Курс валют
$
53.32
0.03
55.96
0.02
Курс валют
Курс валют
$
53.32
0.03
55.96
0.02
Меню
Поиск по сайту

Сунтаар волонтердарын үлэлэрин сэргээтилэр

31.03.2022 12:43 0
Сунтаар волонтердарын үлэлэрин сэргээтилэр

Бу күннэргэ үтүөнү үксэтээччи аҕам саастаах уопсастыбанньык дьоммутун өйүүр, кинилэр үлэлэрин уопутун тарҕатар сыаллаах “Серебряный волонтер” өрөспүүбүлүкэтээҕи пуорум ыытылынна.

Өрөспүүбүлүкэтээҕи “Серебряный волонтер” пуорумҥа Сунтаартан нэһилиэк, улуус уопсастыбаннай олоҕор инники күөҥҥэ сылдьар далбар хотуттар Людмила Пустолякова, Кутанаттан Альбина Иванова, Элгээйиттэн Маргарита Сидорова, Дьаархантан Лариса Иванова, Кириэстээхтэн Августина Платонова кытыннылар.
Пуорумҥа өрөспүүбүлүкэ араас улуустарыттан аҕам саастаах волонтердар – үтүөнү оҥорооччулар бэйэлэрин улуустарыгар ыытар үлэлэрин, уопуттарын, саҥа саҕалааһыннарын кэпсээтилэр.

Сунтаарга ааспыт сыл “Үтүөнү оҥорооччу сыла” буолан сунтаардар бу хайысхаҕа үлэлииллэрин
билиһиннэрдилэр. Биһиги улууспут дэлэгээттэрин үлэлэрин олус сэргээн иһиттилэр, кинилэр уопуттарын бэйэлэрин улуустарыгар тарҕатыахха сөбүн бэлиэтээтилэр.


Кириэстээхтэн Августина Платонова: “Тэрээһиҥҥэ араас улуустартан Хоту сытар Өймөкөөн улууһуттан тиийэ, олоххо көхтөөх аҕам саастаах дьон кэлбит. Пуорум саастаах дьон кырдьыыга бэриммэккэ олоххо көхтөөх, тулалыыр эйгэҕэ, дьоҥҥо көмө оҥороллорун көрдүннэр-биллиннэр диэн ыытылынна. Тэрээһин саастаах дьон бэйэлэрин холобурдарынан үтүө дьыаланы оҥорууга элбэх дьону көҕүлээтиннэр диэн түмүктээх буолла”, – диэн пуорум туһунан санаатын үллэстэр.

Пуорум чэрчитинэн араас трениннэр, кэпсэтиилэр, санаа атастаһыылар буоллулар. “Сунтаарым – мин дойдум” оуопсастыбаннай тэрилтэ салайааччыта Людмила Пустолякова бэйэтин ыытар үлэтин, бырайыагын билиһиннэрдэ.

Буоларын курдук, аҕам саастаах дьон олоххо тардыһыыларынан, күүстээх санааларынан мэлдьи холобур буолаллар. Кинилэр үтүө дьыаланы оҥорууга элбэх дьону көҕүлээтиннэр, кэрэни-сырдыгы тарҕаттыннар!

 

***

 Источник: сунтаарсонуннара.рф

 

 

Оставить комментарий