Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

“Триумф”: Сардаана эр санаата, Пинигин саата-суута, Ил Дархан “хойутаан” кэлиитэ

19.03.2019 04:42 34
“Триумф”: Сардаана эр санаата, Пинигин саата-суута, Ил Дархан “хойутаан” кэлиитэ

Аан дойдуга миграннарга сыһыан сытыырхайан турар. “Левада-центр” социологическай ыйытыгын түмүгүнэн, Россия олохтоохторо  эмиэ бүтэһик уон сылга миграннарга сыһыаннара мөлтөөбүт.

Дойду олохтооҕун 67%-на миграннар кэлиилэрин былаас аччатыахтаах диэн санаалаахтар эбит. Дьон саамай сөбүлээбэт миграннара:  Орто Азитяттан – 38%, Украинаттан –  19%, Белоруссияттан – 13%. Кавказ омуктарыгар сыһыан, олус да буолбатар, син тупсубут диэн социологтар бэлиэтээбиттэр.

Россия урукку Сэбиэскэй сойуус республикаларыттын Киргизияны кытары ураты сыһыаннаах.  Россия Киргизия территориятыгар байыаннай базатын туруорарын иһин сылын аайы 200-түү, 300-түү мөл. дуоллар кутар, байыаннайдарын үөрэтэр, араас чэпчэтиилэр көрөр.

Киргизтэр Российскай Федерация гражданинын пааспарын ылаллара эмиэ чэпчэтиилээх. Россияҕа аймаҕа олорор, ССРС пааспардаах, РФ үөрэҕин кыһатын бүтэрбит,  нууччалыы саҥарар, эбэтэр Россия гражданина ойохтоох-эрдээх киргиз үс сылынан РФ гражданина буолар толору бырааптаах. Аны, 2017 сыллаахха, В. Путин киргизскэй массыына ыытар быраап Россияҕа эмиэ сокуоннайын биллэрэн турар. Ол иһин таксист үксэ киргиз буолла.

ХИФУга, ордук Мединститукка, олус элбэх киргиз ыччата үөрэнэр. Үөрэхтэрин бүтэрэллэригэр РФ гражданинын пааспарын туппутунан тахсаллар.

***

Россия кыраныыссатын таһыгар НАТО базатын туттарбат туһугар Киргизияны хайдах да хадаҕалыан билбэт. Онто бэйэтин гражданнарыгар охсуулаах буолан эрэр.

Бурятия, 2017 с.

Икки сыллааҕыта киргиз атыыһыта кырдьаҕас бүрээт дьахтарын ырыынакка үөхпүтүгэр Улан-Удэҕэ улахан миитиннэр тахсыталаабыттара. Биллэн турар, бу кэлии омуктар биирдэ быдьардык тылласпыттарыттан айдаан тахсыбатаҕа сэрэйиллэр. Олус толоос, хардаҥ майгылаах буолан  олохтоох дьону кыынньыы сылдьыбыттара мунньулуннаҕа.

Сахалар ыалдьытымсах, тулуурдаах омуктар. Тыйыс айылҕалаах дьон буоларбыт быһыытынан, киһи киһиэхэ истиҥ сыһыанын өрө тутан, ону идеология оҥостон хоту дойдуну иччилээн кэллэхпит. Былыргы итэҕэлбитигэр даҕаны, тылынан, суругунан уус-уран айымньыларбытыгар – киһини омугунан араарыы төрдүттэн  суох.   Өбүгэлэрбит араас омугу кытары алтыһан, миккиһэн кэлбиттэрин тухары киһини омугунан хаһан да араарбатахтара. “Икки атахтаах, иннинэн сирэйдээх, ириҥэ мэйиилээх, инчэҕэй эттээх” эрэ диэн уопсай ааттыыллара.

Бэҕэһээ, бүгүн Дьокуускайга буолбут норуот миитинэ, биһиги курдук тулуурдаах омугу улаханнык кыынньаабыттарыттан таҕыста. Ыалдьытымсахпытынан туһанан сидьиҥник быһыыланыы, ааты-суолу тэпсии, өҥ антах барыы биирдэ төлө тэптэҕэ.  Киһилии сиэринэн үлэлээн-хамсаан сылдьаллара буоллар ким кинилэри абааһы көрүөх этэй?

