Курс валют
$
74.58
0.53
89.57
0.12
Курс валют
Курс валют
$
74.58
0.53
89.57
0.12
Меню
Поиск по сайту

Тохсунньу 29 күнүгэр, Сунтаар улууһугар Сүгүрүйүү уонна Үйэтитии сылын түмүктүүр, Үтүө дьыаланы оҥорооччу сылын арыйар үөрүүлээх тэрээһин ыытылынна.

29.01.2021 21:37 0
Тохсунньу 29 күнүгэр, Сунтаар улууһугар Сүгүрүйүү уонна Үйэтитии сылын түмүктүүр, Үтүө дьыаланы оҥорооччу сылын арыйар үөрүүлээх тэрээһин ыытылынна.

Долгутуулаах кэрэ-бэлиэ тэрээһиҥҥэ сыл түмүгүнэн бастыҥтан бастыҥ көрдөрүүлээх, үлэни-хамнаһы өрө тутан кэлбит дьоммутугар Сунтаар улууһун Аҕа баһылыга Анатолий Григорьев, улуус баһылыгын бастакы солбуйааччыта Николай Александров уонна баһылыгы социальнай уонна имиджевэй бэлиитикэҕэ солбуйааччы Гаврил Еремеев эҕэрдэлээн, наҕараадалары туттардылар. 


Ол курдук, СӨ  «ГРАЖДАНСКАЙ КИЛБИЭН»  бэлиэ – Элгээйи орто оскуолатын бэтэрээн учууталыгар Иван Михайловка туттарылынна.

СӨ Бырабыытылыстыбатын Грамоталарынан — Өрөспүүбүлүкэ социальнай-экономическэй сайдыытыгар кылаатын, олохтоох бэйэни салайыныы тутулугар уонна сайдыытыгар өр сыллаах үлэтин иһин Сунтаар улууһун дьаһалтатын экономическай сайдыы управлениетын салайааччыта Ия Ефремова, Сунтаар улууһун библиотечнай ситимин сайдыытыгар өр сыллаах бэриниилээх үлэтин иһин Леонид Попов аатынан Сунтаардааҕы киин библиотека кылаабынай библиотекара Саргылана Спиридонова наҕараадаланнылар.

“СӨ үөрэҕириитин Бочуоттаах бэтэрээнэ» аат Сунтаар улууһун үөрэҕирии салалтатын муниципальнай органын түмэл үлэтин салайар кылаабынай специалиһыгар Альбина Ивановаҕа иҥэрилиннэ.

«СӨ  үөрэҕириитин туйгуна» Бочуотунай бэлиэнэн Сунтаар улууһун үөрэх салалтатын муниципальнай органын кылаабынай специалиһа Елена Егорова наҕараадаланна.

Тыа сиригэр нэһилиэнньэ олоҕо-дьаһаҕа үтүө туруктаах буолуутугар сүрүн оруолу үлэ үөһүгэр айа-тута сылдьар нэһилиэк олохтоохторо, бас-көс дьоно буолаллар. 2020 сыл түмүгүнэн “Бастын нэһилиэк” улуустааҕы күрэх түмүгүнэн бастакы бөлөххө – 400-кэ дылы ахсааннаах киһилээх кыра  нэһилиэктэргэ:

3-с миэстэ Түбэй нэһилиэгэ.

2-с миэстэ Хадан нэһилиэгэ.

1-кы миэстэ Күүкэй нэһилиэгэ.

Иккис бөлөххө — 400-тэн 700-кэ дылы ахсааннаах киһилээх орто нэһилиэктэргэ:

3-с миэстэ Дьаархан нэһилиэгэ.

2-с миэстэ Хордогой нэһилиэгэ.

1-кы миэстэ Аллыҥа нэһилиэгэ.

Үһүс бөлөххө — 700-тэн үөһээ ахсааннаах киһилээх улахан нэһилиэктэргэ:

3-с миэстэ Күндэйэ нэһилиэгэ.

2-с миэстэ Сунтаар нэһилиэгэ.

1-кы миэстэ Кириэстээх нэһилиэгэ.

2020 сыл — Сунтаар улууһугар сүгүрүйүү уонна үйэтитии сылын түмүгүнэн  3 бастыҥ үлэлээх тэрилтэлэр ааттаннылар, ол курдук:

Дьаархан нэһилиэгин “Одун” культура киинин коллектива.

И.Г. Спиридонов аатынан Кириэстээх орто оскуолатын коллектива.

Н.М. Родионова аатынан Сунтаардааҕы оҕо дьоҕурун сайыннарар киин коллектива.

Кыайыы 75 сылынан Сунтаар улууһугар сугуруйуу уонна үйэтитии сылыгар аналлаах Сунтаар улууһун нэһилиэктэрин икки ардыгар ыытыллыбыт видеоролик күрэһин кыайыылаахатара билиннилэр, ол курдук:

3 миэстэ Хоро нэһилиэгэ.

2 миэстэ Сиэйэ нэһилиэгэ.

1 миэстэ Маар-Күөл нэһилиэгэ.

Аҕа Дойду сэриитин кыттыылаахтарын, тыыл бэтэрээннэрин ааттарын үйэтиппит дьоммутугар Сунтаар улууһун Аҕа баһылыгын Махтал суруктара –  «Сунтаар улууһун Бочуоттаах уонна үтүөлээх үлэһит дьоно» кинигэ автора Николай Спиридоновка, сыл устата элбэх тэрээһини тэрийбит, ытыктабыллаах бэтэрээннэрбитин кытта ыкса үлэлэспит Сунтаар улууһун бэтэрээннэрин сэбиэтин бэрэссэдээтэлигэр Афанасий Васильевка уонна Сунтаар нэһилиэгин бэтэрээннэрин сэбиэтин бэрэссэдээтэлигэр Люция Ивановаҕа туттарылыннылар.

Аҕа Дойду сэриитин кыттыылаахтарын, тыыл бэтэрээннэрин ааттарын үйэтиппиттэрин  иһин “Аҕа Дойду сэриитигэр Кыайыы 75 сыла” юбилейнай мэтээлинэн «Үйэ кирбиитигэр» кинигэ автора Ксения Семенова, «Сунтаар улууһун дьоруой ийэлэрэ» кинигэ автора Зинаида Иванова, Улуу кыайыы 75 сылыгар ананар «Алаһа» сурунаал кылаабынай редактора Людмила Игнатьева уонна сурунаал эппиэттиир редактора Антонина Прокопьева, «Кэм кэрдии кэрэһиттэрэ» кинигэ автора Альбина Иванова, Сунтаардааҕы киин балыыһа, үөрэҕирии салаатын үлэһиттэрэ уонна улуус киинигэр “Албан Аат болуоссат” тутуутугар күүс-көмө буолбут дьоммут уонна Аҕа Дойду Улуу сэриитин кыттыылаахтарын Григорьев Дмитрий Яковлевич, Петров Егор Константинович, Ващенко Николай Михайлович, Саввинов Дмитрий Егорович, Васильев Тит Степанович, Уаров Владимир Алексеевич, Яковлев Илья Ильич  ааттарын үйэтитэн Өрөспүүбүлүкэ, Улуус таһымнаах күрэстэрин тэрийэн ыыппыт дьоммут наҕараадаланнылар.

***

“Сунтаар улууһа (оройуона)” муниципальнай оройуон пресс-сулууспата.

Оставить комментарий    

Россельхозбанк
АЯМ