара Евгений Жербаев, көҥүл тустууга Арассыыйа успуордун маастара, Арассыыйа сүүмэрдэммит хамаандатын чилиэнэ, 2008 с. Олимпийскай оонньууларын үрүҥ көмүс призера, дойду, Европа, Арассыыйа чөмпүйэнээттэрин кыайыыылааҕа Алена Карташова, бу тустуу сулустарын кытта Роман Гайдуков, Арассыыйатааҕы тустуу федерациятын дириэктэрэ уонна Зелимхан Кцоев, Алроса култуура уонна успуорт комплексын дириэктэрин солбуйааччы кэлэн, улуус баһылыгын Анатолий Григорьевы кытта көрүстүлэр.
Ол кэннэ А.И.Иванов аатынан олимпийскай эрэллэри бэлэмниир оскуола манеһыгар кэлэн эдэр тустууктар киэһээҥи дьарыктарыгар түбэһэн маастар-кылаас ыыттылар.
Бу күн улахан таһымнаах тустууктар үрдүк ситиһиилэргэ хайдах дабайбыттарын кэпсээтилэр уонна бэйэлэрин куоһур албастарыттан көрдөрдүлэр.
Эдэр тустууктар элбэх туһалаах билии ылан, уонна маннык улахан ааттаах спортсменнары кытта көрсүспүттэрэ өйдөрүгэр-санааларыгар күүскэ хатанан хаалыаҕа.
Олус бэрт!