Дьон туох да омуна суох “Триумф” курдук баараҕай уораҕайга баппакка иһинэн-таһынан дьалкыйда. Массыына батымына  Ойуунускай уулуссаны сырыһыннара, Сайсары эбэ муостатын ортотугар диэри  харардыы турунна. Ону таһынан сатыы дьон халыҥ-чараас халҕаһанан хотоҕостуу субулуннулар. Олорор да, турар да миэстэ суох, дьон киирэр аантан анньыллан турда. Ыал ыалынан оҕо көтөҕүүлээх, эбээ-эһээ арыаллаах  кытары кэлбиттэр.  Биллэн турар, норуот көмүскэлэ, хаххата-дурдата – эр дьоно муҥутуурдук тоҕуоруспут. Дьон-норуот үтүмэнэ сөхтөрдө да, долгутта даҕаны. Син баарбытын биллэрэр кыахтаах эбиппит.

Бу манна буолла – тургутуу. Норуот дьиҥ уордаах хараҕын хайа дьокутаат, тойон-хотун уйан утары көрөр кыахтааҕа көһүннэ. Бу манна билиннэ – норуот дьиҥ санаата, сытыы хараҕа, кылыс өйө, кимиэхэ хайдах сыһыаннааҕа ыраас мууска таҕыста.

Кистэл буолбатах, киргизтэр Саха сиригэр туох да харыыта суох ааҥнаан кэллилэр. Бу биһиэхэ эрэ буолбатах, атын регионнарга, улахан куораттарга эмиэ биир итинник хартыына. Сөмөлүөт сөмөлүөтүнэн киргиз уруута-аймаҕа түгэҕэ көстүбэттии кэлэ турар, кэлэ турар…

Киргизия 30% нэһилиэнньэтэ быстар дьадаҥы. Ол иһин Россияҕа талаһаллар. Бу Киргизияҕэ биир эмэ киргиз хаалла дуу, суох дуу диэх айылаах элбэхтэр. Москваҕа, Питерга хас маҕаһыын ахсын атыыһыттара, кассирдара киргизтэр. Такси суоппардара олорчу киргиз, биир эмэ нуучча дьүһүннээх эмп кэриэтэ татым. Бэл, Америкаҕа кытары ити эйгэҕэ өтөн киирдилэр диэн кэпсииллэр.

Кэллэ кэлээт бу дьонуҥ биирдэ лөглөс гынан тиэрэ байа түстүлэр.  Саҥа тутуллар дьиэлэргэ этээһи этээһинэн тилэри атыылаһан ылар буоллулар. Дьиэ-уот, массыына-көлө, маҕаһыын, кафе, ресторан арааһа. Хантан бачча элбэх харчылана оҕустулар? Наркотик тарҕатыыта  дииллэрэ кырдьык буолуо дуо? Киһи беляш астаан, баттах кырыйан, таксилаан итиччэ судургутук “атаҕар турар” кыахтаах дуо?

Аны күн сарсын Киргизия дойдутун былааһын бэрэстэбиитэллэрэ диаспораларын кытары кэпсэтэ кэлэллэр диэн сонун тарҕанна. Бурятияҕа киргизтэр былаастара кэлбэтэҕэ, оттон Саха сиригэр кэлэллэр, ол аата улахан интэриэстээх буолан кэлэн эрдэхтэрэ? Интэриэстэрэ тугуй?

Бэҕэһээ “Триумф” дириэктэрэ Павел Пинигини дьон үнтү хаһыытаан эппиэккэ тарта. Туох да трибуна оргуйан, уордайан олорор. Олимпийскай чемпиоммут аатыттан-суолуттан туох да хаалбатах.  “Норуот геройа” дэнэн наар аанньа халлааны хабарҕатынан, муораны тобугунан тэпсэ сылдьыам дэммитэ буолуо дуо? Норуот кинини дьиҥнээхтии хайдах ылынарын бэҕэһээ тото-хара биллэ-көрдө, өйдөөтө ини. Сатахха, тыл этэн дуомнаан биир-бииргэ  “разборкаҕа” ыҥырар, “өлөрөр буоллаххытына өлөрүҥ!”.  Саамай улахан спорткомплексы дьаһайар, элбэх спортсменнары салайар,ыччаты кытары үлэлиир киһибит таһыма итинник. Уларытарга уолдьаспата дуо?

