Курс валют
$
63.95
0.06
71.13
0.23
Курс валют
Курс валют
$
63.95
0.06
71.13
0.23
Меню
Поиск по сайту

Сунтаарга улуус үбүлээһиниттэн көрүллүбүт бара турар тутуулар хаамыыларын көрдүлэр

21.08.2019 17:33 0
Сунтаарга улуус үбүлээһиниттэн көрүллүбүт бара турар тутуулар хаамыыларын көрдүлэр
Сунтаар улууһун Аҕа баһылыга Анатолий Григорьев, тутуу комплексын управлениятын начальнига Иван Егоров уонна тутуу салаатын инжиниэрэ Виктор Ефремов буолан Түбэй-Дьаархан, Сиэйэ уонна  Күүкэй нэһилиэктэригэр улуус үбүлээһиниттэн көрүллүбүт бара турар тутуулар хаамыыларын көрдүлэр-иһиттилэр, тустаах эппиэтинэстээх салайааччыларын көрсөн тутуу хаамыытын, хачыстыбатын ыйыталастылар.

Түбэй-Дьаархан нэһилиэгэр С.А. Зверев аатынан уопсай үөрэхтээһин орто оскуолатын сарайын уонна муостатын утеплениялааһыныгар уонна профлист саайааһыныгар  7 киһилээх  биригээдэни Сергей Зверев салайан үлэлии-хамсыы сылдьар, үлэ хаамыыта түргэн, былаан 70 бырыһыана туолбут. Отопление өттүгэр «Якутская энергосервисная компания» тэрилтэ ылсан теплосчетчиктары уонна дьиэ иһигэр итии-тымныы кээмэйин салайан, уларытан холбуур тэрили туруорар. Инникитин нэһилиэккэ эһиил эргэ спорт сааланы көтүрэн саҥаны тутар былааннаахтар.

2017 сыллаахха үлэҕэ киирбит «Сэргэ» оҕо саадыгар Дьулустаан Афанасьев биригээдэтэ өрөмүөн үлэтин ыытар, онно баһаарынай ааннары уларытыы, благоустройства уонна билиҥҥи ирдэбилинэн көрүллэринэн эбии детскай площадка тутуллуохтаах.
Күүкэй нэһилиэгэр, аныгылыы ньыманнан тутулла турар сахалыы балаҕан үлэтин хаамыытын көрдүлэр-иһиттилэр. Бэдэрээччик ИП Стручков Р.В., тутууга 4 киһилээх биригээдэ үлэлиир. Нэһилиэк баһылыга Федор Федоров үлэ саҕаланыыта тэтимнээхтик барбытын бэлиэтээн эттэ.
Салгыы оҕо оонньуур спортивнай площадка тутуутун ООО «СибирьСнаб» тэрилтэ тутан саҕалаабыт, тутуу хаачыстыбата мөлтөх буолан эбии өрөмүөннээн, оҥорон биэрбиттэр.
Сиэйэ нэһилиэгэр, нэһилиэк баһылыга Алексей Обоюков  саҥа тутулла турар культурнай спортивнай комплекс үлэтин хаамыытын билиһиннэрдэ, манна ООО «Туйгун» тэрилтэттэн 5 киһилээх биригээдэ ылсан үлэлии- хамсыы сылдьар.  Биригэдьиир Ариян Бурнашев тутуу матырыйааллара барыта кэлэн, үлэ болдьохтоммут былаанынан баран иһэр, улахан хаалыы суох диэн сырдатта.
50 миэстэлээх «Сарыал» оҕо саадыгар өрөмүөн үлэтэ бара турарын көрдүлэр-иһиттилэр. Дьиэ аҥаар кынатын сабаарыҥкаларын ардах хотон муостата сытыйан тэллэйдэммитин уларыталлар.
***
 «Сунтаар улууhа (оройуона)» муниципальнай оройуон дьаһалтатын пресс – сулууспата

Оставить комментарий    

!