Сунтаардааҕы судаарыстыбаннай статистика отделын салайааччытын Валерий Иванов 65 сааһын бэлиэтээтилэр

Сунтаар улууһун муниципальнай оройуон дьаһалтатын аактабай саалатыгар Сунтаардааҕы судаарыстыбаннай статистика отделын салайааччыта Валерий Семенович Иванов 65 сааһын бэлиэтиир үөрүүлээх тэрээһинэ ыытылынна.

Валерий Семенович үлүскэн үлэтинэн, мааны майгытынан дьон-сэргэ дириҥ ытыктабылын ылар. Кинини үгүс дьон уһуну-киэҥи, кэрэни-кэскиллээҕи толкуйдуур салайааччы, төрөөбүт дойдутун туһугар сүрэхтиин-санаалыын ыалдьар дьиҥ патриот диэн билэр.

Улууһун социальнай-экономическай сайдыытыгар уонна спортивнай олоҕор киллэрбит дьоһуннаах кылаатын үрдүктүк сыаналаан, өр сыллааах бэриниилээх үлэтин иһин, бүгүҥҥү үөрүүлээх тэрээһиҥҥэ нэһилиэк баһылыктара, тустаах тэрилтэлэр салайааччылара уонна кэллиэгэлэрэ сайаҕас эҕэрдэ тылларын анаатылар.

***

«Сунтаар улууһа (оройуона)» муниципальнай оройуон дьаһалтатын пресс-сулууспата