Аҕыйах ахсааннах норуокка биир киһи дьайыыта норуокка абыралын дуу, алдьатыытын дуу  Пинигин холобуругар ырылхайдык көрүөххэ сөп.  Бэйэ норуотун туора омукка тэбистэрии, ааты-суолу алдьатыы муҥур уһукка тиийэргэ киниэхэ наада этэ дуо?! Бу олоҕун түмүгэ дуо?!

Павел Ксенофонтов

Кураанах куукулалары дьон истэ да барбата.  Дьиҥнээхтик сирэй-сирэйгэ норуоту кытары кэпсэтии шоу буолбатах. Аҕыйах Фейсбук куолуһутугар хоппут-кыайбыт саҕа сананыы – норуокка ытыктабылы ылыы кэрэһитэ буолбатаҕын тыл этэ сатаабыт тустаах дьокутааттар куойуларыгар-маҥкыларыгар оҕустардылар ини.  Микрофоҥҥа уочараттаан турбут элбэх дьокутаат трибуна ньиргиэриттэн саллан чугус гыннылар, тыл этэр баҕалара ханнан хаалла.

Георгий Артемьев

Тыл эппит хомуньуус Георгий Артемьев, урукку Ил Түмэн хас да ыҥырыылаах мунньаҕын  дьокутаата  тоҕо олохтоох дьон быраабы араҥаччылыыр уоргаттарга суохтарыгар болҕомтону тарта. Бары кэлии дьон: прокурор, Силиэстийэлиир кэмитиэт управлениета, ФСБ, ИДьМ, саатар Ис дьыала миниистиринэн олохтоох киһи буолуохтааҕа диэн баран погоннаахтары ыйда. Онуоха остуолга олорбут Силиэстийэлиир управление салайааччытын солбуйааччыта  Николай Алексеев (“кыһыл олигарх”  Артур Алексеев уола) ыксаан уҥа сыста.

Николай Алексеев

Мэҥэ Хаҥалас бэрэстэбиитэлэ

Мэҥэттэн кэлбит общественник кини тылын салҕаан: “Дьиҥинэн өссө Ил Дархан Дьөгүөр Барыыһап миграннары үлэҕэ ылары аччатар Ыйаах таһаарбыта, ол туолуутун бу дьон (уорганнар) хонтуруоллуохтара ханна баарый?!  Сокуон, ыйаах тоҕо туолбатый?!” – диэн оруннаах ыйытыы туруорда.

Айаал Макаров

Айаал Макаров, спортиҥҥа Аан дойду чемпиона, “Мясной двор” хаһаайына сахаларга итэҕэл дьиэтин хас биирдии улууска тутары модьуйуоҕуҥ, итэҕэлбитин сөргүтүөҕүҥ диэн эттэ.  “44 правослсавнай храм баар, 10-ча мечет баар, онтон киэҥ-куоҥ Арчы дьиэбит ханнаный?! Сахалар төрүт итэҕэлбитин кэпсэтэр, пропагандалыыр, санаа атастаһар, түмсэр сирдээх буолуохтаахпыт!”.

Видеоссылка https://youtu.be/7qjppdHWGsM

Норуот саамай Дьокуускай куорат баһылыгар Сардаана Авксентьеваҕа биһирэбилин биллэрдэ. Эр санаалаах, хорсун дьахтар тиийимтиэтик, дьоһуннаахтык  тыл эттэ. Сарсыҥҥыттан саҕалаан, былааннаан туох баар бары таксилары, общепиттары, эргиэн, өҥө оҥорор сирдэри бэрэбиэркэлиэххэ наада диэтэ. Бары көмөлөөн бэрээдэк олохтуоҕун, куораппытыгар хаһаайын баарын көрдөрүөҕүҥ диэн ыҥырда.

Ол тухары Ил Дархаммыт суох. Норуот талбыт Ил Дарханын тылын-өһүн истиэн баҕарара бааламмат. Чаас модьуйуу кэнниттэн Ил Дархаммыт сыараҕата дьэ хоҥнон кэллэ. Сомоҕолоһуу сылын биллэрбит киһи быһыытынан хара маҥнайгыттан тоҕо эр дьон иннигэр эр киһилии тахсан мунньаҕы салайбата? Аҥаардас Москва сирэйин-хараҕын маныыр тэмтэритиилээх.  Ил Дархан, бастатан туран, бэйэтин төрөөбүт норуотун дурдата-хаххата, көмүскэлэ буолар ытык аналга андаҕардаах. Ил Дархан бэйэтэ бигэ позициялаах, саныыр санаалаах, этэр тыллаах буолуохтаах. Дьиҥнээхтик норуоту кытары сатаан кэпсэтэр, биир тылы булар кыахтаах буолуохтаах.

