Сунтаарга тыа хаһаайыстыбатын тэрилтэлэрэ анал байыаннай дьайыыга үһүс төгүлүн кэнсиэрбэ астаан ыытыахтара

“Улуустааҕы тыа хаһаайыстыбатын управлениетын үлэһиттэрэ анал байыаннай дьайыыга сылдьар уолаттарбытыгар анаан 100-түү устуука ынах уонна сылгы этиттэн кэнсиэрбэ оҥорон ыытаары бэлэмнииллэр.

Ол курдук Тойбохойдооҕу МУП “Хочо” тэрилтэттэн 50 кг ынах, 50 кг сылгы этин атыылаһан ылан, кыра гына кырбаан, Күндэйэҕэ Сергей Еремеев дириэктэрдээх «Тускул» кэпэрэтиипкэ илдьэн оҥордулар.

Үлэһиттэр байыаннай дьайыыга кыттыыны ылар биир дойдулаахтарыгар көмөлөһөргө бары күүһү уураллар, хайа да түгэҥҥэ илиилэрин утары ууналлар. Бу сырыыга номнуо 3-с төгүлүн ыыталлар.

Онон, сотору улуус дьаһалтатын дэлэгээссийэтэ байыастарга бэйэ дойду аһын, малын-салын тиксэрэр сыаллаах айаҥҥа турунуо” – диэн тыа хаһаайыстыбатын салалтатын салайааччыта Владимир Анисимов иһитиннэрэр.

***

Пресс-служба МР «Сунтарский район»