Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Сунтаарга Өрөспүүбүлүкэтээҕи “Сайдыы” общественнай хамсааһын форума тэрилиннэ

14.04.2021 14:53 0
Сунтаарга Өрөспүүбүлүкэтээҕи “Сайдыы” общественнай хамсааһын форума тэрилиннэ

Муус устар 14 күнүгэр, С.А. Зверев – Кыыл Уолун аатынан норуот айымньытын киинигэр Өрөспүүбүлүкэтээҕи “Сайдыы” общественнай хамсааһын форума тэрилиннэ. Онно улууспут коммерческайа суох уопсастыбаннай түмсүүлэрэ төрөөбүт-үөскээбит улууспут, өрөспүүбүлүкэбит чэчирии сайдарын туһугар актыыбынайдык кыттан бэйэлэрин дьоһун кылааттарын дьон-сэргэ истиитигэр таһаардылар.


Форум үөрүүлээх арыллыытыгар улуус Аҕа баһылыга Анатолий Григорьев Сунтаар улууһун уопсастыбаннай хамсааһын сайдыытыгар үлэлэрин иһин «Сунтаар улууһугар гражданскай көҕүлээһиҥҥэ тус кылаатын иһин» Бочуотунай бэлиэлэри Сунтаар нэһилиэгин «Туску» түөлбэ бэрэссэдээтэлигэр Валентина Аммосоваҕа уонна улуус сайдыытыгар туһуламмыт бырайыак ааптарыгар Людмила Пустолякова туттарда.

СӨ нэһилиэктэрин икки ардыларыгар ыытыллыбыт «Кубок НВК» күрэххэ актыыбынай кыттыыларын иһин Сунтаар улууһун Аҕа баһылыгын махтал суруктарынан Хадан нэһилиэгин баһылыга Андрей Оконешников, нэһилиэк дьаһалтатын исписсэлииһэ Роман Попов, Хадан оскуолатын ОБЖ учуутала Владимир Нахов уонна физкультура учуутала Павел Павлов наҕараадаланнылар.

Гражданскай уопсастыба сайдыытыгар тус кылааттарын иһин Сунтаар улууһун Аҕа баһылыгын махтал суруктара СӨ социально ориентированнай коммерческайа суох тэрилтэлэрин өйүүр биир кэлим ресурснай киин координаторыгар Надежда Ноговицынаҕа, тэрилтэ юриһыгар Вячеслав Ядреевка, тэрилтэ эксперт-аналитигар Дмитрий Куприяновка туттарылыннылар.

Сунтартан одномандатнай избирательнай округ СӨ Ил Түмэн депутата Андрей Николаев СӨ Судаарыстыбаннай мунньаҕын бэрэссэдээтэлин махтал суруктарын Сунтаар улууһун оройуоннааҕы балыыһатын терапевт-бырааһыгар Наталья Спиридоноваҕа, реаниматолог бырааһыгар Алиса Емельяноваҕа, инфекционнай отделение медицинскэй сиэстирэтигэр Татьяна Аммосоваҕа, суһал көмө отделениетын фельдшерыгар Станислав Поповка, Сунтаар улууһун депутаттарын Сэбиэтин депутатыгар, «Сырдык аартык» СХПК дириэктэригэр Розалия Ивановаҕа, Кириэстээх нэһилиэгин депутатыгар, модельнай ааҕар салаа кылаабынай библиотекарыгар Людмила Даниловаҕа, Сунтаардааҕы политехнологическай лицей-интернат физика учууталыгар Клара Ивановаҕа туттарда.

***

«Сунтаар улууһа (оройуона)» муниципальнай оройуон дьаһалтатын пресс-сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»