Федор Борисов

Бу мунньах-миитин кэнниттэн былаас өтүттэн миграннары сааһылыыр, бэрээдэктиир үлэ күүскэ ыытыллыахтаах. Ол үлэҕэ хайаан да общественнай хонтуруол тэриллиэх тустаах. Мунньаҕы ыыппыт Федор Борисов, АГИП салайааччыта эппитин курдук, общество уонна былаас бииргэ үлэлээтэҕинэ эрэ хамсааһын тахсыаҕа.

Араас ханааллар журналистара кэлбиттэр. Сорохторо тылбаасчыттардаахтар.

Тургун Попов, “Урааҥхай” лидера. 

***

Aartyk.Ru

Обсуждение • 34

Добавить комментарий
  1. Араартаа уонна баhылаа

    Мы, якуты, освоили эту огромную землю, бок о бок жили с русским народом. И дальше будем так жить. Но нами извне другие народы не должны командовать», — заявил глава Якутии Айсен Николаев. Бу маннык диирэ сыыhа дии саныыбын. Маны нууччалар бэйэлэрин туhаларыгар эргитэн а5алыахтарын сеп уонна нууччаларга бэрт буола сатыыр наадата суох киргизтэринэн сибээстээн.

  2. Николай

    Эверстов баар этэ хара маннайгыттан

  3. Мэхээлэ

    Артур Алексеев уола сахалыы билбэтиттэн улаханнык кыбыста олорор. Дьахталлар общ тэрилтэрэ , салайааччылара бого бааллар, Балабкина, Гурьева, Борисова, Соловьева, Высоких, улахан айдаантан куоталлар эрэ, састылар

    • Ньукулай

      ***
      Aartyk.Ru
      диэн илии баттааһыннаах журналистка туһаайан. Олимп үрдүкү чыпчаалын дабайбыт Павел Пинигини сайт аатыттан, биир өттуттэн кэлти көрөн сыана быһыма. Кини 2014 сыллаахха баттаммыт Евразийскай экономическай союз договорга туох да сыһыана суох, бу модун Россия политиката. Күн сиригэр олоҕу олорбут уонна алҕаһаабатах киһи ахсааннаах буолуо. Кэнники сылларга ykt.ru сайт форумнарыгар, Саха сирин Аан дойдуга дуорааннаахтык ааттаппыт чемпиоммутун, биллибэт никтарынан киирэн элбэхтик хоруотаабыттара, ону эһиги, сахалыы тыллаах официальнай сайт, тэптэрэн биэрэрэ өйдөммөт быһыы.

  4. Айсен маладьыас!

    Силовиктары мунньан кэпсэтэн баран Триумфка кэллэ.
    Норуот олох уруйдаан керустэ!
    Хорсун, дьоЬуннаах тылын-еЬун дьон олох ылынна, биЬирээтэ, ейеете!
    Айсен триумфа буолла.
    Уоллаах эбиппит, Ил Дарханнаах эбиппит диэн норуот уердэ, астынна, сургэтэ кетегулуннэ!
    Ватсаап толору ньиргийэн олорор – Айсены айхаллаан, уолбутун уруйдаан, Ил Дархаммытыгар эрэнэн!

  5. Эмээхсин

    эдэр дьоццо иллээхтик омугунан араарсыбакка быстах санаага ылларан сутурук сокуонун туттубаттарын ейдетуеххэ наада.1986 с хатыламматар. Эдэрдэрбитин ейуеххэ ейдетуеххе улэ ыытыахха. Кэлии дьону кытта улэлиир структура баар ол кинилэр улэлэрэ.

