Курс валют
$
74.04
0.39
89.45
0.93
Курс валют
Курс валют
$
74.04
0.39
89.45
0.93
Меню
Поиск по сайту

Сыллааҕы улуус үөрэҕириитин үлэһиттэрин олунньу ыйдааҕы сүбэ мунньаҕа ыытылынна

19.02.2021 08:47 0
Сыллааҕы улуус үөрэҕириитин үлэһиттэрин олунньу ыйдааҕы сүбэ мунньаҕа ыытылынна

Мунньах торума «Аныгы үөрэх хаачыстыбатын кыһалҕалара уонна быһаарыылара» тиэмэннэн барда, маҥнайгы чааһыгар куйаар ситимин нөҥүө былаһааккаларынан арахсан аныгы үйэҕэ үөрэх үөрэх хаачыстыбатын үрдэтии кыһалҕаларын уонна 2021 нормативнай акталарга киирэр уларыйыылар тула кэпсэтии олохтонно. 


Күн иккис аҥарыгар С.А. Зверев – Кыыл Уолун аатынан норуот айымньытын киинигэр сүбэ мунньах пленарнай чааһа улуус Аҕа баһылыга Анатолий Григорьев, улуус депутаттарын Сэбиэтин бэрэссэдээтэлэ Ульяна Попова, баһылыгы социальнай уонна имиджевай бэлиитикэҕэ солбуйааччы Гаврил Еремеев, улуустааҕы үөрэх управлениетын салайааччыта Альберт Иванов, үөрэх кыһаларын дириэктэрдэрэ уонна оҕо уһуйааннарын салайааччылара кыттыылаах ыытылынна, онно Аҕа баһылык үөрэх хаачыстыбатын тупсарыгар концепция ылынан үлэлииргэ сорук туруорда.

Сүбэ мунньах үөрүүлээх чааһыгар өр сылларга таһаарыылаахтык үлэлээбит оҕо уһуйааннарын сэбиэдиссэйдэрин, иитээччилэрин чиэстээтилэр. Сунтаар улууһун Аҕа баһылыга Анатолий Григорьев Бүтүн Россия, СӨ, Сунтаар улууһун үөрэҕириитин сайдыытыгар тус кылаатын, өр сыллаах үрдүк таһаарыылаах үлэтин иһин “Российскай Федерация иитиигэ уонна үөрэхтээһиҥҥэ Бочуоттаах үлэһитэ” бэлиэни Сунтаар нэһилиэгин “Чебурашка” оҕо сайдар киинин музыкальнай салайааччытыгар Антонина Гуриноваҕа туттарда.

Үөрэҕирии эйгэтигэр өр сыллаах таһаарыылахх үлэлэрин иһин «Учууталлар учууталлара» бэлиэннэн улуус үөрэҕин салалтатын информационнай методическай отделын сэбиэдиссэйэ Туяра Семенова наҕараадаланна.

Семен Николаевич Донской 2с аатынан үөрэх сайдыытын уонна педагогтар идэлээх таһымнарын үрдэтэр институт «Методист Якутии» бэлиэни улуус үөрэҕин салалтатын уопсай үөрэхтээһинин отделын главнай специалиһыгар Нина Павловаҕа туттарылынна.

Сунтаар улууһун оскуолаларын оҕо тэрилтэлэрин үлэлэрин сайдыытыгар тус кылаатын, өр сыллаах үрдүк таһаарыылаах үлэтин иһин СӨ биир сомоҕо оҕо хамсааһынын сайдыытыгар кылаатын иһин бэлиэннэн Н.М. Родионова аатынан Сунтаардааҕы оҕо дьоҕурун сайыннарар киин дириэктэри солбуйааччы Айна Яковлева наҕараадаланна.

Ону сэргэ “Ворлд Скиллс Раша 2021” күрэх чэрчитинэн “Эдэр Профессионаллар” 9-с аһаҕас бүтүн Өрөспүүбүлүкэтээҕи чемпионат кыайыылаахтарын бэлэмнээбиттэргэ Сунтаар улууһун баһылыгын Махтал суруктара туттарылыннылар.

Улуустааҕы үөрэҕириитин салалтатын салайааччыта Альберт Иванов учуутал идэтигэр бэриниилэрин, үөрэх хайысхтын сайдыытыгар кылааттарын иһин «СӨ педагогическай династия» бочуоттаах бэлиэни Акимовтар дьиэ кэргэттэригэр Маар-Күөл орто оскуолатын математика учууталыгар Зинаида Сергееваҕа, Яковлевтар, Маппаровтар дьиэ кэргэттэригэр Г.Т. Семенов аатынан Хадан орто оскуолатын математика учууталыгар Наталья Яковлеваҕа, Ивановтар дьиэ кэргэттэригэр Бордоҥ орто оскуолатын педагогическай үлэ ветераныгар Валентина Ивановаҕа уонна Потаповтар дьиэ кэргэттэригэр П.Х. Староватов аатынан Элгээйи орто оскуолатын нуучча тылын уонна литературатын учууталыгар Валентина Винокуроваҕа туттарда.

***

«Сунтаар улууһа (оройуона)» муниципальнай оройуон дьаһалтатын пресс-сулууспата.

Оставить комментарий    

Россельхозбанк
АЯМ