    • НСВ

      Ити омуктарын кууhy эрэ ейдууллэр, толерантноhы мелтех быhыынан аа5аллар , туппатаххына бас баттах барллар оhуоба элбээтэхтэринэ

  6. эмээхсин

    эдэр дьон сыыьа ейдеен быстахтык сананн онно манна тубэьиэхтэрэ. Барахсаттар

  7. 555

    Эппит эрэннэрбит тылын толоруон наада Айсен

  8. АМАН

    Омугумсуйууга күтүрээбэттэрин туһугар дьаһаныах!
    Миграннар Россия олохтооҕун күүһүлээбиттэр. “саха-саха” диир тутах. Россияны бүттүүнүн болҕомтотун тардыахха. Онон миграннары уодьуганныыр, миграционнай сулууспаны кытаатыннарар туһугар ГосДума ирдэбиллээх сокуоннары ылынарын туруорсуохха! Тас дойдуттан үлэлии киирээччилэргэ МВД, ФСБ хонтуруолун күүһүрдэргэ.
    Субу Дьокуускайга буолбут олохтоох норуот санаатын этиитэ Арассыыйа бары муннугар иһиллэн, дуорааннанан дойдубут үрдүкү салалтата тас дойдуттан үлэлии киирээччилэргэ кытаанах сокуоннары ылынарыгар олук охсуон баҕарабын. Бары эйгэҕэ миграннары Орто азия судаарыстыбаларыттан эрэ буолбакка. кытайдары. дьоппуоннары, кэриэйдэри бэрээдэктиир кэм кэлбитин кэрэһэлээбит буолуохтун!

    • 8994

      Не давно в интернет сети был опрос, кому из правителей Руси Вы отдаёте предпочтение?! 99% написали Сталину.

  9. Саха куо

    Дьэ сахалар баарбытын биллэрдибит. Испитигэр тута сылдьыбыппытын таьаардыбыт. Билигин тойоттор-хотуттар, салайааччылар, общественнай тэрилтэлэр бэрээдэк олохтуохтара дии саныыбын. Журналистар ону барытын керен-истэн сми ненуе дьонно кэпсии олоруохтаах. Коррупцияны кытта куускэ охсуьуохха наада. Сахалар да харчыга атыыламмыттар бааллар. Бэйэбит дьоммут иьигэр эмиэ урбаанньык докумуонун бэрибиэркэлиэххэ наада. Нолуогу телеебет улэьит хара баьаам. Оннук улэьиттэри эппиэккэ тардыахха наада. Бастатан туран бэйэбит бэрээдэктээх буолуохтаахпыт. Холобур кердеруехтээхпит. Налоговайдар того улэлээбэттэрий? Отчёт эрэ тутары сатыыллар ду? Биир урбаанньык докумуонунан сэттэ киьи улэлиир налог телеебекке. Ону того хонтуруоллаабаттарый? За укрывательство злостного неплательщика налога диэн ыстатыйа баар дуо, улэлиир дуо? Дьэ билигин бэрээдэк олохтонуо диэн эрэнэ саныыбын.

  10. Омук уола

    Улахан муруннаах, күөх харахтаах дьон күүһүлээтэхтэринэ куттанан “чыып” да диэ суохтара. Дьиҥэр маҕан омукка киргииһэ сахата биир кинилэргэ, төһө да кинилэргэ бэрт буола сатаабыккыт иһин, “улахан омук” син-биир бэйэтигэр тэҥнээбэт чууркалар аатырабыт.

  11. Саха кыыьа

    Онтон бу дьахтар быраабын кемускээччилэр Саха ереспуубулукэтин дьахталларын сойууьа ханна баарый? Сойуустаахпыт дуу суох дуу? Бу дьахтар чиэьин кемускуехтээх тэрилтэ того суогуй? Хотуннара кимий?

  12. Дьахтар

    Оттон уполномоченная по правам человека гурьева тугунан дьарыктанар? Буолар буолбакка пиардана сүрдээх дии! Дьэ, кини итини россия үрдүнэн таһааран быраап туһугар сүүрүөхтээх этэ буоллаҕа! Дьахталлар сойуустара таах тугу да гыммат тэрилтэ. Өссө били единайдар “подруги” диэн тугу эрэ тэриммитэрэ дии. Онно тугу эрэ улуустартан хомуйа хомуйа арбаналлар этэ дии..тиийэн кэллэҕинэ биирдэ общ.тюрилтэ үлэлээбэт, үөһэттэн этэ иликтэринэ! Дьокутаат дьахталлар ханналарый..били габышева, григорьева, голомарева эҥин диэннэр. Бары хорооҥҥо!

    • Ээ даа?

      Ити Седуеччуйэлэр, Туонньалар – мээнэ эмээхситтэр буо 😄
      Сап-салыбырас, ип-илибирэс буола куттанан баран кутуйах хороонугар тебелерун батары анньан баран сыталлар буо 😄

  13. Саха кыыьа

    Андреева диэн баара дии эмиэ биир пиарщица. Путинныын илии тутуьар дьахталлар сойуустарын хотуна дуу туга дуу ханна суттэ.

  14. Сиидэр

    Кэлии омуктары сокуон өттүнэн бэрээдэктиир уолдьаста. Элбэх оголоох аатыран, хата, кинилэр гражданство ылаат, босхо сир ылаары тииһэллэр. Ити сокуоҥҥа хааччахтааһыны киллэриэххэ наада, прописка болдьогуттан ураты

  15. Ордос

    Ити үлүгэр дъону кэпсэтиигэ ыңыран баран микрофон иһиллэр гына оңоһуллубатах. Ил Дархан да Мэр да үчүгэйдик эттилэр онтулара бу интернетка эрэ иһиллэр ити үлүгэр зал истибэтэ. Кэлин мин тыл этээри чугаһаатым олох трибуна кэннигэр били кубок мира матын тэпсэ тэпсэ туран иһиллээтим да тугу да истибэтим. Арай иннигэр турар агыйах дъон истэллэр быһыылаах. Этиибин хатылыыбын. Былыргы билиини саха итэгэлин үөрэтэбин. Айыылар диэн ханнык эрэ маңан баттахтаах бэргэһэлээх о5онньоттор ханнык эрэ халлааннарга олороллор диэңңэ охтубаппын былыргы итэгэл, олоңхо туох былыргы биһиги сайдыыбытын быдан ааспыт сайдыылаах дъон научнай билиини хаалларбыттарын арыйабын. Ол курдук Айыылар диэн планеталар Иэйиэхситтэр диэн спутниктар. Үрүң Аар Айыы Тойон диэн Күн, Иэйиэхсит (Күнү эрэ иэйэ көтө сылдъар) диэн Меркурий, Айыыһыт – Венера, Дъөһөгөй – Сир, Айыы Хаан – Марс, Улуу Тойон – Юпитер, Ада5алаах Улуу Суорун – Сатурн, Тойон Ураанай – Уран, Аан Дъааһын – Нептун. Олоңхо5о этиллэр: ” Улуу Тойон уолун Үрүң Аар Айыы Тойон кыыһын ойох ыларын көңүллээбит онтон ылата Сиргэ олох баар буолбут”,- диэн. Ол аата Юпитер урукку спутнига Ый уруккута спутнига суох Сирдиин чугас аасыһыыларыгар тардыһаннар Ый Сир орбитатыгар – иитигэр киирэн биэрбит диэн. Бу сыһыаны эр киһи дъахтар сыһыаннара үтүктэр. Онно Сир диэн Дъахтар онтон Ый Эр киһи. Оччого Саха Былыргы Билиитинэн сүрүн киһи дъахтар буолан тахсар онтон эр киһи кинини көмүскүүр тула кинини эрэ көрөн иэйэ көтө сылдъар. Бу айылгатынан бу сыһыан хайда5а сөбүн көрдөрөр көстүү. Оннук олорбут ыаллар дъоллоох буолуохтаахтар диэн. Эр киһи диэн эрэллээх киһи диэн. Дъахтарын көмүскүүрэ эр киһи айылгаттан анала диэн. Чэ ис хоһооно итигирдик тыл эппитим. Ити дъиэ иһигэр онтон тас дъайыылары эр киһи бэйэтигэр үксүн ылынар диэн.

  16. Буетур

    Айсен, Сардаана хорсун санаалаах политик буолалларын кердердулэр. Биир бэйэм уердум, долгуйдум, биьирээтим.

  17. уйбан

    туох хорсун санаа диэн арбаатыгыт ? дьонно тахсар эбээсинэстэрэ буоллага. ол эрэн республика салайааччыта, куорат мээрэ санкцияламматах миитиннэ кэлэн сыыстылар дии саныыбын. сокуоннайа суох дьыаланы бэйэлэрин статустарынан “лигимитациялаатылар”. на поводу толпы баралларын, туох ис сыаллаах, ким тэрийбитэ саарбах дьыаланы, хулиганнары да диэтэххэ соп, статустаатылар. ол политическай содула оссо биллиэ. бу киргизтэри утары тэрээсиннээх утары туруу дьинэ экономическай торуттээх. интэриэстээх дьон бааллар. былаас буруйа да баар. кризис кэлэн улэлээх буолуу, араас харчы хамсыыр, тутуу эгин тула конкуренция куусурдэ. салалтабыт олохтоохтору улэнэн хааччыйар оннугар чэпчэки, истигэн миграннары наймыласан, откат ылан полукриминально дьасанар онноох дьоннору билбэтэгэ буолаллар. норуот ортотугар уосээ дагдайар, туохтан эмэ тутусан-ойонон ас-танас булунар социальнай лифт диэнтэн матан сылдьар арана элбээн исэр. барыта сабыылаах, элитэ диэн аатырар арана саба барыйан олорор, чугас дьонун, аймагын хааччыйар. хара норуот саатар хара улэнэн айагын ииттээри гыннагына аны ол элитабыт ол-бу миграннарга усулуобуйа онорон, олорго ас-танас тахсар миэстэлэрин биэрэн онтон эмиэ тус бэйэлэригэр дохуоттанан дьасайаллар. онон норуот ортотугар кыысырыы баар. ол киргиз кыысы куусулээбитэ того барарга торуот эрэ буоллага. саха кыргыттарын бэйэбит “дьоруойдарбыт” тосо кэбилииллэрин ким билбэтэ баарый ? онон учугэйдик оройдоон, улаханнык толкуйдаан сыана бысыллыахтаах, бу буолбут событие. тэрийээчилэри эмиэ кимнээгин, туох ис сыалаахтарын уйугэйдик билиэхтээхпит. норуот комускээччилэрэ аатынан хасан даганы араас дьон саптынааччылар. атын омугу , дьону барытын саба тарыйан уогэр, буруйдуур дьон хасан даганы учугэй сыаллара суох буолдар.

  18. Кулгаах

    Интириэстээх дьон угаайытыгар киирэн иһэбит.

    • МГА-13

      Оттон олох сууланан, кулгаагы харагы буелэнэн баран олордоххо отой туга да суох хаалыахча курдукпут дии

  19. Кыыс

    Бу курдук түмсүүлээхтик Алко Маркет маҕаһыыннарын суох оҥороллоро буоллар Куорат дьиэтин тэлийэ турар аргы маҕаһыннара элбээн иһэллэр.Дьэ утары норуот турунара буоллар.

  20. Сомоҕо күүс

    Нутчина албынчык журналистка, нууччалы эттэххэ “мозги компонсирует”, кими сөбүлээбэт уонна билбэт дьонун дэлби сэнээн уонна түһэрэн суруйар, ол дьоннор сөпкө да этинэр буоллахтарына. Личнай амбицията ынырык, киһи таһынан быһыыланар, оннук дьону сахалар былыр былыргыттан сөбүлээбэттэр уонна убаастаабаттар. Онон Нутчина эн эмиэ ити Павел Пинигин курдук, саха норуотун убаастабылын ыларын саарбаҕа суох.

  21. ТИМИР

    Аан дойдуга отон киирэн хаамайы дьон бас баттах бардылар.Таах о5ону дьахтары куьулээн оссо тоьото заявл. суруйбакка хаалбыта буолуой.Дьахтар суруйбата5а буоллар эмэьэлэрэ да билиэ суох этэ.Нуучча политолога эппит:бэйэ5ит тойотторгут сокуону кэьэллэр тугу да улэлээбэттэр диэн.Бу тренер урукку утуотунэн саптан дьону сиэтэр аны беа сири атыылата бу туохха да баппат кыыллар эбит.Аьаабыт иьиттэригэр холгуйар.Оннук буолла5ына аны кыыс о5олоох дьон хайдах киьини утары коро5ут?!Оттон ойохтоох ийэлээх ицин буолуоххут.Ацаардас ата5астатан олох да кэрээнэ суох дьону дьахталларгыт торотуохтэрэ.Олоруц аны кэлии дьону бэйэлэрин эрэ хааннарын коруохтэрэ.Оччотугар ким хааларый бу дойдуга.

  22. Тыа уола

    Урукку спикербыт А. Жирков человек года в Киргизии этэ дии. То5о?

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»